Ҷаласаи Ситоди корӣ оид ба бартарафсозии қарздории музди меҳнат баргузор гардид
ДУШАНБЕ, 14.05.2021 /АМИТ «Ховар»/. 14 май дар Китобхонаи миллии Тоҷикистон ҷаласаи ситоди кории Вазорати меҳнат, муҳоҷират ва шуғлии аҳолии Ҷумҳурии Тоҷикистон оид ба бартарафсозии қарздории музди меҳнат баргузор гардид.
Тавре аз маркази матбуоти Вазорати меҳнат, муҳоҷират ва шуғли аҳолии Ҷумҳурии Тоҷикистон ба хабарнигори АМИТ «Ховар» иттилоъ доданд, дар ҷаласа масъалаи сари вақт пардохт намудани музди меҳнати кормандони соҳаҳои гуногуни иқтисоди ҷумҳурӣ омили мусоидаткунанда ба сатҳи зиндагии аҳолӣ буда, зери назорати доимии Ҳукумати Ҷумҳурии Тоҷикистон қарор дорад. Вазорат ҳамчун мақоми ваколатдор дар ҳамоҳангсозии фаъолияти вазорату идораҳо дар самти идоракунии давлатии ҳифзи меҳнат ҷиҳати назорати пардохти саривақтии музди меҳнати кормандони муассисаву ташкилот пайваста тадбирҳои заруриро амалӣ менамояд.
Зимни ҷаласа зикр шуд, ки айни замон бо вуҷуди зери назорати қатъӣ қарор доштани фаъолияти ситодҳои доимоамалкунандаи мақомоти иҷроияи ҳокимияти давлатии шаҳру ноҳияҳои ҷумҳурӣ вазъ дар самти бартарафсозии қарздории музди меҳнат ба беҳбудӣ ниёз дорад.
Доир ба ин масъала гузориши сардори Хадамоти назорати давлатӣ дар соҳаи меҳнат, муҳоҷират ва шуғли аҳолӣ, намояндагони вазорату идораҳо, муовинони раисони вилоятҳо, шаҳру ноҳияҳо — раисони ситодҳои доимоамалкунанда оид ба бартарафсозии қарздории музди меҳнат, инчунин роҳбарони корхонаву ташкилоте, ки аз пардохти музди меҳнат қарздоранд, аз натиҷаи фаъолият ва дар бораи сабабҳо ва тадбирҳои андешидашуда дар самти пешгирӣ аз пайдоиш ва пардохти қарз аз музди меҳнати кормандон ҳисобот доданд.
Бо муайян гардидани сабабҳои пайдоиши қарз аз музди меҳнати кормандон аз ҷониби раиси ҷаласа ба масъулин бо назардошти хусусияти корхонаҳои қарздор тавсия ва дастуру супоришҳо дода шуданд. Аз ҷумла, таъкид шуд, ки таҳияи ҷадвали моҳ ба моҳ пардохт намудани қарздории музди меҳнат то пурра ҳисобӣ намудани он, фурӯши маҳсулоти мавҷуда, ҷамъоварии ҳаққи хизматрасониҳои ташкилот, ба музояда гузоштани дороиҳои корхона, худдорӣ аз хароҷоти дуюмдараҷа ва ғайраҳо аз ҷумлаи роҳҳои ҳалли масъала маҳсуб меёбанд.
Намояндагони вазорату идораҳои дахлдор ва Федератсияи иттифоқҳои касабаи мустақили Тоҷикистон дар кори ситод иштирок намуда, омодагии худро дар тақвияти фаъолият ва ҳалли мушкилоти мавҷуда иброз намуданд.
Дар хотима бо назардошти баррасии масъала ва таҳкими фаъолият ҷиҳати пардохти саривақтии музди меҳнати кормандон супоришҳои мушаххас дода шуданд.
Дар Деваштич дар мавзуи технологияи парвариши картошка машварати илмӣ-амалии ҷумҳуриявӣ баргузор шуд
НИШАСТИ МАТБУОТӢ. То соли 2032 тамоми аҳолии Тоҷикистон бо оби нӯшокии мутамарказонидашуда таъмин мегардад
САЛОМАТИИ МИЛЛАТ — БОИГАРИИ АСОСИИ ДАВЛАТ. Дар Тоҷикистон барои пешгирии бемориии гепатит чораҳои мақсаднок андешида мешаванд
ҲИФЗИ СИРРИ ДАВЛАТӢ ВА ҲИФЗИ ТЕХНИКИИ ИТТИЛООТ. Роҳбарони дастгоҳҳои шаҳру ноҳияҳои тобеи ҷумҳурӣ такмили ихтисос намуданд
35-СОЛАГИИ ИСТИҚЛОЛИ ДАВЛАТӢ. Дар деҳаи Долонаи Ашт мактаб ва бунгоҳи тиббӣ сохта мешавад
Дар Душанбе вобаста ба нақши қонунҳои миллӣ дар таъмини зиндагии шоистаи мардум конференсияи илмӣ — назариявӣ доир гардид
Дар ташкилоти ибтидоии ҳизбии «Заминсоз» маҷлиси ҳисоботӣ-интихоботӣ баргузор шуд
Дар Вазорати тандурустӣ ва ҳифзи иҷтимоии аҳолӣ масъалаи ошкорсозӣ ва бақайдгирии гепатитҳои вирусӣ баррасӣ гардид
Тоҷикистон ва Туркия бо мақсади рушди инфрасохтори соҳаи кор бо ҷавонон ва варзиш ҳамкориро тақвият медиҳанд
Риояи талаботи муқаррароти қонунҳои миллӣ дар Бонки миллии Тоҷикистон шарҳу тавзеҳ дода шуд
Дар Вазорати меҳнат, муҳоҷират ва шуғли аҳолӣ вобаста ба татбиқи Стратегияи давлатии муқовимат бо коррупсия вохӯрӣ доир гардид
Дар Душанбе маҷлиси Раёсати Кумитаи Иҷроияи Марказии Ҳизби Халқии Демократии Тоҷикистон баргузор гардид
