Дар Тоҷикистон Фестивали байналмилалии «Душанбе — пойтахти сайёҳии СҲИ» ва Форуми байналмилалии рушди агротуризм доир мешаванд
ДУШАНБЕ, 26.05.2021 /АМИТ «Ховар»/. Дар доираи эълон гардидани шаҳри Душанбе — пойтахти сайёҳии Созмони ҳамкории иқтисодӣ /СҲИ/ барои солҳои 2020-2021 ва бо мақсади рушди бахши сайёҳӣ моҳи июли соли равон пойтахти Тоҷикистон мизбони баргузории Фестивали байналмилалии «Душанбе — пойтахти сайёҳии СҲИ» ва Форуми байналмилалии рушди агротуризм мегардад. Чунин зикр шуд дар ҷаласаи 5-уми вазирони СҲИ оид ба иқтисод ва молия, ки имрӯз таҳти раисии Вазири рушди иқтисод ва савдои Ҷумҳурии Тоҷикистон Завқӣ Завқизода дар шакли маҷозӣ баргузор гардид. Вазорати рушди иқтисод ва савдои Ҷумҳурии Тоҷикистон хабар медиҳад, ки дар кори он Котиби генералии СҲИ Ҳади Солейманпур ва вазирони кишварҳои аъзои созмон иштирок намуданд.
Завқӣ Завқизода зикр кард, ки бо мақсади иҷрои дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон Нақшаи чорабиниҳо оид ба пешгирӣ ва кам кардани таъсири хавфҳои эҳтимолии СOVID-19 дар ҷаҳон ба иқтисоди миллӣ тасдиқ гардида, мавриди амал қарор дорад. Дар натиҷа тибқи маълумоти оморӣ, ҳаҷми маҷмӯи маҳсулоти дохилӣ дар моҳҳои январ-апрели соли 2021 8 фоиз афзоиш ёфт, ки нисбат ба ҳамин давраи соли 2020 (6,3 фоиз) 1,7 банди фоизӣ зиёд аст. Зикр шуд, ки ҳиссаи савдои кишварҳои аъзои Созмони ҳамкории иқтисодӣ /СҲИ/ дар гардиши савдои хориҷии Ҷумҳурии Тоҷикистон 40 фоизро ташкил дода, дар 4 моҳи аввали соли равон 2021 10 фоиз афзоиш ёфтааст.
Дар ҷаласа аз давлатҳои аъзои СҲИ даъват ба амал оварда шуд, ки бо истифода аз имконияти хуби сармоягузории Ҷумҳурии Тоҷикистон ҳамкориро дар соҳаҳои тиҷорат, сармоягузорӣ, саноат, энергетика, кишоварзӣ, нақлиёт ва сайёҳӣ тақвият диҳанд.
Дар анҷоми ҷаласа «Изҳороти Душанбе» қабул гардида, иштирокчиёни он ҷиҳати истифодаи беш аз пеши неруи созмон, таъмини рушди устувор дар минтақаҳои он ва густариши ҳамкории судманд омодагии худро иброз намуданд. СҲИ кишварҳои Тоҷикистон, Афғонистон, Озарбойҷон, Эрон, Қазоқистон, Қирғизистон, Покистон, Туркия, Туркманистон ва Ӯзбекистонро дар худ муттаҳид намудааст.
Сарвазири мамлакат Қоҳир Расулзода бо раванди сохтмони корхонаи ғанигардонии маъдани оҳани ҶСП «Комбинати металлургии тоҷик» шинос шуд
«Moody’s Ratings»: Рейтинги соҳибихтиёрии қарзии Тоҷикистон ба дараҷаи «B2» бо дурнамои «устувор» баланд бардошта шуд
Самтҳои асосии Паёми Президенти Тоҷикистон ба Маҷлиси Олӣ дар Хадамоти гумрук тавзеҳ дода шуданд
Вазирони энергетикаи Тоҷикистон ва Покистон дурнамои рушди ҳамкориро дар соҳаи энергетика баррасӣ намуданд
Сардори Хадамоти алоқа дар Конгресси ҷаҳонии мобилӣ дар Испания иштирок намуд
Ҷаласаи ёздаҳуми Шурои миллии суботи молиявӣ дар Ҷумҳурии Тоҷикистон баргузор гардид
Дурнамои нишондиҳандаҳои рушди иҷтимоию иқтисодии шаҳру ноҳияҳои Роғун, Ваҳдат, Файзобод ва Варзоб муаррифӣ карда шуд
Тоҷикистон ва Туркманистон ҳамкориро дар соҳаи саноати нассоҷӣ тақвият медиҳанд
Дар Вазорати молияи Тоҷикистон татбиқи лоиҳаҳои нақлиёту энергетика баррасӣ гардид
Дар Палатаи ҳисоб оид ба пешгирӣ ва муқовимат ба коррупсия машварат баргузор шуд
Дар Душанбе Протоколи ҷаласаи 14-уми Комиссияи муштараки байниҳукуматии Тоҷикистон ва Туркманистон ба имзо расид
Татбиқи лоиҳаҳои Бонки исломии рушд дар Тоҷикистон баррасӣ гардид
