Роҳбари Дастгоҳи иҷроияи Президенти Ҷумҳурии Тоҷикистон ба хонаводаи панҷгоникҳо маоши якмоҳа ва туҳфаҳои молию пулӣ тақдим намуданд
ДУШАНБЕ, 12.05.2021 /АМИТ «Ховар»/. Дар арафаи Иди саиди Фитр Роҳбари Дастгоҳи иҷроияи Президенти Ҷумҳурии Тоҷикистон муҳтарам Озода Раҳмон ба хонаводаи панҷгоникҳо, ки дар ноҳияи Қубодиён зиндагӣ менамоянд, маоши якмоҳаи худ ва туҳфаҳои молӣ- ҷиҳози хонаи хоб, яхдон, кондитсионер, телевизор ва мошинаи ҷомашӯӣ барои ҷиҳозонидани хонаи истиқоматии панҷгоникҳоро, ки айни замон аз ҷониби Мақомоти иҷроияи ҳокимияти давлатии вилояти Хатлон ва ноҳияи Қубодиён бунёд гардида истодааст, тақдим намуданд. Инчунин ба панҷгоникҳо маводи хӯрокворию ғизои кӯдакона ва ба волидони онҳо кумаки молиявӣ расонида шуд.
Дар ин бора аз Вазорати меҳнат, муҳоҷират ва шуғли аҳолии ҶТ ба АМИТ «Ховар» иттилоъ доданд.
Зикр шуд, ки корҳои сохтмонӣ дар бинои истиқоматӣ барои хонаводаи панҷгоникҳо рӯзҳои наздик ба анҷом расида, панҷгоникҳо — Ҳасан, Ҳусейн, Фотима, Хадича ва Кибриё ҷашни Рӯзи байналмилалии ҳифзи кӯдаконро дар хонаи нав истиқбол мегиранд.
Дар нақша аст, ки то рӯзи омодашавии хонаи нави истиқоматӣ гилему кӯрпаҳо, қандилу таҷҳизоти ошхона ва дигар ҷиҳози хонаи хоби кӯдакон дастраси оила карда шаванд.
Мавриди зикр аст, ки дастгирии ҳар нафари ниёзманди ҷомеа аз сиёсати хирадмандона ва иқдомҳои инсонпарваронаи Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон манша мегирад. Ин амалҳои нек баҳри расидан ба якдиливу якмаромӣ ва зиндагии шоиста равона гардидаанд.
Аксҳо аз Вазорати меҳнат, муҳоҷират ва шуғли аҳолӣ
Кормандони Кумита оид ба таҳсилоти ибтидоӣ ва миёнаи касбӣ суханронии Сарвари давлатро ба муносибати Рӯзи дониш якҷоя тамошо намуданд
Ба намояндагони касбу кори гуногуни вилояти Хатлон мукофотҳои давлатӣ тақдим карда шуд
«Барномаи рушди соҳаҳои таҳсилоти ибтидоӣ ва миёнаи касбии Ҷумҳурии Тоҷикистон барои солҳои 2026-2030» қабул гардид
Татбиқи лоиҳаҳои сармоягузорӣ дар соҳаи таҳсилоти ибтидоӣ ва миёнаи касбӣ бо намояндаи Бонки Осиёии рушд баррасӣ гардид
Дар Душанбе оид ба татбиқи иммунизатсия бар зидди вируси папилломаи одам машварати омӯзишӣ оғоз шуд
Татбиқи лоиҳаи «Беҳтарсозии малакаҳои касбӣ ва имконияти бокортаъминшавӣ» баррасӣ гардид
НЕЪМАТЕ ХУШТАР ЗИ ИСТИҚЛОЛ НЕСТ! Муҳимтарин омили таҳкими истиқлоли Тоҷикистон густариши худшиносию худогоҳии миллӣ аст
Сиёсати иҷтимоии Пешвои миллат такягоҳи суботи иҷтимоӣ ва рушди устувори давлат мебошад
Беш аз 15 ҳазор оилаҳои дар минтақаи зериобшавандаи НБО «Роғун» қарордошта бо манзили доимии зист ва қитъаи замини наздиҳавлигӣ таъмин гардиданд
Тоҷикони муқими шаҳри Толяти аз пешрафту дастовардҳои Тоҷикистон ифтихор менамоянд
Дар Тоҷикистон Рӯзҳои иммунизатсияи иловагӣ бар зидди бемориҳои сурхча ва гулафшон оғоз гардид
Мутахассисон баланд шудани ҳолати ифлосшавии ҳавои атмосфериро дар Тоҷикистон пешгӯӣ менамоянд
