Дар ноҳияи Ёвон гурӯҳи корӣ хисороти офатҳои табииро ҳисоб мекунад
ЁВОН, 14.05.2021. /АМИТ «Ховар»/. Бо мақсади бартараф сохтани оқибатҳои бориши зиёд ва омадани сел, ки 11 май дар якчанд деҳаҳои ноҳияи Ёвон ба амал омад, дар ноҳия ситоди фаврии Мақомоти иҷроияи ҳокимияти давлатии ноҳияи Ёвон таъсис ёфта, тадбирҳои амалӣ андешида шуда истодаанд. Дар ин бора мудири шуъбаи рушди иҷтимоӣ ва робита бо ҷомеаи ноҳияи Ёвон Файзиддин Раҷабов ба хабарнигори АМИТ «Ховар» Субҳониддини Маҳмуд иттилоъ дод.
Бар асари селбориши 11 май аҳолии деҳаҳои Даштобод, Санҷитак, Парчасой ва Қайнама аз деҳоти Обшорон, деҳаҳои Зафаробод, Навобод, Рӯдакӣ ва Фирдавсӣ аз деҳоти Ситораи Сурхи ноҳияи Ёвон хисороти молӣ диданд.
Сели пуршиддат дар қисмати шарқии деҳоти мазкур аз маҷрояш баромада, якчанд манзили истиқоматии сокинонро ба куллӣ аз байн бурд ва ба чандин хонаҳо қисман зарар расонид. Ҳамзамон сел чандин сар чорво ва моли мардумро ба коми худ кашида, дар майдонҳои зиёди замин кишти зироатро вайрон кард.
Чор гурӯҳи кории мақомоти иҷроияи ҳокимияти давлатии ноҳия бо шумули масъулин ва мутахассисони ҳама соҳаҳо хона ба хонаи сокинони зарардида гашта, хисороти ин офатро ҳисоб карда истодаанд. Аъзои гурӯҳҳои корӣ дар ин рӯзҳои мушкил дар бари зарардидаҳо истода, ба онҳо кумак мерасонанд. Бо анҷом ёфтани чорабиниҳои мушаххассозии зарар ба ҳар хонаводаи маҳаллаҳои осебдида ёрии моддию молӣ дастрас карда мешавад.
Имрӯзҳо сокинони дигар ҷамоатҳои шаҳраку деҳоти ноҳияи Ёвон ба ҳамдиёрони худ кумакҳои бедареғ расонида истодаанд.
АКС аз муаллиф
Чӣ тавр ёварони овозӣ дар ҳолатҳои гуногуни зиндагӣ кумак мекунанд
Имрӯз дар баъзе ноҳияҳои Тоҷикистон туман мефарояд
Бо сокинони Ҷамоати деҳоти Пули Сангини шаҳри Норак доир ба шарҳи қонунҳои миллӣ вохӯрӣ баргузор шуд
«ВАРЗИШГАРОН – ПАРЧАМБАРДОРОНИ МИЛЛАТ». Таҳти ин унвон ҳамоиши варзишӣ ва барномаи фарҳангӣ баргузор шуд
Дар ноҳияи Шаҳринав тозакунии каналу заҳбур ва заҳкашҳо оғоз шуд
Бунгоҳи тиббӣ ва бинои маъмурии Маркази миллии таълимӣ барои омодасозии наҷотдиҳандагони Тоҷикистон ва Осиёи Марказӣ ба истифода дода шуд
ТОҶИКОН АЗ ОҒОЗИ ТАЪРИХ МИЛЛАТИ ПАРЧАМДОР БУДАНД. Андешаҳои корманди Маркази тадқиқоти стратегӣ
«Ту қалби Тоҷикистонӣ, Душанбе!». Дар ноҳияи Шоҳмансур ғолибони даври ноҳиявии озмун ҳавасманд гардонида шуданд
Имрӯз дар Тоҷикистон ҳавои тағйирёбандаи бебориш дар назар аст
ФУТЗАЛ. Барои мураббиён машғулиятҳои омӯзишии «Level-2» оғоз гардид
Дар Донишгоҳи техникии Тоҷикистон озмоишгоҳи ташхиси партовҳои обӣ ба истифода дода шуд
Ректори Донишгоҳи байналмилалии сайёҳӣ ва соҳибкории Тоҷикистон бо унвони «Профессори фахрӣ»-и ду донишгоҳи Чин сарфароз гардид
