Чемпионати Осиё оид ба бокс 21 май дар Дубай оғоз мегардад

Май 2, 2021 09:10

ДУШАНБЕ, 02.05.2021 /АМИТ «Ховар»/. Чемпионати қарибулвуқуи Осиё оид ба бокс на дар Деҳлии Ҳиндустон, балки дар шаҳри Дубайи Амороти Муттаҳидаи Араб баргузор мешавад. Чемпионат 21 май оғоз ва то 1 июн идома меёбад. Дар ин бора АМИТ «Ховар» бо истинод ба Кумитаи миллии олмпии Тоҷикистон хабар медиҳад.

Роҳбарияти Конфедератсияи бокси Осиё вазъиятро дар робита ба пандемияи коронавирус дар Ҳиндустон зери назар дошт, ки ахиран рӯз ба рӯз бадтар мегардад. Бо ин сабаб тасмим гирифта шуд, ки чорабинӣ дар Дубай гузаронида шавад.

«Маъмурияти Конфедератсияи бокси Осиё ва роҳбарияти созмон омодаанд ба ҳар дастае, ки дар бақайдгирӣ ва ҳар масъалаи дигар ба дастгирӣ ниёз доранд, кӯмак кунад» – омадааст дар изҳороти ин созмон.

Қоидаву шароитҳои иштирок дар чемпионат ҳамон тавре ҳаст, ки дар роҳнамои ҳайати дастаҳо, ки аввали моҳи март ба федератсияҳои миллӣ дастрас шуда буд, зикр гардидааст. Муштзанҳое, ки давоми солҳои 1980 то 2002 таваллуд шудаанд, метавонанд дар чемпионат ширкат намоянд.

Чемпионати Осиё оид ба бокс аз рӯи 10 категорияи вазнӣ миёни бонувон: (48кг; 51кг; 54кг; 57кг; 60кг; 64кг; 69кг; 75кг; 81кг; +81кг) ва 10 категорияи вазнӣ миёни мардон: (49кг; 52кг; 56кг; 60кг; 64кг; 69кг; 75кг; 81кг; 91кг; +91кг) сурат мегирад.

Ба иттилои Федератсияи дӯстдорони бокси Тоҷикистон, ҷиҳати иштирок дар Чемпионати Осиё-2021 дастаи мунтахаби Тоҷикистон дар ҳайати 14 нафар номнавис шудаанд:

 Бонувон

-51кг – Сумайя Қосимова

-51кг – Руҳафзо Ҳақназарова

-57кг – Миҷгона Самадова

-60кг – Шоира Зулқайнарова

-69кг – Нилуфар Бобоёрова

Мардон

-52кг – Иззатулло Алиев

-56кг – Бахтовар Сагизов

-60кг – Сомон Ҳабибов

-64кг – Баҳодур Усмонов

-69кг – Саидикром Амонов

-75кг – Мирзомуҳаммад Бахтиёр

-81кг – Шаббос Негматуллоев

-91кг – Ҷасур Қурбонов

+91кг – Сиёвуш Зуҳуров

Онҳоро дар ин сафар мураббиён Мирзо Шамсиев, Парвиз Ахмедов ва Хуршед Ҷӯраев ҳамроҳӣ мекунанд.

Дар намуди бокс варзишгарони мо ду роҳхати Бозиҳои олимпиро ба даст овардаанд. Баҳодур Усмонов дар вазни 64кг ва Шаббос Негматуллоев дар вазни 81кг Тоҷикистонро дар Бозиҳои олимпии Токио, ки аз 23 июл то 8 августи 2021 баргузор мешавад, намояндагӣ мекунанд.

АКС аз КМО Тоҷикистон

Май 2, 2021 09:10

Хабарҳои дигари ин бахш

Таҳкими ҳамкорӣ байни Тоҷикистон ва вилояти Форси Эрон дар бахши ҷавонон ва варзиш баррасӣ гардид
Дар Ҳисор мусобиқаи «CAFA Nations Сup 2025» дар гурӯҳи «В» оғоз мешавад
Ҳайати Кумитаи кор бо ҷавонон ва варзиши Тоҷикистон бо Академияи Кумитаи миллии олимпии Эрон шинос шуд
Барномаи иҷроии ҳамкорӣ байни Тоҷикистон ва Эрон дар соҳаи варзиш ва ҷавонон ба имзо расид
Бо иштироки ҷавонони Тоҷикистон ва Эрон ҳамоиш доир гардид
Дар Теҳрон густариши ҳамкории Тоҷикистон ва Эрон дар самти ҷавонон ва варзиш баррасӣ гардид
Ғолиби «Ҷоми Раиси ВМКБ» аз намуди волейбол муайян карда шуд
«Tojiktelecom» сарпарасти расмии мусобиқаи бонуфузи байналмилалии Осиёи Марказӣ ва Ҷанубӣ — CAFA Nations Cup 2025 гардид
ФУТБОЛ. Бозии ниҳоии Ҷоми Тоҷикистон-2025 байни «Регар-ТадАЗ» ва «Эсхата» дар Хуҷанд доир мегардад
Дар Тоҷикистон лоиҳаи «Football For Schools»-и ФИФА амалӣ карда мешавад
ҶОМИ ТОҶИКИСТОН. Дастаҳои футболи «Регар-ТадАЗ» ва «Эсхата» ба финали ин мусобиқа роҳ ёфтанд
Дар вохӯрии дастаҳои Тоҷикистон ва Ҳиндустон автомобили BYD ба бозӣ гузошта мешавад