Дар вилояти Хатлон амалиёти рамзии «Пиёдагард» ҷараён дорад

Май 26, 2021 11:10

ДУШАНБЕ, 26.05.2021. /АМИТ «Ховар»/. Аз 20 май дар вилояти Хатлон амалиёти мақсаднок бо номи рамзии «Пиёдагард» оғоз гардидаст, ки он то 30 майи соли равон  идома меёбад. Амалиёти мазкур бо мақсади пешгирии ҳодисаҳои роҳу нақлиёт бо иштироки пиёдагардону велосипедронҳо  аз ҷониби шуъбаи Бозрасии давлатии автомобилии Вазорати корҳои дохилии Ҷумҳурии Тоҷикистон роҳандозӣ гардида истодааст.

Тавре  аз Вазорати корҳои дохилии Ҷумҳурии Тоҷикистон ба АМИТ “Ховар” хабар доданд, ронандагоне, ки ба пиёдагардон дар ҷойҳои муқарраргардида роҳ намедиҳанд ё пиёдагардоне, ки ҷойҳои манъшударо убур мекунанд, ба ҷавобгарии маъмурӣ ҷалб карда мешаванд.

Аз ҷониби кормандони масъули шуъбаи БДА дар вилояти Хатлон пайваста дар муассисаҳои таҳсилоти миёнаи умумӣ ва бо аҳолӣ оид ба пешгирии ҳодисаҳои роҳу нақлиёт вохӯриҳо гузаронида мешаванд, ки ба ошкор ва пешгирии ҳолатҳои аз тарафи пиёдагардон, велосипедронҳо, кӯдакону наврасон вайрон намудани қоидаҳои ҳаракат дар роҳ, яъне аз ҷойҳои муқаррарнашуда убур намудани роҳ, дар қисмати мошингарди роҳ идора намудани велосипеду мотоаробаҳо сафарбар карда шудаанд.

Новобаста аз он ки кормандони шуъбаи БДА дар вилояти Хатлон бо пиёдагардон оид ба ҳаракати дуруст дар роҳҳо корҳои фаҳмондадиҳӣ мегузаронанд, таҳлилҳо нишон медиҳанд, ки пиёдагардон ҳангоми убури роҳ аз чароғаки роҳнамо аломатҳои танзимкунандаро истифода накарда, сабаби ба вуҷуд овардани ҳолатҳои хатарноку садамавӣ мегарданд.

 

АКСҲО аз ВКД ҶТ

Май 26, 2021 11:10

Хабарҳои дигари ин бахш

Дар Душанбе Маркази тамоси электронӣ оид ба қабули муроҷиатҳо ташкил карда шуд
АМАЛИЁТИ «БАЧАҲО». Бо мақсади пешгирии ҳодисаҳои роҳу нақлиёт бо иштироки кӯдакону наврасон гузаронида мешавад
Сатҳи забондонии кормандони милитсияи Хатлон санҷида мешавад
Дар шаш моҳ дар Тоҷикистон 495 ҳолати машғул шудан ба ҷодугарӣ ва фолбинӣ ошкор карда шуд
«МАДАНИЯТИ ШАҲРДОРӢ». Дар Хатлон бо мақсади таҳким бахшидани ҳамкорӣ бо аҳолӣ амалиёт гузаронида шуд
Дар Душанбе татбиқи марҳилаи дуюми лоиҳаи «Шаҳри бехатар» баррасӣ гардид
Дар Хатлон масъалаҳои ҳифзи тартиботи ҷамъиятӣ баррасӣ карда шуданд
Дар Вазорати мудофиаи Тоҷикистон тарҳрезии либоси хизматчиёни ҳарбӣ дар шакли ягонаи миллӣ баррасӣ гардид
Сатҳи забондонии кормандони Вазорати корҳои дохилӣ санҷида мешавад
ДАСТОВАРДИ ДАВРОНИ СОҲИБИСТИҚЛОЛӢ. Ба таъсиси Кумитаи ҳолатҳои фавқулода ва мудофиаи граждании Тоҷикистон 31 сол пур шуд
Ҳамкорӣ дар самти пешгирии ҷинояткорӣ байни милитсияи Душанбе ва Тошканд тақвият меёбад
Дар Хоруғ машқи омодабошии мудофиаи ҳудудӣ ва захираҳои сафарбарӣ баргузор шуд