Шабонарӯзи охир дар ҷаҳон зиёда аз 489 ҳазор ҳолати сирояти коронавирус ошкор шуд

ДУШАНБЕ, 03.06.2021 /АМИТ «Ховар»/. Шабонарӯзи охир шумораи ҳолатҳои тасдиқшудаи сирояти коронавируси нав дар ҷаҳон беш аз 489 ҳазор афзоиш ёфта, аз 172,42 миллион гузашт, хабар медиҳад АМИТ «Ховар» бо истинод ба маълумоти имрӯзаи Созмони умумиҷаҳонии тандурустӣ (СУТ).

 Ба ҳолати соати 10:00 (ба вақти Душанбе)-и 3 июн, ба СУТ дар бораи 172 426 494 сироятшуда ва 3 706 563 фавт маълумот расидааст. Шумораи гирифторони ин беморӣ шабонарӯзи охир 489 890 нафар ва фавтидагон 10 952 нафар афзудааст.

Шумораи зиёди ҳолатҳои тасдиқшудаи сироят дар ИМА ба қайд гирифта шудаанд — 34 154 305. Баъд аз он Ҳиндустон (28 441 986), Бразилия (16 720 081), Франсия (5 685 915), Туркия (5 263 697), Россия (5 090 249), Британияи Кабир (4 494 699), Италия (4 223 200), Аргентина (3 852 156), Германия (3 698 004), Испания (3 687 762) ва Колумбия (3 459 422) қарор доранд.

АКС аз EPA-EFE/JAMES ROSS