Муовини Раиси шаҳри Кӯлоб Орзу Ҳамидиён: Сокинони аз офати табиӣ зарардида худро танҳо эҳсос намекунанд

Май 24, 2021 11:36

ДУШАНБЕ,  24.05.2021 /АМИТ «Ховар»/. Оқибатҳои офати табие, ки 11 май дар шаҳри Кӯлоб ба вуқӯъ пайваста буд, бартараф карда мешаванд.

Тавре муовини Раиси шаҳри Кӯлоб Орзу Ҳамидиён дар суҳбати ихтисосӣ ба хабарнигори АМИТ «Ховар» гуфт, «мардуми аз офати табиӣ зарадидаи шаҳри Кӯлоб дар рӯзҳои сахт худро танҳо эҳсос накарданд. Аз рӯзҳои нахустини рух додани офати табиӣ бо  супориши Президенти Ҷумҳурии Тоҷикистон  муҳтарам Эмомалӣ Раҳмон, таҳти роҳбарии Сарвазири мамлакат Қоҳир Расулзода ситод оид ба бартарафсозии оқибатҳои офати табиӣ ташкил гардид, ки ба он ҳамчунин раиси вилояти Хатлон Қурбон Ҳакимзода, Вазири корҳои дохилӣ Рамазон Раҳимзода  ва Раиси Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикис­тон Рустам Назарзода низ шомил гардиданд. Онҳо ба шаҳри Кӯлоб омада, мавзеъҳои офатзадаро аз назар гузарониданд.

Орзу Ҳамидиён зикр кард, ки бо мақсади бартараф намудани хисороти офати табиӣ дар радифи дигар мақомоти давлатии марбута кормандони ташкилоту муассисаҳо, донишҷӯёни донишгоҳу  коллеҷҳои шаҳри Кӯлоб саҳм гузошта истодаанд. Ҳамарӯза ба   247 хона  аз ҳисоби беш аз се ҳазор нафар кормандони муассисаю ташкилот гурӯҳҳои ёрирасони корӣ иборат аз панҷ то даҳнафарӣ сафарбар карда шуда, барои рафъи оқибатҳои офати табиӣ ба зарардидагон кумак мерасонанд.

Муовини Раиси шаҳри Кӯлоб афзуд, ки бо мақсади бартараф кардани оқибатҳои офатҳои табиӣ ва барқарорсозии тамоми иншоот ва инфрсохторе, ки дар натиҷаи омадани сел пурра ва қисман  зарар дидаанд, аз гӯшаю канори ҷумҳурӣ ба шаҳри Кӯлоб корвонҳои кумак мерасанд. Аввалин шуда, ба зарардидагони шаҳри Кӯлоб корвони кумакҳои башардӯстонаи Пешвои миллат муҳтарам Эмомалӣ Раҳмон,  корвони ёрии Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустами Эмомалӣ, Раиси вилояти Хатлон, инчунин аз вилоятҳои Суғду Бадахшон, минтақаи Рашт  ва дигар шаҳру ноҳияҳои мамлакат расиданд, ки аз маҳсулоти хӯрокӣ, сохтмонӣ ва дигар маводи зарурии рӯзгор ва маишӣ иборат буданд.

Ёдовар мешавем, ки 11 май бар асари  офати табиӣ –омадани сел дар шаҳри Кӯлоб се нафар фавтида, инчунин 33 хонаи сокинон пурра вайрон гардид, ки аз нав сохта мешаванд. Ҳамзамон қариб 300 манзили истиқоматӣ зарар дидаанд. Инчунин садҳо метр роҳҳои  мошингарди маҳаллӣ, роҳи мошингарди  маркази шаҳр, иншооти маданию маишӣ ва хизматрасонӣ ва чорвои шаҳрвандон талаф ёфтанд.  Офати табиӣ бештар ба сокинони маҳаллаҳои Хатти Роҳ, Нонвойи Поён, Корвонгузар, Ҷумъа Алӣ, Кӯҳнашаҳр, Бистсолагии Истиқлолият, қитъаҳои 3, 4, 5 ва кӯчаи Даминзода хисороти калон расонид. Инчунин зиёда аз 50 метр роҳи байналмилалии назди муассисаи таҳсилоти миёнаи умумии №53 — и шаҳр канда шуда, 4 пули мошингузар пурра вайрон гардидаанд, ки дар ин шабу рӯзҳо  барқарор мегарданд.

                                           Марзия САИДЗОДА,
АМИТ «Ховар»

                                      Душанбе-Кӯлоб-Душанбе

Май 24, 2021 11:36

Хабарҳои дигари ин бахш

Кормандони Кумита оид ба таҳсилоти ибтидоӣ ва миёнаи касбӣ суханронии Сарвари давлатро ба муносибати Рӯзи дониш якҷоя тамошо намуданд
Ба намояндагони касбу кори гуногуни вилояти Хатлон мукофотҳои давлатӣ тақдим карда шуд
«Барномаи рушди соҳаҳои таҳсилоти ибтидоӣ ва миёнаи касбии Ҷумҳурии Тоҷикистон барои солҳои 2026-2030» қабул гардид
Татбиқи лоиҳаҳои сармоягузорӣ дар соҳаи таҳсилоти ибтидоӣ ва миёнаи касбӣ бо намояндаи Бонки Осиёии рушд баррасӣ гардид
Дар Душанбе оид ба татбиқи иммунизатсия бар зидди вируси папилломаи одам машварати омӯзишӣ оғоз шуд
Татбиқи лоиҳаи «Беҳтарсозии малакаҳои касбӣ ва имконияти бокортаъминшавӣ» баррасӣ гардид
НЕЪМАТЕ ХУШТАР ЗИ ИСТИҚЛОЛ НЕСТ! Муҳимтарин омили таҳкими истиқлоли Тоҷикистон густариши худшиносию худогоҳии миллӣ аст
Сиёсати иҷтимоии Пешвои миллат такягоҳи суботи иҷтимоӣ ва рушди устувори давлат мебошад
Беш аз 15 ҳазор оилаҳои дар минтақаи зериобшавандаи НБО «Роғун» қарордошта бо манзили доимии зист ва қитъаи замини наздиҳавлигӣ таъмин гардиданд
Тоҷикони муқими шаҳри Толяти аз пешрафту дастовардҳои Тоҷикистон ифтихор менамоянд
Дар Тоҷикистон Рӯзҳои иммунизатсияи иловагӣ бар зидди бемориҳои сурхча ва гулафшон оғоз гардид
Мутахассисон баланд шудани ҳолати ифлосшавии ҳавои атмосфериро дар Тоҷикистон пешгӯӣ менамоянд