Таэквондочиёни шинохтаи тоҷик дар мусобиқаи интихобии олимпии Осиё иштирок намуданд

Май 24, 2021 15:02

ДУШАНБЕ, 24.05.2021 /АМИТ «Ховар»/. Варзишгарони шинохтаи тоҷик оид ба таэквондо дар мусобиқаи интихобии олимпии Осиё натавонистанд роҳхати Бозиҳои олимпии Токиоро ба даст оранд. Дар ин бора намояндаи расмии Кумитаи миллии олимпии Тоҷикистон Умаралӣ Сафаралӣ ба шореҳи варзиши АМИТ «Ховар» Меҳрони Қурбон хабар дод.

Мусобиқаи мазкур 21-22 май дар шаҳри Аммони Урдун бо иштироки 84 варзишгар аз 28 давлати қораи Осиё баргузор шуд. Дар ин мусобиқаи сатҳи ҷаҳонӣ  аз Ҷумҳурии Тоҷикистон    4 нафар варзишгар  – Муниса Ойматова (-49кг), Моҳру Ҳалимова (+67кг) миёни бонувон, Муҳаммадҷон Суннатов (-68кг), Хуррам Меҳтаршоев (-80кг) миёни мардон ба Урдун иштирок карданд.

Муниса Ойматова дар даври аввал аз намояндаи Покистон Оиша Афсар шикаст хӯрд. Муҳаммадҷон Суннатов дар даври аввал варзишгари Арабистони Саудӣ Абдуллоҳ Мустафо Қарниро мағлуб кард, вале дар чорякфинал аз намояндаи Қазоқистон Кайрат Саримсоқов шикаст хӯрд. Хуррам Меҳтаршоев дар чорякфинал бар намояндаи Қатар Алӣ Алараимӣ пирӯз гардид, вале дар нимфинал аз варзишгари Тайпей Вей-Тинг Лиу ва дар рақобат барои ҷои сеюм аз варзишгари Қирғизистон Акбар Айтахунов мағлуб шуд.

Моҳру Ҳалимова дар нимфинал аз намояндаи Қазоқистон Кансел Дениз ва дар рақобат барои ҷои сеюм аз намояндаи Филиппин Кирстӣ Алора шикаст хӯрд.

Хотиррасон  мешавем, ки  аз 16 квотаи пешбинишуда дар мусобиқаи интихобии Осиё Тайпей 4, Ӯзбекистон 3, Урдун ва Қазоқистон 2, Ветнам, Эрон, Тайланд, Филиппин ва Чин якроҳхатӣ ба даст оварданд.

Мусобиқаҳои интихобии олимпӣ аз рӯи намуди таэквондо ба анҷом расиданд. Намояндагони 57 давлат тавонистанд роҳхати Бозиҳои олимпии Токиоро ба даст оранд. Мусобиқаи таэквондо дар Бозиҳои олимпии Токио-2021 аз рӯи 8 категорияи вазнӣ (4 вазн миёни мардон, 4 вазн миёни бонувон) бо иштироки 128 варзишгар (дар ҳар вазн 16 нафар) баргузор мешавад.

                                     АКС аз КМО Тоҷикистон

Май 24, 2021 15:02

Хабарҳои дигари ин бахш

Дар Душанбе ҷаласаи Кумитаи футзали Федератсияи футболи Тоҷикистон баргузор шуд
Варзишгарони тоҷик аз мусобиқаҳои байналмилалӣ 958 медал ба даст оварданд
ЛИГАИ ЧЕМПИОНҲО-2-И ОСИЁ. Имрӯз дастаҳои футболи «Истиқлол» ва «Ал-Наср» бо ҳам бозӣ мекунанд
9 паҳлавони тоҷик дар Мусобиқаи байналмилалии Abu Dhabi Grand Slam -2025 иштирок мекунанд
Ҳайати дастаи футболи «Ал-Наср»-и Арабистони Саудӣ барои бозӣ бо «Истиқлол» ба Душанбе омад
ЧЕМПИОНАТИ CAFA-2025. Дастаи мунтахаби занонаи то 18-солаи Тоҷикистон бо дастаи занонаи Узбекистон бозиро мусовӣ кард
Дар даврони соҳибистиқлолии Тоҷикистон бо шарофати варзишгарон Парчами давлатӣ зиёда аз 7500 маротиба баланд бардошта шуд
«ВАРЗИШГАРОН — ПАРЧАМБАРДОРОНИ МИЛЛАТ». Дар Донишкадаи тарбияи ҷисмонии Тоҷикистон ҳамоиши тантанавӣ баргузор шуд
Варзишгарони тоҷик дар Бозиҳои 6-уми ҳамбастагии исломӣ-2025 соҳиби ҳашт медал шуданд
ҶОМИ ОСИЁ ОИД БА ҶУДО БАЙНИ НАВРАСОН ВА ҶАВОНОН-2025. Варзишгарони тоҷик дар рӯзи якум 3 медали тилло ба даст оварданд
«ҶАВОНОН ВА ВАРЗИШГАРОН -САДОҚАТ БА ПЕШВОИ МИЛЛАТ ВА ПАРЧАМИ ДАВЛАТӢ». Бо чунин унвон «Дав барои хушҳолӣ» баргузор гардид
Дар ноҳияи Ёвон варзишгарони ҷавон барои дастовардҳои назаррас қадрдонӣ шуданд