Раҷаббой Аҳмадзода ба аҳли хонаводаи Ҷасур Сиярқулов изҳори ҳамдардӣ намуд
ДУШАНБЕ, 08.05.2021 /АМИТ «Ховар»/. 7 май Раиси вилояти Суғд Раҷаббой Аҳмадзода ба аҳли оилаи Ҷасур Сиярқулов – сокини ноҳияи Деваштич, ки дар даргириҳои мусаллаҳонаи рӯзи 29 апрел дар Исфара ҳалок гардид, изҳори ҳамдардӣ намуд.
Тавре аз Хадамоти Раиси вилояти Суғд ба АМИТ “Ховар” хабар доданд, Раҷаббой Аҳмадзода ба аҳли оилаи Ҷасур Сиярқулов аз номи Пешвои миллат муҳтарам Эмомалӣ Раҳмон кумакпулӣ супорида, ба наздикони ӯ сабри ҷамил хост.
-Миллати сарбаланди тоҷик хотираи қаҳрамонҳои хешро ҳамеша пос медорад ва давлату Ҳукумат барои арҷгузорӣ ба ҷоннисориҳои чунин диловарон тадбирҳои заруриро амалӣ менамояд. Қаҳрамонии Ҷасур Сиярқулов ва ҳамхизматонаш то абад дар саҳифаҳои таърихи миллат сабт гардида, корномаҳои чунин фарзандони шуҷову далерро ояндагон бо ифтихор ёд мекунанд, -таъкид намуд Раиси вилоят.
Ёдовар мешавем, ки аз номи Пешвои муаззами миллат муҳтарам Эмомалӣ Раҳмон ба аҳли оилаи шахсони дар натиҷаи муноқишаҳои мусаллаҳонаи марзӣ фавтида ба миқдори 70 ҳазор сомонӣ, дар маҷмӯъ 700 ҳазор сомонӣ кумакпулӣ супорида шуд.
Раиси вилояти Суғд Раҷаббой Аҳмадзода зикр кард, ки давлату Ҳукумат аҳли оилаи шахсони фавтидаро ҳеҷ гоҳ танҳо намегузорад ва ҳамеша барои дастгирии онҳо, аз ҷумла фарзандони шаҳидон чораҷӯӣ мекунад. То ба синни балоғат расидани фарзандони шахсони марҳум ба таълиму тарбияи онҳо таваҷҷуҳи хосса зоҳир карда шуда, пас аз хатми мактаби миёна тавассути квотаҳо барои таҳсили онҳо дар муассисаҳои олӣ мусоидат карда хоҳад шуд. Ҳамзамон барои поси хотири шаҳидон лавҳаи ёдбуд гузошта мешавад.
Кормандони Кумита оид ба таҳсилоти ибтидоӣ ва миёнаи касбӣ суханронии Сарвари давлатро ба муносибати Рӯзи дониш якҷоя тамошо намуданд
Ба намояндагони касбу кори гуногуни вилояти Хатлон мукофотҳои давлатӣ тақдим карда шуд
«Барномаи рушди соҳаҳои таҳсилоти ибтидоӣ ва миёнаи касбии Ҷумҳурии Тоҷикистон барои солҳои 2026-2030» қабул гардид
Татбиқи лоиҳаҳои сармоягузорӣ дар соҳаи таҳсилоти ибтидоӣ ва миёнаи касбӣ бо намояндаи Бонки Осиёии рушд баррасӣ гардид
Дар Душанбе оид ба татбиқи иммунизатсия бар зидди вируси папилломаи одам машварати омӯзишӣ оғоз шуд
Татбиқи лоиҳаи «Беҳтарсозии малакаҳои касбӣ ва имконияти бокортаъминшавӣ» баррасӣ гардид
НЕЪМАТЕ ХУШТАР ЗИ ИСТИҚЛОЛ НЕСТ! Муҳимтарин омили таҳкими истиқлоли Тоҷикистон густариши худшиносию худогоҳии миллӣ аст
Сиёсати иҷтимоии Пешвои миллат такягоҳи суботи иҷтимоӣ ва рушди устувори давлат мебошад
Беш аз 15 ҳазор оилаҳои дар минтақаи зериобшавандаи НБО «Роғун» қарордошта бо манзили доимии зист ва қитъаи замини наздиҳавлигӣ таъмин гардиданд
Тоҷикони муқими шаҳри Толяти аз пешрафту дастовардҳои Тоҷикистон ифтихор менамоянд
Дар Тоҷикистон Рӯзҳои иммунизатсияи иловагӣ бар зидди бемориҳои сурхча ва гулафшон оғоз гардид
Мутахассисон баланд шудани ҳолати ифлосшавии ҳавои атмосфериро дар Тоҷикистон пешгӯӣ менамоянд
