«Амонатбонк» барои сокинони аз офати табиӣ зарардидаи минтақаи Кӯлоб суратҳисоби махсус боз намуд
ДУШАНБЕ, 14.05.2021/АМИТ «Ховар»/. Бо мақсади анҷом додани амали хайрия ва расонидани кумак ба оилаҳои аз офати табиӣ зарардидаи минтақаи Кӯлоб дар Бонки давлатии амонатгузории Ҷумҳурии Тоҷикистон «Амонатбонк» суратҳисоби махсус кушода шуд. Дар ин хусус ба АМИТ «Ховар» аз Бонки давлатии амонатгузории Ҷумҳурии Тоҷикистон «Амонатбонк» иттилоъ доданд.
Хоҳишмандон, шахсону хайрхоҳу саховатманд ва эҳсонкор метавонанд кумакпулии худро ба суратҳисобҳои зерин ирсол намоянд:
бо пули миллӣ-сомонӣ: 26202972700515457000
бо рубли русӣ: 26204810800517457000
бо доллари ИМА: 26204840800516457000
Боронҳои пайдарпаи шадид ва омадани сел дар бархе аз шаҳру ноҳияҳои вилояти Хатлон, аз ҷумла шаҳри Кӯлоб хисороти зиёди молӣ ба бор оварда, талафоти ҷонӣ низ ба қайд гирифта шуд. Бо мақсади бартараф намудани оқибатҳои офати табиӣ дар шаҳри Кӯлоб шоми 11 май бо дастури Президенти Ҷумҳурии Тоҷикистон муҳтарам Эмомалӣ Раҳмон Сарвазири мамлакат Қоҳир Расулзода, Вазири корҳои дохилӣ Рамазон Раҳимзода, раиси вилояти Хатлон Қурбон Ҳакимзода ва раиси Кумитаи ҳолатҳои фавқулода ва мудофиаи граждании назди Ҳукумати ҷумҳурӣ Рустам Назарзода ба маҳали аз офатҳои табиӣ зарардидаи шаҳри Кӯлоб, ноҳияҳои Шамсиддини Шоҳин ва Муъминободи вилояти Хатлон сафарбар гардиданд, то дар ҷои ҳодиса мушкилоти мардуми зарардидаро ҳал намоянд.
АКС: БДАТ «Амонатбонк»
Эмомалӣ Раҳмон: «Модарон дар тарбияи насли нав масъулияти беназир доранд»
Табиат мекунад моро табобат! Сиёҳалаф дорои витаминҳои табиӣ мебошад
Пешвои миллат: «Занон дар ҳама соҳаҳои рушди Тоҷикистон саҳми арзанда доранд»
Эмомалӣ Раҳмон: «Модарон намунаи ахлоқ ва масъулияти ҷомеа мебошанд»
Эмомалӣ Раҳмон: «Донишмандии зан омили пешрафти тамоми миллат аст»
ЗАН БЕҲТАРИН ВА ОХИРИН ТУҲФАИ ОСМОНӢ АСТ. Гуфтаҳои бузургон дар васфи Зан – Модар
ҲАМДУ САНО БА ЗАН-МОДАР, КИ МУҲАББАТИ Ӯ ИНТИҲО НАДОРАД. Иқтибосҳо аз суханрониҳои Президенти Тоҷикистон Эмомалӣ Раҳмон
Эмомалӣ Раҳмон: «Эҳтиром ба зан – модар дар Тоҷикистон ҳамчун зарурати сиёсӣ ва иҷтимоӣ эътироф мешавад»
Эмомалӣ Раҳмон: «Занону модарони тоҷик дар ободониву пешрафти мамлакат саҳми бузург доранд»
Бунафша Файзиддинзода: «Бигузор занону духтарони мо дар арсаи байналмилалӣ бо либоси зебои тоҷикӣ парчамбардори сарзамини аҷдодӣ бошанд!»
