137 нафар тарбиятгирандагони мактаб-интернатҳои Роғун, Рӯдакӣ ва Ёвон ба истироҳат фаро гирифта шуданд
ДУШАНБЕ, 30.06.2021 /АМИТ«Ховар»/. 29 июн маросими гусели 137 нафар тарбиятгирандагони мактаб-интернатҳои шаҳри Роғун ва навоҳии Рӯдакиву Ёвон, ки ба истироҳатгоҳи Чангоби шаҳри Ҳисор фиристода мешуданд, баргузор гардид. Дар ин бора аз Федератсияи иттифоқҳои касабаи мустақили Тоҷикистон ба АМИТ «Ховар» хабар доданд.
Маросими сафарбариву гусели кӯдакон дар назди бинои Федератсияи иттифоқҳои касабаи Тоҷикистон доир гардид. Раиси Федератсия Маликшо Неъматзода иброз дошт, ки ғамхорӣ нисбат ба қишрҳои ниёзманди аҳолӣ, бахусус кӯдакон ва наврасон аз авлавиятҳои сиёсати иҷтимоии Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон маҳсуб шуда, баҳри таъмини истироҳати бофароғати онҳо тадбирҳои муҳим андешида мешаванд.
Мавсуф афзуд, ки бо ба эътидол омадани вазъи эпидемиологӣ дар ҳудуди ҷумҳурӣ ва таҳти назорати қатъии санитарию эпидемиологӣ қарор доштани ҳудуди санитарии мамлакат аз воридот ва эҳтимолиятҳои пайдошавии ҳодисаҳои нави сироят, дар асоси омӯзишҳои ҳамаҷониба, инчунин вобаста ба иҷрои муқаррароти қарори Ҳукумати Ҷумҳурии Тоҷикистон “Дар бораи ташкили истироҳати тобистонаи кӯдакон ва наврасон дар соли 2021” аз 27 марти соли 2021 бо назардошти дар истироҳатгоҳҳо пешбинӣ намудани таъмини талаботҳои беҳдоштию зиддиэпидемикӣ, мавҷуд будани нуқтаи тиббӣ, аз ҷониби роҳбарияти муассисаҳои истироҳатӣ гирифтани хулосаи зарурии мусбии мақомоти назорати давлатии санитарию эпидемиологии ҳудуди маъмурӣ, ташкили муоинаи тиббии ҳайати кормандон ва хизматрасони истироҳатгоҳҳо бо назардошти озмоиши вирусологӣ нисбат ба сирояти КОВИД-19 барои ҳайати кормандон ташкили истироҳати тобистонаи кӯдакон ва наврасон мувофиқи мақсад дониста шуд.
Мавриди зикр аст, ки алҳол маъракаи сафарбарии кӯдакону наврасон ба истироҳатгоҳҳо дар тамоми шаҳру навоҳии ҷумҳурӣ идома дорад. Дар мавсими соли равон истироҳати кӯдакону наврасон то 3 баст ба нақша гирифта шудааст ва дар маҷмӯъ зиёда аз 200 ҳазор нафар кӯдакону наврасон ба истироҳату солимгардонӣ фаро гирифта мешаванд.
АКСҲО: ФИКМТ
МАСЛИҲАТИ МУТАХАССИС. Истеъмоли чукрӣ ба кам шудани моддаи қанд дар таркиби хун мусоидат мекунад
35-СОЛАГИИ ИСТИҚЛОЛИ ДАВЛАТӢ. Барои сазовор таҷлил намудани ин ҷашни миллӣ машварати корӣ доир шуд
Тоҷикистону Чин ҳамкориро дар бахшҳои сиёсӣ, иқтисодӣ ва гуманитарӣ тақвият медиҳанд
Дар шаҳри Ваҳдат бо мақсади баланд бардоштани ҳувияти миллии ҷавонон ҳамоиш доир шуд
Байни Тоҷикистон ва Арабистони Саудӣ дар самти таҳсилоти касбӣ Ёддошти тафоҳум ба имзо расид
Сокинони ноҳияи Тоҷикобод аз муоинаю ташхисҳои тиббии ройгон гузаронида шуданд
Бо иштироки занону духтарони вазорату идораҳо иқдоми ҷумҳуриявии «Тоҷикона мепӯшем!» доир гардид
ОБОД СОХТАНИ ВАТАН ИБОДАТ АСТ! Соҳибкори маҳаллӣ дар ноҳияи Темурмалик барои ду ҳамдеҳааш хона сохт
Дар шаҳри Ҳисор маҳфил-озмуни «Тоҷикистони ман!» баргузор мешавад
«СУҒД — ЧОРРОҲАИ РОҲИ БУЗУРГИ АБРЕШИМ». Дар Суғд форуми сеюми байналмилалӣ доир мегардад
ИМРӮЗ — РӮЗИ УМУМИҶАҲОНИИ САЛОМАТӢ. Шоҳсутуни асосии саломатӣ варзиш, ғизои хуб ва хоб аст
«ЯКҶОЯ БА СӮИ САЛОМАТӢ…». Ба сокинони шаҳри Душанбе хизмати ройгони тиббӣ расонида шуд
