ИСТИРОҲАТИ ТОБИСТОНА ФАРО МЕРАСАД. Имсол 2571 фароғатгоҳ кӯдаконро ба оғӯш мегиранд

Май 24, 2021 15:00

ДУШАНБЕ, 24.05.2021 /АМИТ «Ховар»/. То анҷоми соли хониши 2020-2021 рӯзҳои башумор боқӣ монда, соли равон барои  муташаккилона гузаронидани истироҳати тобистонаи кӯдакон ва наврасон тақрибан  2571 истироҳатгоҳ  пешбинӣ шудааст.  Дар мавсими имсола дар лагерҳои алоҳида то 3 баст истироҳати кӯдакону наврасон ба нақша гирифта шуда, дар маҷмӯъ зиёда аз 200 ҳазор нафар кӯдакону наврасон аз ҳисоби маблағҳои ҷудонамудаи Агентии суғуртаи иҷтимоӣ ва нафақаи назди Ҳукумати Ҷумҳурии Тоҷикистон, маблағҳои мақомоти иҷроияи ҳокимияти давлатӣ, вазорату идораҳо, иттифоқҳои касаба, корхонаву муассисаҳо, ташкилоти сарпарастон ба истироҳату солимгардонӣ  фаро гирифта  мешаванд.

 Тавре  аз Федератсияи иттифоқҳои касабаи мустақили Тоҷикистон ба АМИТ «Ховар» иброз доштанд,  ҳар сол дар асоси Қарори Ҳукумати Ҷумҳурии Тоҷикистон истироҳати тобистонаи кӯдакон ва наврасон дар сатҳи ҷумҳурӣ ташкил карда мешавад.

“Соли 2020 вобаста ба пайдоиш ва паҳншавии сирояти коронавируси КОВИД-19 дар ҷумҳурӣ ин гуна истироҳат мавқуф гузошта шуд. Бо назардошти ба эътидол омадани  вазъи эпидемиологӣ дар ҳудуди ҷумҳурӣ ва таҳти назорати қатъии санитарию эпидемиологӣ қарор доштани ҳудуди санитарии кишвар аз воридот ва   эҳтимолияти пайдошавии ҳодисаҳои нави сироят, дар асоси омӯзишҳои ҳамаҷониба, инчунин вобаста ба иҷрои муқаррароти қарори Ҳукумати Ҷумҳурии Тоҷикистон  “Дар бораи ташкили истироҳати тобистонаи кӯдакон ва наврасон дар соли 2021” аз 27 марти соли 2021 бо назардошти дар истироҳатгоҳҳо пешбинӣ намудани таъмини талаботи беҳдоштию зиддиэпидемикӣ, мавҷуд будани нуқтаи тиббӣ, аз ҷониби роҳбарияти муассисаҳои истироҳатӣ гирифтани хулосаи зарурии мусбати мақомоти назорати давлатии санитарию эпидемиологии ҳудуди маъмурӣ, ташкили муоинаи тиббии  ҳайати кормандон ва хизматрасони истироҳатгоҳҳо бо назардошти озмоиши вирусологӣ нисбат ба сирояти КОВИД-19 барои ҳайати кормандон ташкили истироҳати тобистонаи кӯдакон ва наврасон мувофиқи мақсад дониста шуд”,-афзуд манбаъ.

Айни ҳол аз ҷониби ташкилоти Иттифоқҳои касабаи Тоҷикистон ҷиҳати ташкил ва гузаронидани истироҳати тобистона ва солимгардонии кӯдакону наврасон дар соли 2021 омодагиҳо вусъат меёбанд.

Дар ҳамкорӣ  бо мақомоти иҷроияи ҳокимияти давлатӣ вазорату идораҳо ва  ташкилоти муттасаддӣ бояд бо мақсади дар сатҳи баланд гузаронидани истироҳати тобистонаи кӯдакон ва наврасон дар мавсими тобистонаи имсола тадбирҳои зарурӣ андешида, ба фарогирии кӯдакону наврасони ятиму бепарастор, кӯдакон аз оилаҳои камбизоат, кӯдакони қобилиятнок, кӯдакони кормандони соҳаи кишоварзӣ  ва кӯдаконе, ки дар муассисаҳои давлатии таълимии мактаб-интернатҳои вазорату идораҳои дахлдор ва мақомоти иҷроияи ҳокимияти давлатии вилоятҳо ва шаҳру ноҳияҳо таҳти таъминоти давлат қарор доранд, ба истироҳату солимгардонӣ  таваҷҷуҳи бештар зоҳир намоянд.

         АКС аз ФИКМТ

Май 24, 2021 15:00

Хабарҳои дигари ин бахш

Кормандони Кумита оид ба таҳсилоти ибтидоӣ ва миёнаи касбӣ суханронии Сарвари давлатро ба муносибати Рӯзи дониш якҷоя тамошо намуданд
Ба намояндагони касбу кори гуногуни вилояти Хатлон мукофотҳои давлатӣ тақдим карда шуд
«Барномаи рушди соҳаҳои таҳсилоти ибтидоӣ ва миёнаи касбии Ҷумҳурии Тоҷикистон барои солҳои 2026-2030» қабул гардид
Татбиқи лоиҳаҳои сармоягузорӣ дар соҳаи таҳсилоти ибтидоӣ ва миёнаи касбӣ бо намояндаи Бонки Осиёии рушд баррасӣ гардид
Дар Душанбе оид ба татбиқи иммунизатсия бар зидди вируси папилломаи одам машварати омӯзишӣ оғоз шуд
Татбиқи лоиҳаи «Беҳтарсозии малакаҳои касбӣ ва имконияти бокортаъминшавӣ» баррасӣ гардид
НЕЪМАТЕ ХУШТАР ЗИ ИСТИҚЛОЛ НЕСТ! Муҳимтарин омили таҳкими истиқлоли Тоҷикистон густариши худшиносию худогоҳии миллӣ аст
Сиёсати иҷтимоии Пешвои миллат такягоҳи суботи иҷтимоӣ ва рушди устувори давлат мебошад
Беш аз 15 ҳазор оилаҳои дар минтақаи зериобшавандаи НБО «Роғун» қарордошта бо манзили доимии зист ва қитъаи замини наздиҳавлигӣ таъмин гардиданд
Тоҷикони муқими шаҳри Толяти аз пешрафту дастовардҳои Тоҷикистон ифтихор менамоянд
Дар Тоҷикистон Рӯзҳои иммунизатсияи иловагӣ бар зидди бемориҳои сурхча ва гулафшон оғоз гардид
Мутахассисон баланд шудани ҳолати ифлосшавии ҳавои атмосфериро дар Тоҷикистон пешгӯӣ менамоянд