То 30-солагии Истиқлолияти давлатӣ майдончаҳои варзиш мавриди истифода қарор мегиранд

ДУШАНБЕ, 20.05.2021 /АМИТ «Ховар»/. Бахшида ба  30-солагии Истиқлоли давлатӣ аз ҷониби Кумитаи рушди маҳали назди Президенти Ҷумҳурии Тоҷикистон дар шаҳраки 164, кӯчаи Пушкин №2, 4, 6 ва 8-и ноҳияи И.Сомонӣ ва шаҳраки №114 назди бинои истиқоматии М15 ва М16-и ноҳияи Синои шаҳри Душанбе майдончаҳои варзиш ва майдончаҳои бозии кӯдакона пурра аз таъмири ҷорӣ бароварда шуданд, ки ба наздикӣ мавриди истифода қарор мегиранд. Дар ин бора аз маркази матбуоти Кумитаи рушди маҳали назди Президенти ҶТ ба АМИТ «Ховар» хабар доданд.

Мавриди зикр аст, ки бо ташаббуси Раиси шаҳри Душанбе муҳтарам Рустами Эмомалӣ ва дастгирии соҳибкорони алоҳида, инчунин вазорату кумитаҳои давлатӣ то ин муддат дар маҳаллаҳои пойтахт зиёда аз 100 майдончаи варзиш сохта, дар ихтиёри сокинони пойтахт гузошта шудаанд.