Имрӯз мунтахаби футболи Тоҷикистон ба муқобили дастаи мунтахаби Ироқ аввалин бозии дӯстона баргузор мекунад

ДУШАНБЕ, 24.05.2021 /АМИТ «Ховар»/. Имрӯз миёни дастаҳои  мунтахаби футболи   Тоҷикистон  ва Ироқ дар Варзишгоҳи байналмилалии Басра бозии дӯстона баргузор мешавад.  Дастаи мунтахаби Тоҷикистон оид ба футбол  бо 21 бозингар — 3 дарвозабон, 6 ҳимоятгар, 8 нимҳимоятгар ва 4 ҳамлагар ба  шаҳри  Басраи  Ироқ  сафар намудааст. Бозии дӯстона миёни дастаҳои  мунтахаби  Ироқ ва Тоҷикистон имрӯз, 24 май, соати 21:30 бо вақти Душанбе дар Варзишгоҳи байналмилалии Басра доир  мешавад. Дар ин бора шореҳи варзиши АМИТ «Ховар» Меҳрони Қурбон бо истинод ба Федератсияи футболи Тоҷикистон иттилоъ медиҳад.

Ҳайати дастаи мунтахаби Тоҷикистон барои бозии дӯстона бо  дастаи мунтахаби  Ироқ (24 май):

Дарвозабонҳо: Рустам Ятимов, Муҳриддин Ҳасанов (ҳама – «Истиқлол»), Шоҳрух Қирғизбоев («Куктош»);

Диофъгарон: Давронҷон Эргашев («Бунёдкор», Ӯзбекистан), Аҳтам Назаров, Ваҳдат Ҳанонов, Манучеҳр Сафаров, Зоир Ҷурабоев (ҳама – «Истиқлол»), Алиҷон Кароматуллозода (КМВА);

Нимҳимоятгарон: Комрон Турсунов («ТРАУ», Ҳиндустон), Эҳсони Панҷшанбе («Навбаҳор», Ӯзбекистон), Муҳаммадҷон Раҳимов, Ислом Зоиров (ҳама – «Истиқлол»), Илҳомҷон Баротов («Истаравшан»), Абдулмумин Забиров («Хуҷанд»), Хусрав Тоиров («Динамо», Душанбе), Алиҷони Айнӣ (озод);

Ҳамлаварон: Шериддин Бобоев («Пенанг», Малайзия), Манучеҳр Ҷалилов, Рустам Соиров (ҳама – «Истиқлол»), Нуриддин Ҳамроқулов («Хатлон»).

Сармураббӣ – Усмон Тошев (Ӯзбекистон).

                                                                                                                                          Аксҳо аз ФФТ