Иштирокчиёни ҶДҶ дар Ҳисору Турсунзода ва шаҳри Норак аз кумакҳои Пешвои миллат баҳраманд шуданд

Май 7, 2021 10:08

ҲИСОР, 07.05.2021 /АМИТ «Ховар»/. Ба шарафи 76-умин солгарди Рӯзи Ғалаба дар Ҷанги дуюми ҷаҳонии солҳои 1941-1945 чун анъанаи неки ҳарсола дар асоси дастури Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон намояндагони ваколатдор дар ҳайати Сардори раёсати мудофиа ва тартиботи ҳуқуқии Дастгоҳи иҷроияи Президенти Ҷумҳурии Тоҷикистон Аҳлиддин Маҷидзода ва намояндагони Мақомоти иҷроияи Турсунзодаю Ҳисор бо мақсади аёдат ва дидорбинӣ ба манзилҳои истиқоматии иштирокчиёни ҶДҶ дар шаҳрҳои  Ҳисору Турсунзода рафтанд.

Гурӯҳи корӣ  аз аҳволи иштирокчиёни ҷанг пурсон шуда, табрикоти Пешвои миллатро ба самъашон расониданд ва ба маблағи 10 000 сомонӣ ба ҳар яке бо дастагулҳои зебо аз номи Президенти кишвар туҳфаҳои пулӣ тақдим намуданд. Инчунин аз тарафи мақомоти иҷроия барои ҳар кадоме туҳфапулӣ тақдим карда шуд.

Собиқадорони Ҷанги дуюми ҷаҳонӣ барои дастгирии навбатӣ ба Ҳукумати мамлакат арзи сипос намуда, ҷиҳати шукуфоӣ ва фардои дурахшони Ватан дуои хайр намуданд.

 Ҳамзамон дар арафаи ҷашни зафар намояндаи Дастгоҳи иҷроияи Президенти Ҷумҳурии Тоҷикистон Одинашоҳ Вализода ва раиси шаҳри Норак Дилшод Асозода ба манзили иштирокчии Ҷанги дуюми ҷаҳонӣ Малах Гулов  ба шаҳри Норак рафта, мавсуфро бо фарорасии 76-умин солгарди Рӯзи Ғалаба табрику таҳният гуфтанд ва барояш сиҳатмандии комил ва  хотири ҷамъу осуда таманно намуданд.

Тибқи иттилои роҳбари Хадамоти матбуоти раиси шаҳри Норак Алимурод Исмоилзода, ба аёдатшуда кумакпулии якдафъаинаи Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба маблағи 10000 сомонӣ, кумакпулии раиси вилояти Хатлон ба маблағи 2500 сомонӣ ва кумакпулии раиси шаҳри Норак ба маблағи 1500 сомонӣ тақдим карда шуд.

Иштирокчии Ҷанги дуюми ҷаҳонии аз ин таваҷҷуҳу ғамхорӣ ба Ҳукумати Ҷумҳурии Тоҷикистон, махсусан ба Пешвои муаззами миллат, Президенти Ҷумҳурии Тоҷикистон муҳтарам Эмомалӣ Раҳмон арзи сипос намуда, дар ҳаққи давлату миллат ва мардуми сарбаланди кишвар дуои нек карданд.

Бояд гуфт, ки дар Ҷанги дуюми ҷаҳонӣ беш аз 300 ҳазор нафар фиристодагони Тоҷикистон дар муҳорибаҳои шадид иштирок намуда, 92 ҳазор нафари онҳо барои дифои Ватан дар майдони ҷанг далерона ҷон супурданд. 58 ҳазор нафар барои шуҷоату далерӣ бо нишону орденҳои давлатӣ ва 54 нафар бо унвони Қаҳрамони Иттиҳоди Шӯравиро сазовор гардидаанд.

АКСҲО аз мақомоти иҷроияи ҳокимиятҳои давлатии Турсунзода, Ҳисор ва шаҳри Норак

Май 7, 2021 10:08

Хабарҳои дигари ин бахш

Ба намояндагони касбу кори гуногуни вилояти Хатлон мукофотҳои давлатӣ тақдим карда шуд
«Барномаи рушди соҳаҳои таҳсилоти ибтидоӣ ва миёнаи касбии Ҷумҳурии Тоҷикистон барои солҳои 2026-2030» қабул гардид
Татбиқи лоиҳаҳои сармоягузорӣ дар соҳаи таҳсилоти ибтидоӣ ва миёнаи касбӣ бо намояндаи Бонки Осиёии рушд баррасӣ гардид
Дар Душанбе оид ба татбиқи иммунизатсия бар зидди вируси папилломаи одам машварати омӯзишӣ оғоз шуд
Татбиқи лоиҳаи «Беҳтарсозии малакаҳои касбӣ ва имконияти бокортаъминшавӣ» баррасӣ гардид
НЕЪМАТЕ ХУШТАР ЗИ ИСТИҚЛОЛ НЕСТ! Муҳимтарин омили таҳкими истиқлоли Тоҷикистон густариши худшиносию худогоҳии миллӣ аст
Сиёсати иҷтимоии Пешвои миллат такягоҳи суботи иҷтимоӣ ва рушди устувори давлат мебошад
Беш аз 15 ҳазор оилаҳои дар минтақаи зериобшавандаи НБО «Роғун» қарордошта бо манзили доимии зист ва қитъаи замини наздиҳавлигӣ таъмин гардиданд
Тоҷикони муқими шаҳри Толяти аз пешрафту дастовардҳои Тоҷикистон ифтихор менамоянд
Дар Тоҷикистон Рӯзҳои иммунизатсияи иловагӣ бар зидди бемориҳои сурхча ва гулафшон оғоз гардид
Мутахассисон баланд шудани ҳолати ифлосшавии ҳавои атмосфериро дар Тоҷикистон пешгӯӣ менамоянд
Барои пешгирии бемориҳои зоонозӣ ҷаласа доир карда шуд