Дастаи Бадахшон-1 дар Мусобиқаи ҷумҳуриявӣ аз намуди волейбол пирӯз гардид

Июнь 30, 2021 13:15

ХОРУҒ, 30.06.2021 /АМИТ «Ховар»/. Бо ибтикори Раёсати ҷавонон ва варзиши Вилояти Мухтори Кӯҳистони Бадахшон дар  Қасри варзиши шаҳри Хоруғ бахшида ба ҷашни 30-умин солгарди Истиқлоли давлатии Тоҷикистон мусобиқаи ҷумҳуриявӣ аз намуди волейбол байни дастаҳои Бадахшон-1, Суғд, Хатлон, Душанбе-1 ва Бадахшон-2 баргузор шуд ва се рӯз идома кард.  Дар даври ниҳоӣ байни дастаҳои Бадахшон-1 ва Душанбе-1 барои гирифтани мақоми аввал мубориза сурат гирифт. Ин бозӣ бо ҳисоби 3 бар 2 ба ба фоидаи тими Бадахшон-1 анҷом пазируфта, тими Душанбе-1 дар ҷои дуюмро қарор гирифт.

Коршинсони масоили варзишӣ, ки ин мусобиқаро аз аввал то ба охир пайгирӣ намуданд, ба бозии волйболбозони ҷавони тими Душанбе-1 баҳои баланд дода, аз пайдо шудани боз дастаи як касбию қавӣ дар кишвар изҳори хушҳолӣ намуданд. Устоди варзиши Ҷумҳурии Тоҷикистон Раҳматшо Алифшоев гуфт, ки “сарфи назар аз он дастаи мунтахаби Бадахшон  10 маротиба дар мусобиқаҳои ҷумҳуриявӣ дастболо шуд, аммо варзишгарони ҷавони дастаи Душанбе-1 то ба охир бозии хубу диданӣ аз худ нишон доданд ва ҳеҷ камие аз рақиби пуртаҷрибаи худ надоштанд. Дар баъзе лаҳзаҳо бозигарони дастаи Бадахшон-1-ро дар ҳоли ногувор меандохтанд ва онҳо имкон надоштанд, ки тӯбро дуввумбора ба майдони рақибон баргардонанд. Аксарияти варзишгарони ин даста ҳанӯз донишҷӯ ҳастанд ва дар ояндаи наздик метавонанд, ки барои тимҳои беҳтарини кишвар  ба як рақиби шикастнопазир табдил ёбанд”.

Мураббии дастаи Душанбе-1 Рухшона Тайғуншоева, ки як замон зери роҳбарии мураббиии пуртаҷрибаи тими мунтахаби Бадахшон  Бекназар Мавлоназаров тамрин карда, дар мусобиқаҳои ҷумҳуриявӣ борҳо шарафи варзиши вилоятро ҳифз мекард, имрӯз бо дастаи худ барои мураббиаш Бекназар Мавлоназаров рақиби асосӣ ба шумор меравад. Шояд худи Бекназар Мавлоназаров низ аз он шод бошад, ки заҳматаш барабас нарафтааст ва чунин шогирдони варзидааш ба майдони варзиш ворид мегарданд ва  барои рушди ин риштаи зебои варзиш саҳми хеш мегузоранд.

Муовини раиси вилоят Назира Амирбекзода дастаи Бадахшон 1- ро табрик намуда, зери  кафкӯбии ҳаводорони ин намуди зебои варзиш ба ғолибон Ҷоми Мусобиқа ва медалу ифтихорнома тақдим кард. Муовини раиси вилоят дар баробари ғолибон ҳамчунин ба ҳамаи мураббиён ва бозигарони дастаҳои Душанбе- 1, Суғду Хатлон барои ширкати фаъол дар мусобиқа ва рангину ҷолиб кардани он  аз номи мақомоти иҷроияи ҳокимияти давлатии вилоят ва шахсан  аз номи раиси вилоят Ёдгор Файзов миннатдории хос баён намуд.

Июнь 30, 2021 13:15

Хабарҳои дигари ин бахш

Таҳкими ҳамкорӣ байни Тоҷикистон ва вилояти Форси Эрон дар бахши ҷавонон ва варзиш баррасӣ гардид
Дар Ҳисор мусобиқаи «CAFA Nations Сup 2025» дар гурӯҳи «В» оғоз мешавад
Ҳайати Кумитаи кор бо ҷавонон ва варзиши Тоҷикистон бо Академияи Кумитаи миллии олимпии Эрон шинос шуд
Барномаи иҷроии ҳамкорӣ байни Тоҷикистон ва Эрон дар соҳаи варзиш ва ҷавонон ба имзо расид
Бо иштироки ҷавонони Тоҷикистон ва Эрон ҳамоиш доир гардид
Дар Теҳрон густариши ҳамкории Тоҷикистон ва Эрон дар самти ҷавонон ва варзиш баррасӣ гардид
Ғолиби «Ҷоми Раиси ВМКБ» аз намуди волейбол муайян карда шуд
«Tojiktelecom» сарпарасти расмии мусобиқаи бонуфузи байналмилалии Осиёи Марказӣ ва Ҷанубӣ — CAFA Nations Cup 2025 гардид
ФУТБОЛ. Бозии ниҳоии Ҷоми Тоҷикистон-2025 байни «Регар-ТадАЗ» ва «Эсхата» дар Хуҷанд доир мегардад
Дар Тоҷикистон лоиҳаи «Football For Schools»-и ФИФА амалӣ карда мешавад
ҶОМИ ТОҶИКИСТОН. Дастаҳои футболи «Регар-ТадАЗ» ва «Эсхата» ба финали ин мусобиқа роҳ ёфтанд
Дар вохӯрии дастаҳои Тоҷикистон ва Ҳиндустон автомобили BYD ба бозӣ гузошта мешавад