Дар шаҳри Хуҷанд Маркази омӯзишӣ – таълимӣ оид ба дӯзандагӣ ифтитоҳ гардид
ДУШАНБЕ, 24.05.2021/АМИ «Ховар»/. Маркази тиҷорати байналмилалӣ (МТБ) дар Тоҷикистон дуюмин Маркази омӯзишӣ-таълимӣ оид ба дӯзандагӣ ифтитоҳ намуд.
Маркази омӯзишӣ-таълимӣ оид ба дӯзандагӣ дар назди Донишкадаи политехникии Донишгоҳи техникии Тоҷикистон ба номи академик М.Осимӣ дар шаҳри Хуҷанд (ДПДТТХ), ки дар ҳамкорӣ бо ин донишкада кушода шуд, шурӯъ аз имрӯз, 24-уми май дари худро ба рӯи донишомӯзон боз намуд. Ин ибтикор дар доираи Барномаи ҷаҳонии нассоҷӣ ва дӯзандагии МТБ амалӣ гардид, иттилоъ медиҳад МТБ.
Донишкадаи политехникии Донишгоҳи техникии Тоҷикистон ба номи академик М.Осимӣ дар шаҳри Хуҷанд ҳадаф дорад, ки бо кумаки фаннии МТБ, корхонаҳо ва иттиҳодияҳои соҳавӣ, дар мавзӯъҳои соҳавӣ маводи таълимии нав таҳия карда, маводи таълимии мавҷударо ба шароити нав мутобиқ созад.
Чунин марказ соли гузашта дар назди Донишгоҳи технологии Тоҷикистон дар ш. Душанбе низ ба фаъолият шурӯъ намуда буд. Ин марказҳо дар самти ба роҳ мондани ҳамкории беҳтару қавитар миёни соҳа ва муассисаҳои таълимӣ нақши муҳим хоҳанд бозид.
Директори ДПДТТХ Дилафрӯз Саидӣ мегӯяд, ки «дар замоне, ки фазои рақобатпазирӣ васеъ мегардад, рушди муваффақонаи ҳар соҳаеро мутахассисони соҳибтаҷриба таъмин мекунанд. Маркази омӯзишӣ-таълимӣ оид ба дӯзандагӣ, ки ба рушди соҳаи нассоҷиву дӯзандагии Тоҷикистон ва ворид кардани технологияҳои нав ҳам ба раванди таълим ва ҳам ба истеҳсолот мусоидат мекунад, алоқаи байни муассисаҳои таълимӣ ва истеҳсолотро таъмин карда, ба роҳ ёфтани маҳсулоти миллӣ ба бозорҳои нав саҳм мегузорад».
Аввалин давраи омӯзишӣ дар марказ рӯзҳои наздик оғоз мегардад. Чунин марказ соли гузашта дар назди Донишгоҳи технологии Тоҷикистон дар шаҳри Душанбе низ ба фаъолият шурӯъ намуда буд. Ин марказҳо дар самти ба роҳ мондани ҳамкории беҳтару қавитар миёни соҳа ва муассисаҳои таълимӣ нақши калидӣ хоҳанд бозид.
Акс аз Маркази тиҷорати байналмилалӣ.
Судяҳои Тоҷикистон дар Конфронси байналмилалии антикризисӣ дар Қазоқистон иштирок намуданд
Масъалаҳои ислоҳоти судӣ байни Суди Олии Ҷумҳурии Тоҷикистон ва Барномаи рушди СММ баррасӣ гардиданд
ЗАНОН ВА СИЁСАТИ МИЛЛӢ. Дар ин мавзуъ ҳамоиши вакилзанон доир шуд
Муносибатҳои сиёсию иқтисодӣ ва фарҳангии Тоҷикистон бо давлатҳои Аврупо баррасӣ гардид
Дар доираи иҷлосияи 80-уми Маҷмаи Умумии Созмони Милали Муттаҳид масъалаҳои соҳаи тандурустӣ баррасӣ гардиданд
Доир ба нақши Мактаби давлатдории Эмомалӣ Раҳмон дар таҳкими маориф ва рушди он конференсия баргузор шуд
Дар ноҳияи Рӯдакӣ ҷаласаи Шурои муросо баргузор гардид
Дар Тоҷикистон маъракаи иммунизатсия бар зидди вируси папилломаи одам оғоз мегардад
Дурнамои ҳамкории Тоҷикистон ва Туркия дар самти меҳнат ва шуғли аҳолӣ баррасӣ гардид
Вобаста ба баланд бардоштани тавонмандсозӣ барои самаранокии идораи давлатӣ ҳамоиш доир шуд
«ЗАНОН ДАР ИҚТИСОДИ «САБЗ» ВА РАҚАМӢ». Дар шаҳри Гулистон Форуми минтақавии Муколамаи занони Осиёи Марказӣ доир шуд
Беш аз 80 ҳазор нафақагирони шаҳри Душанбе аз индексатсия баҳраманд шуданд
