Дар маҳаллаи «Тоҷикон»-и шаҳри Исфара Маркази ҳамкории милитсия бо ҷомеа мавриди баҳрабардорӣ қарор гирифт
ДУШАНБЕ, 05.07.2021. /АМИТ «Ховар»/. Дар маҳаллаи «Тоҷикон»-и Ҷамоати деҳоти Ворухи шаҳри Исфара Маркази ҳамкории милитсия бо ҷомеа ба фаъолият оғоз намуд. Бинои маркази мазкур аз ду утоқи барҳавои хизматӣ барои нозирони минтақавии милитсия, ҳуҷраи кории аъзоёни Шӯрои ҷамъиятӣ оид ба мусоидати ҷомеаи шаҳрвандӣ дар таъмини тартиботи ҷамъиятӣ, ошхона ва ҳуҷраи шустушӯ иборат буда, бо таҷҳизоти компютерӣ, асбобу аёниятҳои барои дафтари корӣ пешбинишуда таъмин мебошад.
Тавре аз Вазорати корҳои дохилии мамлакат ба АМИТ «Ховар» хабар доданд, дар маросими ба истифодадиҳии маркази мазкур сардори Раёсати ВКД дар вилояти Суғд, генерал-майори милитсия Абдулло Навҷувонов, Ҳамоҳангсози миллӣ оид ба ислоҳоти милитсия ВКД полковники милитсия Валихон, Раиси шаҳри Исфара Баҳоваддин Баҳодурзода, сардори ШВКД-2 дар шаҳри Исфара, полковники милитсия Фирдавс Шомадзода ва аъзоёни Шӯрои ҷамъиятӣ оид ба мусоидати ҷомеаи шаҳрвандӣ дар таъмини тартиботи ҷамъиятии назди ШВКД-2 шаҳри Исфара иштирок намуданд.
Зимни ҷамъомад намояндагони мақомот таъкид намуданд, ки ба истифодадиҳии ин иншооти хизматӣ имкон медиҳад, ки ҳар як шаҳрванд дар ҳамкорӣ бо кормандони милитсия дар татбиқи сиёсати давлатӣ, амалисозии низому тартибот ва пешгирию мубориза бар зидди ҷинояткорӣ дар маҳалли зисти худ фаъолона ширкат варзад.
Маркази ҳамкории милитсия бо ҷомеа дар ҷамоати деҳоти Ворухи шаҳри Исфара дар доираи «Барномаи ислоҳоти милитсияи Тоҷикистон” бунёд гардида, самти фаъолияти он бо иштироки ҷомеаи шаҳрвандӣ таъмини бехатарии ҷомеа, ҳифзи тартиботи ҷамъиятӣ, бартарафнамоии мушкилоти аҳолӣ ва муҳимтар аз ҳама устуворсозии боварии халқ нисбат ба фаъолияти мақомот ва дар ин замина қавитар сохтани робитаи ҳамкорӣ байни онҳо мебошад. Бо ҳамин мақсад аз ҳисоби фаъолони маҳал ва намояндагони соҳаҳои гуногуни хоҷагии халқ гурӯҳҳои корӣ созмон дода шуда, ҷиҳати корбарӣ ба минтақаҳо сафарбар карда мешаванд. Гузаронидани пурсишҳои сотсиологӣ, ташкили вохӯрию мулоқотҳо, семинар-машваратҳои корӣ барои муайян ва бартарафсозии муаммоҳои ҷойдошта вобаста ба самтҳои фаъолияти мақомоти корҳои дохилӣ, ҷалби шаҳрвандон ба ҳамкорӣ ва ташкили чорабиниҳои тарбиявию ҳуқуқӣ маҳаки асосии фаъолияти Марказ мебошад.
Аксҳо аз ВКД
Дар Душанбе масъалаи густариши ҳамкории судӣ байни Тоҷикистон ва Арабистони Саудӣ баррасӣ гардид
Барои пешгирии заҳролудшавӣ аз дуди ангишт қоидаҳои муҳими истифодаи онро бояд риоя намуд
Доктор Ҳала бинти Мазид Ат-Тувайҷирӣ: «Дар «Стратегияи дурнамои рушди Арабистони Саудӣ то соли 2030» ҳифзи ҳуқуқи инсон ҷойгоҳи хос дорад»
Тавсеи ҳамкорӣ байни мақомоти Ваколатдор оид ба ҳуқуқи инсон дар Ҷумҳурии Тоҷикистон ва Кумитаи ҳуқуқи инсони Шоҳигарии Арабистони Саудӣ баррасӣ гардид
Ҳокимияти судӣ дар Тоҷикистон такягоҳи адолат ва пояи устувори қонун аст
Пешвои миллат: «Фалсафаи ҷашни Меҳргон инсонҳоро ба адолатхоҳӣ, баробарӣ ва меҳрубонӣ ҳидоят мекунад»
Дар Душанбе Форуми ёздаҳуми миллӣ оид ба волоияти қонун доир мешавад
Вазири меҳнат, муҳоҷират ва шуғли аҳолии Тоҷикистон дар Давҳа бо роҳбари ширкати қатарии «Jusour» мулоқот намуд
Дар Маркази ҷумҳуриявии илмии ҷарроҳии дилу рагҳо шуъбаи ҷарроҳии бариатрикӣ ва герниологӣ пас аз таъмиру азнавсозӣ ба истифода дода шуд
Ҳамкории Тоҷикистону Қатар дар самти меҳнат ва шуғли аҳолӣ тақвият меёбад
Намояндаи Тоҷикистон дар Конфронси шашуми вазирони меҳнати кишварҳои аъзои СҲИ иштирок намуд
КУМАКҲОИ УНВОНИИ ИҶТИМОӢ. Ба қишри осебпазири Тоҷикистон беш аз 917 миллион сомонӣ кумак расонида шуд
