Иштироки паҳлавонони тоҷик дар Бозиҳои олимпии Токио-2020 муайян шуд
ДУШАНБЕ, 23.06.2021 /АМИТ «Ховар»/. Федератсияи байналмилалӣ дзюдо дар сомонаи расмии худ охирин радабандии олимпиро, қабл аз баргузории Бозиҳои олимпии Токио нашр кард. Тибқи радабандии мазкур чаҳор паҳлавони шинохтаи тоҷик роҳхати Бозиҳои олимпии Токио-2020-ро ба даст оварданд.
Дар вазни-73кг Сомон Маҳмадбеков бо 3580 имтиёз дар садри рӯйхати дзюдочиёни дастаи мунтахаби Тоҷикистон ва дар мақоми 16-уми радабандии олимпии дзюдочиёни олимпии ҳамин вазн қарор дорад.
Тавре аз Федератсияи дзюдои Тоҷикистон ба шореҳи варзиши АМИТ «Ховар» Меҳрони Қурбон хабар доданд, дар вазни -73кг ҳамчунин Беҳрӯзи Хоҷазода бо 2796 имтиёз дар ҷои дуюми рӯйхати дзюдочиёни тоҷик ва дар мақоми 25-уми радабандии олимпии дзюдочиёни ҷаҳонӣ мавқеъ гирифтааст.
Акмал Муродов (-81кг) бо 1060 имтиёз, Комроншоҳ Устопириён (-90кг) бо 2944 ва Темур Раҳимов (+100кг) бо 3241 имтиёз садринишиини радабандии вазнҳои худ миёни дзюдочиёни тоҷик мебошанд.
Тибқи қоидаҳои амалкунандаи Федератсияи байналмилалии дзюдо (IJF) танҳо беҳтаринҳои радабандии ҷаҳон, ки дар «минтақаи сабз»-и ҷадвали радабандии олимпӣ қарор доранд ба Бозиҳои олимпӣ мераванд. Инчунин аз як давлат дар як вазн танҳо нафари дар радабандии олимпӣ назар ба ҳамватани худ мақоми болотар дошта, соҳиби роҳхати олимпӣ мегардад.
Аз ин рӯ, Беҳрӯзи Хоҷазода ҳарчанд дар «минтақаи сабз» қарор дорад, бинобар имтиёзҳои кам доштанаш аз Сомон Маҳмадбеков, роҳхати Олимпиадаи дар пешбударо ба даст наовард.
Сомон Маҳмадбеков, Комроншоҳ Устопириён ва Темур Раҳимов бошад, мустақиман роҳхат гирифтанд. Акмал Муродов бо ба даст овардани квотаи минтақавӣ ба Бозиҳои олимпӣ роҳ ёфт.
Бояд қайд намуд, ки Федератсияи байналмилалии дзюдо (IJF) рӯзи 28- июн ҳамаи варзишгарони соҳиби роҳхат шударо расман эълон менамояд.
Мавриди зикр аст, ки Бозиҳои олимпии Токио-2020 аз 23 июл то 8 августи соли 2021 баргузор мешавад. Қувваозмоиҳо варзишгарон дар риштаи дзюдо шурӯъ аз 24 то 31 июл идома меёбанд.
Варзишгарони тоҷик дар Бозиҳои 6-уми ҳамбастагии исломӣ-2025 соҳиби ҳашт медал шуданд
ҶОМИ ОСИЁ ОИД БА ҶУДО БАЙНИ НАВРАСОН ВА ҶАВОНОН-2025. Варзишгарони тоҷик дар рӯзи якум 3 медали тилло ба даст оварданд
«ҶАВОНОН ВА ВАРЗИШГАРОН -САДОҚАТ БА ПЕШВОИ МИЛЛАТ ВА ПАРЧАМИ ДАВЛАТӢ». Бо чунин унвон «Дав барои хушҳолӣ» баргузор гардид
Дар ноҳияи Ёвон варзишгарони ҷавон барои дастовардҳои назаррас қадрдонӣ шуданд
Парчами давлатии Тоҷикистон давоми нуҳ моҳ ба шарафи варзишгарони тоҷик зиёда аз 320 маротиба баланд бардошта шуд
Душанбе мизбони мусобиқаҳои бонуфузи қитъавӣ – Ҷоми Осиё оид ба ҷудо байни наврасон ва ҷавонон-2025 мегардад
Дастаи мунтахаби Тоҷикистон дар бозии даври панҷуми марҳилаи интихобии Ҷоми Осиё-2027 дастаи Тимори Шарқиро мағлуб намуд
Дастаи наврасони Тоҷикистон (U-15) дар бозии санҷишӣ дастаи мунтахаби Русияро мағлуб кард
Горан Стеванович: «Мо ба шаҳри Дарвин барои ба даст овардани се имтиёз омадаем»
Варзишгари тоҷик Шаҳром Маҳмуродов дар Чемпионати ҷаҳон оид ба ҷиу-ҷитсу соҳиби медали тилло гардид
Донишҷӯи тоҷик дар мусобиқаи варзишӣ дар Донишгоҳи Кувайт сазовори ҷойи якум гардид
ҶОМИ ОСИЁ-2027. Дастаи мунтахаби Тоҷикистон дар бозӣ бо Тимори Шарқӣ бо либосҳои сафед ба майдон мебарояд
