ФУТБОЛ. Иштирокчиёни марҳилаи 1/8-финали Ҷоми Тоҷикистон-2021 муайян шуданд

ДУШАНБЕ, 25.05.2021 /АМИТ «Ховар»/. Бозиҳои марҳилаи муқаддамотии Ҷоми Тоҷикистон-2021 оид ба намуди футбол дар варзишгоҳҳои мамлакат дар сатҳи баланд баргузор шуда, иштирокчиёни марҳилаи 1/8-финалӣ муайян гардиданд. Дар ин бора шореҳи варзиши АМИТ «Ховар» Меҳрони Қурбон бо истинод ба Федератсияи футболи Тоҷикистон иттилоъ медиҳад.

Дастаҳои  Лигаи якум – «Моҳир»-и ноҳияи Ёвон, «Саройкамар»-и ноҳияи Панҷ, «Панҷшер»-и ноҳияи Ҷалолиддини  Балхӣ , «Ҳулбук»-и ноҳияи Восеъ, «Пахтакор»  ва «Регар-ТадАЗ»-и шаҳри Турсунзода  ба даври навбатии Ҷоми Тоҷикистон-2021 роҳ ёфтанд ва ҳамроҳ бо 10 дастаи Лигаи олӣ барои ба даст овардани ҷом талош мекунанд.

Ёдрас менамоем, ки ғолиби Ҷоми Тоҷикистон-2021 имкон пайдо мекунад, ки кишварро дар Ҷоми КФО-2022 намояндагӣ кунад. Дар сурати як даста чемпиони Тоҷикистон ва ғолиби Ҷоми Тоҷикистон будан барандаи медалҳои биринҷии Чемпионати Тоҷикистон ба Ҷоми КФО-2022 роҳхат мегирад.

Ҷоми Тоҷикистон-2021
Марҳилаи муқаддамотӣ

«Регар-ТадАЗ» – «Исфара» – 11:0

Голҳо: Фирӯз Қараев, 5 – аз пеналтӣ (1:0). Шуҳрат Элмуродов, 16 (2:0). Парвиз Бахтиёрзода, 19 (3:0). Алишер Шарипов, 21 (4:0). Шавкати Ҳотам, 27 (5:0). Акбар Бобомуродов, 30 (6:0). Шерзод Муҳаммадиев, 37 (7:0). Эмомалӣ Аҳмадхон, 43 (8:0). Азизбек Ҳаитов, 54 (9:0). Акбар Бобомуродов, 68 (10:0). Амин Эргашев, 85 (11:0).

«Моҳир» – «Барқчӣ» – 1:0

Гол: Акмал Зулпалиев, 1.

«Саройкамар» – «Ваҳдат» – 3:2

Голҳо: Умедҷон Азизов, 26 – аз пеналтӣ (0:1). Фаридун Нарзуллоев, 37 (0:2). Ҳиматулло Малодӯстов, 61 (1:2). Мунис Расулов, 73 (2:2). Ҳиматулло Малодӯстов, 90+3 (3:2).

«Панҷшер» – «Равшан» (Зафарабад) – 2:0

Голҳо: Шавкат Худойназаров, 65 – аз пеналтӣ (1:0). Шавкат Худойназаров, 75 (2:0).

«Динамо» – «Ҳулбук» – 1:3

Голҳо: Амирҷон Алихонов, 21 (0:1). Гурез Аслонов, 41 (0:2). Самариддин Расулов, 88 (0:3). Фахриддин Аҳтамов, 90+2 (1:3).

«Пахтакор» – «Ҳосилот» – 3:2

Голҳо: Баҳриддин Муҳиддинов, 10 (1:0). Исроил Сомон, 20 (1:1). Далер Шарипов, 50 (2:1). Хайрулло Азизов, 58 (2:2). Фарҳодҷон Бобоев, 108 (3:2).