Дар Душанбе ҷаласаи Комиссияи муштарак миёни кишварҳои аъзои СҲШ дар соҳаи нақлиёт доир гардид
ДУШАНБЕ, 18.05.2021 /АМИТ «Ховар»/. Тибқи Нақшаи чорабиниҳои асосии раёсати Ҷумҳурии Тоҷикистон дар Созмони ҳамкории Шанхай дар соли 2021, бо ташаббуси Вазорати нақлиёти Ҷумҳурии Тоҷикистон дар шаҳри Душанбе ҷаласаи сеюми Комиссияи муштарак вобаста ба татбиқи Созишнома байни кишварҳои аъзои СҲШ оид ба фароҳам овардани шароити мусоид барои ҳамлу нақли байналмилалии автомобилӣ доир гардид.
Вазорати нақлиёти Тоҷикистон хабар медиҳад, ки дар ҷаласа, намояндагони вазоратҳои нақлиёти Тоҷикистон, Россия ва Ӯзбекистон ба таври ҳузурӣ ва намояндагони котиботи Созмони ҳамкории Шанхай, ҷумҳуриҳои Ҳиндустон, Қазоқистон, Чин, Қирғизистон ва Покистон ба таври маҷозӣ иштирок намуданд.
Бо мақсади тақвияти ҳамкории судманд бо муассисаҳои махсусгардонидашудаи Созмони Милали Муттаҳид, бо даъват дар ҷаласаи мазкур намояндагони Котиботи Комиссияи иқтисодӣ ва иҷтимоии СММ барои кишварҳои Осиё ва Уқёнуси Ором (ЭСКАТО) иштирок доштанд.
Зимни ҷаласаи Комиссия иҷрои қарорҳои Протоколи ҷаласаи дуюм, масъалаҳои марбут ба татбиқи амалии Созишнома, ҳолат ва омодагии хатсайрҳои автомобилии байналмилалӣ, ки номгӯи онҳо бо замимаи №1-и Созишнома тасдиқ гардидааст, реҷаи кории нуқтаҳои гузаргоҳҳои сарҳадӣ байни кишварҳои аъзои СҲШ ва ҳамоҳангсозии фаъолият дар онҳо баррассӣ гардиданд.
Ҳамзамон ҷонибҳо бо мақсади фароҳам овардани шароити мусоид барои интиқолдиҳандагони бор тавассути ҳудуди кишварҳои аъзои СҲШ масъалаҳои эътирофи шаҳодатномаҳои ронандагӣ, барасмиятдарории раводид барои ронандагон, содагардонии раванди ҳамлу нақли байналмилалӣ, рушди долонҳои нақлиётӣ ва механизмҳои дар давраи пандемияи COVID-19 ҷориро муҳокима намуданд.
Дар натиҷа бо мақсади фароҳам овардани шароити мусоид барои ҳамлу нақли байналмилалии автомобилӣ намояндагони кишварҳои аъзои Созмон барои ҷорӣ намудани истифодаи варақаи рухсатномаҳои шакли ягона дар ҳудуди кишварҳои аъзо, андешидани тадбирҳои зарурӣ барои рушди долонҳои нақлиётии мавҷуда ва кушодани долонҳои байналмилалии нав, содагардонӣ ва ба таври электронӣ ба роҳ мондани ҳуҷҷатҳои зарурӣ, аз ҷумла дастрас намудани раводид барои ронандагон, коҳиш додани андозаи пардохт барои раводид ба мувофиқа расида, санади дахлдор ба имзо расид.
АКСҲО: Вазорати нақлиёти ҷумҳурӣ
ЭНЕРГИЯИ «САБЗ». Дар Тоҷикистон нахустин лоиҳаи неругоҳи офтобӣ бо иқтидори 500 МВт татбиқ карда мешавад
Байни Кумитаи ҳифзи муҳити зист ва UNDP оид ба коҳиш додани истифодаи гидрофторкарбонҳо созишнома ба имзо расид
Аз 1 январ раёсат дар Шуро оид ба авиатсия ва истифодаи фазои ҳавоии ИДМ ба Тоҷикистон гузашт
Дар «Саноатсодиротбонк» оид ба нуктаҳои Паёми Президенти Тоҷикистон ба Маҷлиси Олӣ ҳамоиш доир шуд
Ҳаҷми истеҳсоли маҳсулоти саноатӣ дар Минтақаи озоди иқтисодии «Панҷ» ба 17 миллион сомонӣ баробар гардид
Дар Душанбе бахшида ба Рӯзи кормандони мақомоти назорати давлатии молиявӣ ва мубориза бо коррупсия ҷамъомад баргузор шуд
ИМРӮЗ — РӮЗИ КОРМАНДОНИ МАҚОМОТИ НАЗОРАТИ ДАВЛАТИИ МОЛИЯВӢ ВА МУБОРИЗА БО КОРРУПСИЯ. Аз таъсиси Агентии назорати давлатии молиявӣ ва мубориза бо коррупсия 19 сол пур шуд
Неругоҳи барқи обии «Себзор» давоми фаъолият беш аз 21 миллион кВт-соат неруи барқ истеҳсол намудааст
Баҳодур Шерализода: «Қабули Қатъномаи ЮНЕП дар пешбурди дипломатияи муҳити зисти Тоҷикистон нақши назаррас дорад»
Агентии «Тоҷикстандарт»: «Аз маҳсулоти ширкати «Nestle» бо тамғаи NAN дар марҳилаи муайяншуда истифода набаред!»
Тоҷикистон ҳамкориро бо Бонки осиёии сармоягузории инфрасохторӣ тақвият медиҳад
Бонки миллии Тоҷикистон: иттилои паҳншуда дар бораи он, ки Бонки миллӣ бо 1 фоиз қарз медиҳад, воқеият надорад
