Аввалин зан-ҳавонаварди ширкати ҳавопаймоии «Сомон Эйр» нахустин парвози мустақилона анҷом дод
ДУШАНБЕ,18.06.2021/АМИТ «Ховар»/. Ягона зан-ҳавонаварди ширкати ҳавопаймоии «Сомон Эйр» Татяна Афентйева имрӯз нахустин парвози мустақилонаи худро анҷом дод. Татяна ба ҳайси сарнишини дуюм дар хатсайри мунтазами Душанбе-Тошканд-Душанбе парвоз кард ва аз ҷониби командири ҳавопаймо Шӯҳрат Раҳимов баҳои хуб гирифт. Татяна Афентева фаъолияти худро дар соҳаи авиатсия аз соли 2011 ба ҳайси роҳбалад оғоз намудааст, иттилоъ медиҳад ширкати хавопаймоии «Сомон Эйр».
Ба ширкати ҳавопаймоии «Сомон Эйр» Татяна соли 2020 ба сифати сарнишини дуюм пайваст ва то имрӯз парвозҳои таълимиро иҷро мекард, иттилоъ медиҳад манбаъ.
Барои расидан ба мақсуд номбурда роҳи тӯлонӣ ва душворро тай намуда, асосҳои касби ҳавонавардиро дар омӯзишгоҳи ҳавонавардии авиатсияи граждании ба номи Таран Г.А. дар Федератсияи Россия омӯхтааст. Имтиҳонҳо ва санҷишҳои амалии парвозиро бомуваффақият супорида, алъон сарнишини ҳирфаӣ мебошад, ки парвозҳои байналмилалиро дар ҳавопаймоҳои Boeing 737 / NG анҷом медиҳад.
«Зимни парвози мустақилонаи худ ҳаяҷон надоштам, парвоз мисли парвозҳои таҷрибаомӯзиам хуб гузашт» – иброз дошт Афентйева пас аз парвози мустақилонаи худ. Хушҳол аз он, ки аввалин парвози мустақилонаи ман дар соли таҷлили 30-солагии Истиқлолияти давлатии кишвари маҳбубамон Тоҷикистон сурат гирифт. Сарфарозам, ки ин қулла ҳам бароям фатҳ шуд ва акнун бояд зиёдтар кӯшиш намояму боз ҳам пеш равам. Алъон вазифаи аввалиндараҷаи ман тақвияти ихтисос ва саҳмгузорӣ дар бехатарии парвозҳо мебошад, ки авиатсияи тоҷик ҳамеша бо ин махсусияташ шӯҳрат дошт.
АКСҲО: хадамоти матбуоти «Сомон Эйр»
Оид ба нақши муассисаҳои илмӣ ва олии таълимӣ дар фаъолияти ҳуқуқэҷодкунӣ конференсияи байналмилалӣ доир шуд
Дар ноҳияи Мастчоҳ гурӯҳи ҷавонони синни даъватӣ даври омӯзишии ронандагиро хатм намуданд
Дар Тоҷикистон баландшавии ҳолати ифлосшавии ҳавои атмосферӣ дар назар аст
«ҲУНАРМАНДИ СОЛ-2025». Дар Душанбе озмуни ҷумҳуриявӣ ҷамъбаст гардид
Дар Душанбе беш аз 40 далели аз меъёри муқарраргардида гарон ба фурӯш гузоштани маҳсулоти гӯштӣ ошкор карда шуд
Ҳамкории Тоҷикистон бо Финляндия дар самти таҳкими ниҳоди миллии ҳифзи ҳуқуқи инсон тақвият меёбад
«Барномаи давлатии рушди соҳаи тандурустӣ ва ҳифзи иҷтимоии аҳолии вилояти Хатлон барои солҳои 2021-2025» баррасӣ гардид
Муколамаи навбатии занони Осиёи Марказӣ дар Узбекистон баргузор мегардад
Дар Душанбе таҳти унвони «Занон, сулҳ ва амният» форум баргузор шуд
МУКОЛАМАИ ЗАНОНИ ОСИЁИ МАРКАЗӢ. Дар доираи он таҳти унвони «Занон, сулҳ ва амният» форум баргузор мегардад
ПАРЧАМ ВА ПАРЧАМДОРӢ ДАР ТАЪРИХИ ДАВЛАТДОРИИ ТОҶИКОН. Дар Академияи миллии илмҳои Тоҷикистон конференсия доир шуд
ЭҲТИРОМ БА ПАРЧАМ- ЭҲТИРОМ БА ТАЪРИХИ МИЛЛАТ. Дар Агентии ҳифзи мероси таърихию фарҳангӣ ҷамъомад доир шуд
