БА МАЪЛУМОТИ ШАҲРВАНДОНИ ТОҶИКИСТОН, КИ АЗ МЕТРОИ МОСКВА ИСТИФОДА МЕБАРАНД. Дар метрополитени пойтахти Россия роҳандозии пардохти роҳкироро тавассути низоми Face Pay ба нақша гирифтаанд
ДУШАНБЕ, 14.05.2021 /АМИТ «Ховар»/. То охири сол дар ҳамаи истгоҳҳои метрои Москва роҳандозии усули пардохти роҳкиро бо шинохти чеҳра — Face Pay ба нақша гирифта шудааст. Тавре АМИТ «Ховар» иттилоъ медиҳад, дар ин бора «РИА Новости» бо истинод ба муовини раиси шаҳри Москва оид ба масъалаи нақлиёт Максим Ликсутов хабар дод.
«То охири сол мо мехоҳем Face Pay-ро дар ҳама истгоҳҳо бидуни истисно роҳандозӣ кунем», — иқтибос меорад Ликсутовро агентӣ.
Ӯ тазаккур дод, ки низоми Face Pay чанд моҳ аст, ки дар баъзе истгоҳҳои метро санҷида мешавад.
«Кормандон ва шарикони хизматрасонии мо, ки иштирокчиёни фокус-гурӯҳҳои тестӣ гардидаанд, иштирок мекунанд. Онҳо маълумоти биометриашонро гузошта, худро ба корти бонкӣ пайваст карданд ва ҳангоми аз турникет гузаштан пул аз корт гирифта мешавад», — шарҳ дод муовини раиси шаҳри Москва.
Ликсутов гуфт, ки ҳангоми шинохти чеҳра низом давоми якуним сония аз корти «Тройка» ё корти бонкӣ пул мегирад ва вурудро иҷозат медиҳад.
Тавре мухбири АМИТ «Ховар» маълум кард, тибқи принсип, хизматрасонии Face Pay монанди пардохти маъмулии харид тавассути смартфон аст, вақте ки шумо шахсияти худро дар низоми пардохт бо истифодаи шинохти чеҳра тасдиқ мекунед.
Ба гуфтаи Ликсутов, Face Pay барои мусофирон хизматрасонии дигари қулай хоҳад шуд, аммо он ҳатмӣ нахоҳад буд.
Қаблан раиси шаҳри Москва Сергей Собянин дар бораи рушди метрои зеризаминӣ ва рӯизаминӣ дар пойтахти Россия ҳарф зада буд.
АКС аз манбаъҳои боз
Дар Деваштич дар мавзуи технологияи парвариши картошка машварати илмӣ-амалии ҷумҳуриявӣ баргузор шуд
НИШАСТИ МАТБУОТӢ. То соли 2032 тамоми аҳолии Тоҷикистон бо оби нӯшокии мутамарказонидашуда таъмин мегардад
САЛОМАТИИ МИЛЛАТ — БОИГАРИИ АСОСИИ ДАВЛАТ. Дар Тоҷикистон барои пешгирии бемориии гепатит чораҳои мақсаднок андешида мешаванд
ҲИФЗИ СИРРИ ДАВЛАТӢ ВА ҲИФЗИ ТЕХНИКИИ ИТТИЛООТ. Роҳбарони дастгоҳҳои шаҳру ноҳияҳои тобеи ҷумҳурӣ такмили ихтисос намуданд
35-СОЛАГИИ ИСТИҚЛОЛИ ДАВЛАТӢ. Дар деҳаи Долонаи Ашт мактаб ва бунгоҳи тиббӣ сохта мешавад
Дар Душанбе вобаста ба нақши қонунҳои миллӣ дар таъмини зиндагии шоистаи мардум конференсияи илмӣ — назариявӣ доир гардид
Дар ташкилоти ибтидоии ҳизбии «Заминсоз» маҷлиси ҳисоботӣ-интихоботӣ баргузор шуд
Дар Вазорати тандурустӣ ва ҳифзи иҷтимоии аҳолӣ масъалаи ошкорсозӣ ва бақайдгирии гепатитҳои вирусӣ баррасӣ гардид
Тоҷикистон ва Туркия бо мақсади рушди инфрасохтори соҳаи кор бо ҷавонон ва варзиш ҳамкориро тақвият медиҳанд
Риояи талаботи муқаррароти қонунҳои миллӣ дар Бонки миллии Тоҷикистон шарҳу тавзеҳ дода шуд
Дар Вазорати меҳнат, муҳоҷират ва шуғли аҳолӣ вобаста ба татбиқи Стратегияи давлатии муқовимат бо коррупсия вохӯрӣ доир гардид
Дар Душанбе маҷлиси Раёсати Кумитаи Иҷроияи Марказии Ҳизби Халқии Демократии Тоҷикистон баргузор гардид
