ФУТБОЛ. «Равшан» ва «Эсхата» дар бозиҳои мавқуфмондаи Чемпионати Тоҷикистон миёни дастаҳои лигаи олӣ ғолиб омаданд
ДУШАНБЕ, 07.06.2021 /АМИТ «Ховар»/. Шоми дирӯз ду бозии мавқуфмондаи марҳилаи аввали Чемпионати Тоҷикистон миёни дастаҳои лигаи олӣ баргузор шуд. Дар бозии мавқуфмондаи даври ҳаштум дастаи нави лигаи олӣ – «Эсхата»-и шаҳри Хуҷанд бар дастаи футболи «Хуҷанд»-и шаҳри Хуҷанд бо ҳисоби 3:2 пирӯз шуд ва ба ҷои дуюми ҷадвали чемпионат баромад. Дар ҳайати дастаи «Эсхата» легионери ӯзбек Акобир Тураев ду гол зад. Як голи дигарро Рустам Сабуров ба номаш сабт кард. Голҳои дастаи футболи «Хуҷанд»-ро Дилшод Бозоров ва Артём Сердюк ба нишон расонид. Дар ин бора шореҳи варзиши АМИТ «Ховар» Меҳрони Қурбон бо истинод ба Федератсияи футболи Тоҷикистон иттилоъ медиҳад.
Дар бозии мавқуфмондаи даври нӯҳум бошад, дастаи футболи «Равшан»-и шаҳри Кӯлоб дар шаҳри Бохтар дастаи футболи «Куктош»-и ноҳияи Рӯдакиро бо ҳисоби 2:0 мағлуб кард. Ҳар ду голро легионер аз Гана Эффаҳ Кингслей Осей ба ҳадаф расонид.
Мавриди зикр аст, ки бо сабаби иштироки дастаи мунтахаби Тоҷикистон дар бозиҳои марҳилаи дуюми интихобии Чемпионати ҷаҳон-2022 дар Япония марҳилаи дуюми Чемпионати Тоҷикистон миёни дастаҳои лигаи олӣ 20 июн шурӯъ мегардад.
20 июн дастаҳои футболи «Эсхата»-и шаҳри Хуҷанд бо «Душанбе»-и шаҳри Душанбе, «Файзканд»-и ноҳияи Восеъ бо «Хатлон»-и шаҳри Бохтар ва 21 июн бошад, дастаҳои футболи «Истиқлол»-и шаҳри Душанбе бо «Хуҷанд»-и шаҳри Хуҷанд, «Истаравшан»-и шаҳри Истаравшан бо КМВА ва «Куктош»-и ноҳияи Рӯдакӣ бо «Равшан»-и шаҳри Кӯлоб байни ҳам вомехӯранд.
Чемпионат Тоҷикистон-2021. Лигаи олӣ
Бозии мавқуфмондаи даври 8-ум
«Эсхата» – «Хуҷанд» – 3:2
Голҳо: Дилшод Бозоров, 8 (0:1). Рустам Сабуров, 44 (1:1). Акобир Тураев, 45+2 (2:1). Акобир Тураев, 66 – пеналти (3:1). Артём Сердюк, 75 – пеналти (3:2).
Бозии мавқуфмондаи даври 8-ум
«Равшан» – «Куктош» – 2:0
Голҳо: Эффах Кингслей Осей, 11 (1:0). Эффах Кингслей Осей, 53 (2:0).
| ДАСТАҲО | Б | Ғ | М | Б | Т-Т | Х | |
| 1 | «Хуҷанд» (Хуҷанд) | 8 | 5 | 1 | 2 | 17-18 | 16 |
| 2 | «Эсхата» (Хуҷанд) | 9 | 4 | 2 | 3 | 16-14 | 14 |
| 3 | «Хатлон» (Бохтар) | 8 | 3 | 3 | 2 | 9-7 | 12 |
| 4 | «Файзканд» (Восеъ) | 8 | 3 | 3 | 2 | 8-7 | 12 |
| 5 | «Куктош»(Рӯдакӣ) | 9 | 3 | 2 | 4 | 10-16 | 11 |
| 6 | «Равшан»(Кӯлоб) | 8 | 2 | 3 | 3 | 10-11 | 9 |
| 7 | «Истаравшан» (Истаравшан) | 8 | 2 | 3 | 3 | 8-9 | 9 |
| 8 | «Душанбе»(Душанбе) | 8 | 2 | 3 | 3 | 13-16 | 9 |
| 9 | «Истиқлол» (Душанбе) | 3 | 2 | 1 | 0 | 4-1 | 7 |
| 10 | КМВА (Душанбе) | 9 | 1 | 3 | 5 | 9-15 | 6 |
Акс аз ФФТ
«Tojiktelecom» сарпарасти расмии мусобиқаи бонуфузи байналмилалии Осиёи Марказӣ ва Ҷанубӣ — CAFA Nations Cup 2025 гардид
ФУТБОЛ. Бозии ниҳоии Ҷоми Тоҷикистон-2025 байни «Регар-ТадАЗ» ва «Эсхата» дар Хуҷанд доир мегардад
Дар Тоҷикистон лоиҳаи «Football For Schools»-и ФИФА амалӣ карда мешавад
ҶОМИ ТОҶИКИСТОН. Дастаҳои футболи «Регар-ТадАЗ» ва «Эсхата» ба финали ин мусобиқа роҳ ёфтанд
Дар вохӯрии дастаҳои Тоҷикистон ва Ҳиндустон автомобили BYD ба бозӣ гузошта мешавад
ФУТБОЛ. Бозии дӯстона байни дастаҳои мунтахаби наврасони Тоҷикистон ва Узбекистон мусовӣ анҷом ёфт
ФУТБОЛ. «Истиқлол»-и Душанбе бо «Ал-Наср»-и Криштиану Роналду дар як гурӯҳ қарор гирифт
ЛИГАИ ЧЕМПИОНҲОИ ДУЮМИ ОСИЁ-2025/26. Имрӯз дастаҳои «Регар-ТадАЗ» ва «Аҳал»-и Туркманистон бо ҳам бозӣ мекунанд
Дастаи мунтахаби наврасони то 17-солаи Тоҷикистон мусобиқаи байналмилалиро дар Индонезия бо мусовӣ оғоз кард
Дар Бохтар ду майдончаи нави футбол мавриди истифода қарор гирифт
«ПЕШВОИ МИЛЛАТ ҲОМИИ ВАРЗИШ ВА ПУШТИБОНИ ҶАВОНОН». Дар Душанбе таҳти ин унвон ба ифтихори Рӯзи варзишгарон чорабинӣ баргузор шуд
Варзишгарони шаҳри Ҳисор соли 2025 соҳиби беш аз 340 медали тилло гардиданд
