Шабонарӯзи охир дар ҷаҳон зиёда аз 374 ҳазор ҳолати сирояти коронавирус ошкор шуд
![](https://khovar.tj/wp-content/uploads/2021/06/COVID-19-6.jpg)
ДУШАНБЕ, 30.06.2021 /АМИТ «Ховар»/. Шабонарӯзи охир шумораи ҳолатҳои тасдиқшудаи сирояти коронавируси нав дар ҷаҳон беш аз 374 ҳазор афзоиш ёфта, аз 182,59 миллион гузашт, хабар медиҳад АМИТ «Ховар» бо истинод ба маълумоти имрӯзаи Созмони умумиҷаҳонии тандурустӣ (СУТ).
Ба ҳолати соати 11:00 (ба вақти Душанбе)-и 30 июн, ба СУТ дар бораи 182 593 082 сироятшуда ва 3 953 998 фавт маълумот расидааст. Шумораи гирифторони ин беморӣ шабонарӯзи охир 374 356 нафар ва фавтидагон 7 657 нафар афзудааст.
Шумораи зиёди ҳолатҳои тасдиқшудаи сироят дар ИМА ба қайд гирифта шудаанд — 34 527 493. Баъд аз он Ҳиндустон (30 362 848), Бразилия (18 513 305), Франсия (5 772 844), Россия (5 493 557), Туркия (5 420 156), Британияи Кабир (4 775 301), Аргентина (4 447 701), Италия (4 259 133), Колумбия (4 213 074), Испания (3 799 733) ва Германия (3 735 382) қарор доранд.
Акс аз AP / Стивен Сенн