Иштирокдорони сеюмин Форуми занони СҲШ аз ҷумҳуриҳои Ӯзбекистон ва Қирғизистон аз Қалъаи Ҳисор боздид намуданд
ДУШАНБЕ, 11.06.2021 /АМИТ «Ховар»/. Тавре қаблан хабар додем, 10 июн дар Муассисаи давлатии «Китобхонаи миллии Тоҷикистон» 3-юмин Форуми занони Созмони ҳамкории Шанхай бо иштироки намояндагони кишварҳои аъзои Созмони ҳамкории Шанхай ва меҳмонони даъватшуда аз ҳисоби ходимони сиёсӣ, намояндагони доираҳои соҳибкорӣ, соҳаи илм ва ҷомеаи шаҳрвандӣ баргузор гардид. Имрӯз тибқи барномаи Форуми мазкур иштирокдорони он аз ҷумҳуриҳои Ўзбекистон ва Қирғизистон аз макони таърихии Тоҷикистон-Қалъаи Ҳисор боздид намуданд.
Тавре мухбири АМИТ «Ховар» хабар медиҳад, меҳмонон нахуст Осорхонаи Қалъаи Ҳисорро тамошо карда, бо фарҳанги қадимаи халқи тоҷик аз наздик ошноӣ пайдо намуданд. Онҳо дар ин Осорхона бо намунаи либосҳои мардонаву занонаи қадимаи миллати тоҷик, асбобҳои рӯзгор ва дигар маҳсули ҳунарҳои мардумӣ шинос шуда, зикр карданд, ки ин ёдгориҳо бозгӯи ба ҳам қаробат доштани урфу одат ва анъанаҳои миллатҳои дар Осиёи Миёна сукунатдошта мебошанд.
Зикр шуд, ки миллати тоҷик дорои тамаддуни ҷаҳонӣ буда, чеҳраҳои оламшумули он бо бозёфту осори нодири худ дар пешрафти маданияти халқҳои гуногуни дунё нақши муҳим бозидааст.
Ёдовар мешавем, ки Форуми нахустини занони Созмони ҳамкории Шанхай таҳти унвони «Ҳамоҳангсозии қувваҳои занон барои пешбурди рушди муштарак» аз 15 то 17 майи соли 2018 дар шаҳри Пекини Ҷумҳурии Мардумии Чин доир гардида буд.
Тавре сардори шӯъбаи рушди гендерӣ ва муносибатҳои байналмилалии Қумитаи кор бо занон ва оила Ҷавоҳир Акобирова дар суҳбат иброз намуд, дар 3-юмин Форуми занони Созмони ҳамкории Шанхай лоиаҳои Изҳороти муштараки иштирокчиёни ин чорабинӣ ва Нақшаи Амалиёт муҳокима ва омода гардид. Инчунин иштирокдорон барои ҳукуматҳои кишварҳои аъзои СҲШ оид ба такмили механизми миллии пешрафтаи занон дар ҳар як кишвари узви Созмон оид ба рушди соҳибкории занон, афзоиши ҳиссаи занон дар шумораи роҳбарони корхонаҳо ва саҳҳомони ширкатҳои калон, оид ба коҳиш додани ҳама гуна навъи зӯроварӣ нисбати занон ва духтарон дар оила ва ҷомеа тавсияҳо пешниҳод шуданд. Ҳамчунин оид ба баланд бардоштани ҳиссаи занон дар парлумонҳои кишварҳои аъзои (СҲШ), дар вазифаҳои вазирон, роҳбарикунанда, мақомоти ҳифзи ҳуқуқ ва суд низ тавсияҳо дода шуд, ки дар оянда ин ба манфиати кор хоҳад буд-афзуд ӯ.
Дар охир зимни чорабинии фарҳангӣ баргузоргардида, байни бонувони тоҷику ӯзбек ва қирғиз суҳбатҳои самимӣ, шеъру сурудхонӣ ва таманниёти нек барои дӯстию рафоқат, меҳанпарастию ҳуввияти миллӣ сурат гирифт.
АКСҲО: АМИТ «Ховар»
«ТОҶИКИСТОН-ВАТАНИ АЗИЗИ МАН». Ба даври сеюми ин озмуни ҷумҳуриявӣ 525 довталаб роҳхат гирифт
Бахшида ба 100-солагии адабиётшиноси маъруфи тоҷик Соҳиб Табаров ҳамоишу маҳфилҳои илмӣ-адабӣ доир мешаванд
Донишкадаи умумирусиягии кинематографияи ба номи Сергей Герасимови шаҳри Москва қабули довталабонро эълон намуд
«Нурворизм» ва «Танворизм» -«Ду равияи як рассом». Дар Осорхонаи миллӣ намоиши асарҳои рассом Зокир Собиров ифтитоҳ гардид
Коллеҷи хореографӣ ба номи Малика Собирова дар соли нави хониш ба истифода дода мешавад
«ТОҶИКОНА МЕПӮШЕМ». Ҳадафи ин иқдом тарғиби либоси миллӣ ва ҷалби тарроҳон ба муосиргардонии он мебошад
«САҲМИ ИБНИ СИНО ДАР ТАШАККУЛИ ТИББИ ҚАДИМ ВА МУОСИР: ОСОРИ ИЛМӢ, ТАҶРИБА ВА НАЗАРИЯ». Таҳти ин унвон дар Русия озмуни мақолаи беҳтарин эълон гардид
«ИННОПРОМ-2024». Дар доираи ин намоишгоҳ дар шаҳри Екатеринбурги Русия ҷаласаи пленарии Созмони ҳамкории Шанхай баргузор шуд
НАЗАРИ КОРШИНОС. Созмони ҳамкории Шанхай зимни қабули тасмимот мавқеъ ва манфиатҳои тамоми мамлакатҳои узвро ба инобат мегирад ва эҳтиром менамояд
Филми «Дар талоши ҳақиқат» аввалин маротиба дар синамоҷашнвораи «Дебют»-и Амрико иштирок мекунад
Агентии миллии иттилоотии Тоҷикистон «Ховар» ҳамкориро бо рӯзномаи «Жэнмин Жибао»-и Чин тақвият мебахшад
Байни Агентии миллии иттилоотии Тоҷикистон «Ховар» ва Медиакорпоратсияи «CMG»-и Чин Ёддошти тафоҳуми ҳамкорӣ ба имзо расид
