«ШАБЕ ДАР ОСОРХОНА». Таҳти ин унвон иқдоми байналмилалӣ роҳандозӣ гардида, дар доираи он баргузории 30 барномаи фарҳангӣ-фароғатӣ дар назар аст

Май 8, 2021 09:30

ДУШАНБЕ, 08.05.2021 /АМИТ «Ховар»/.  18 май бахшида ба ҷашни 30-солагии Истиқлоли давлатии Ҷумҳурии Тоҷикистон, Пойтахти фарҳангии ИДМ эълон гардидани шаҳри Душанбе ва Рӯзи байналмилалии осорхонаҳо дар Осорхонаи миллии Тоҷикистон таҳти унвони «Шабе дар Осорхона» иқдоми байналмилалӣ баргузор шуда, дар як шаб 30 барномаи фарҳангӣ-фароғатӣ  пешниҳоди меҳмонон ва иштирокчиён гардонида мешаванд. Дар ин бора сардори шуъбаи экскурсионӣ ва оммавии Осорхонаи миллии Тоҷикистон Фаридун Кенҷаев ба хабарнигори АМИТ «Ховар» иттилоъ дод.

Мавсуф зикр намуд, ки иқдоми «Шабе дар Осорхона» аз соати 18:00 то 23:00 дар Осорхонаи миллии Тоҷикистон баргузор шуда, 30 барномаи фарҳангӣ-фароғатӣ дар як шаб пешниҳоди тамошобинон гардонида мешаванд. Барномаҳо ба ҳамаи қишрҳои ҷомеа нигаронида шудаанд. Яъне, дар ин шаб аз тамошобини хурд то бузург вобаста ба синн метавонанд барои худ барномае пайдо намоянд. Дар ин шаб дар баробари дигар намоишҳо ҳунарҳои мардумӣ: кулолгарӣ, заргарӣ, кандакорӣ дар рӯи чӯб ва дигар навъҳои он пешниҳод мешаванд. Барои тамошобинони хурд барномаҳои ҷолиби зеҳнӣ пешниҳод мешаванд.

Ба гуфти ҳамсуҳбати мо, Осорхонаи миллии Тоҷикистон дар ин шаб  дар якҷоягӣ бо ҳунармандони театри Лоҳутӣ барномаи ҷолиби дигарро пешниҳоди ҳозирин мегардонад. Инчунин бахшида ба 30-солагии Истиқлоли давлатӣ дастовардҳои меъмории шаҳри Душанбе низ муаррифӣ мегарданд. Иқдоми «Шабе дар Осорхона» маротибаи 8-ум аст, ки баргузор мегардад.

Ташкилкунандагони ҳамоиши мазкур Ҳукумати Ҷумҳурии Тоҷикистон, Мақомоти иҷроияи ҳокимияти давлатии шаҳри Душанбе ва Осорхонаи миллии Тоҷикистон мебошанд. Сарпарасти ҳамоиш Корхонаи «Сиёма» мебошад. Иштироки тамошобинон дар тамоми маҳфилҳои осорхона ройгон аст.

Иқдоми «Шабе дар Осорхона» барномаи байналмилалӣ буда, ҳадаф аз он инъикоси ғамхории давлат нисбат ба фароғати шаҳрвандон,  макони фарҳангӣ будани осорхона ва бештар ҷалб намудани ҷавонон ба тамошои осорхона мебошад. Айни замон 120 кишвари олам ва 30 000 осорхонаҳо ҳамасола ин иқдомро амалӣ менамоянд.

Баргузории чунин иқдом дар дигар кишварҳои узви ИДМ низ пешбинӣ шудааст.

Барномаи  фарҳангию фароғатии «Шабе дар осорхона» яке аз иқдомҳои байналмилали осорхонаҳои ҷаҳон буда, дар Тоҷикистон  баъди ба истифода додани Осорхонаи миллии Тоҷикистон он бори аввал  соли 2013  доир  шуда  буд.

Ёдовар мешавем, ки  ҳамасола 18 май  Рӯзи байналмилалии  осорхонаҳо  (International Museum Day) ҷашн гирифта мешавад ва аз соли 1978 инҷониб 150 давлати ҷаҳон ин рӯзро таҷлил менамоянд.

 Акс аз бойгонии АМИТ «Ховар»

Май 8, 2021 09:30

Хабарҳои дигари ин бахш

Хиради омӯзгор ҷаҳлу хурофотро аз байн мебарад ва сарчашмаи комёбиҳо мегардад, — бардошт аз ҳамоиш дар вилояти Хатлон
Сарвазири мамлакат Қоҳир Расулзода дар ноҳияи Дӯстӣ бо рафти ҷамъоварии ҳосили пахта ва корҳои созандагӣ шинос гардид
Доир ба заминаҳо, таҳаввулот ва дурнамои Истиқлоли давлатӣ машварати илмӣ-назариявӣ баргузор шуд
Дар ноҳияи Рӯшон майдончаҳои варзишӣ ба истифода дода шуданд
Ба намояндагони касбу кори гуногуни вилояти Хатлон мукофотҳои давлатӣ тақдим карда шуд
Барои мукофотонидани ғолибони Озмуни ҷумҳуриявии «Шоҳномахонӣ» 2 миллиону 660 ҳазор сомонӣ ҷудо карда мешавад
Сарвазири Тоҷикистон Қоҳир Расулзода дар ноҳияи Хуросон бо корҳои ободонию созандагӣ шинос шуд
ТУҲФАИ АРЗАНДАИ ПРЕЗИДЕНТИ ТОҶИКИСТОН. Ба беш аз 57 ҳазор оилаи шаҳри Ваҳдат «Шоҳнома» тақдим мегардад
СОҲИБИХТИЁРӢ — АРЗИШИ БУЗУРГУ БЕБАҲО. Нақши Пешвои миллат дар таҳкими истиқлоли давлатӣ беназир аст
ИЛМ ДАР БАЛАНДИИ ЗИЁДА АЗ 5000 МЕТР. Дар калонтарин пиряхи Тоҷикистон — Ванҷях таҳқиқоти илмӣ гузаронида шуд
Дар даромадгоҳи дараи Камароб Маркази хизматрасонии сайёҳӣ ба истифода дода шуд
Дар Москва Парчами давлатии Тоҷикистон ба ифтихори 34-солагии Истиқлолият намоиш дода мешавад