Имсол дар ноҳияи Бобоҷон Ғафуров 9 корхонаи саноатӣ бо таъсиси 120 ҷойи кор фаъол гардиданд

Июль 15, 2021 13:54

ХУҶАНД, 15.07.2021. /АМИТ «Ховар»/. Дар шашмоҳаи аввали соли 2021 беш аз сад корхонаи саноатии ноҳияи Бобоҷон Ғафуров ба маблағи 13,9 млн. сомонӣ маҳсулоти саноатӣ истеҳсол намуданд, ки нисбат ба ҳамин давраи соли гузашта қариб 4  млн.сомонӣ зиёд буда, суръати афзоиш бо нархҳои муқоисавӣ 139,2 фоизро ташкил дод. Инчунин дар ҳамаи шаклҳои хоҷагидории ноҳия дар ин давра дар ҳаҷми 540,6 млн сомонӣ маҳсулоти кишоварзӣ истеҳсол гардид.

Дар ин бора ва паҳлуҳои дигари нишондиҳандаҳои соҳаи иҷтимоиву иқтисодӣ раиси ноҳияи Бобоҷон Ғафурови вилояти Суғд  Зафарбек Давлатзода  14 июл зимни нишасти матбуотӣ  маълумот дод.

Бино ба иттилои хабарнигори АМИТ «Ховар» Абдуаҳад Шарифзода, зимни нишаст гуфта шуд, ки имсол дар ноҳия бунёди 12 коргоҳи нави истеҳсолӣ дар назар гирифта шуда, давоми нимсолаи аввал аз ин теъдод 9 корхона мавриди баҳрабардорӣ қарор гирифтанд. Дар натиҷа 120 нафар сокинон бо ҷои нави корӣ таъмин шуданд.

Дар ин замина, қисми даромади буҷети давлатӣ дар нимсолаи якум 102,9 фоиз ва буҷети маҳаллӣ 104,9 фоиз иҷро гардидааст.

Ҳамзамон раиси ноҳия вобаста ба омодагиҳо ба таҷлили 30 — солагии Истиқлоли давлатӣ баён дошт, ки то имрӯз дар ноҳия баҳри сазовор таҷлил гирифтани ин санаи хотирмон аз 1437 банди пешбининамудаи нақшаи чорабиниҳо 1376 банди он иҷро гардидаааст, ки ба 95% баробар аст.

Июль 15, 2021 13:54

Хабарҳои дигари ин бахш

Тӯли шаш моҳ неруи барқ нисбат ба соли 2020 камтар истеҳсол шудааст
Бонки миллии Тоҷикистон дархости «Тоҷиксармоягузор»-ро қонеъ накард
Вазири молияи Ҷумҳурии Тоҷикистон бо Вазири молия ва иқтисоди Туркманистон мулоқот намуд
Дар Душанбе Ҳисоботи арзёбии Барномаи қолабии СММ ҷиҳати кумак барои рушди Тоҷикистон муаррифӣ шуд
Тоҷикистон дар миқёси ИДМ зинаи баландтаринро касб намуд
Икром Субҳонзода: «Вақте парвозҳои муназзам барқарор мешаванд, нархи ҳавопаймоҳо метавонад коҳиш ёбад»
Сулаймон Султонзода: 500 тафтишу санҷиш 235,8 млн сомонӣ зарари молиявиро ошкор намуд
Дар Душанбе ҷаласаи дуюми роҳбарони вазорату идораҳои ҳифзи муҳити зисти кишварҳои узви СҲШ оғоз гардид
Миёни МОИ «Кӯлоб» ва «Тирмиз» санади ҳамкорӣ ба имзо расонида шуд
Фурудгоҳҳои байналмилалии Тоҷикистон имсол ба зиёда аз ним миллион мусофир хизмат расонидаанд
ПЕШИ РОҲИ ГАРМШАВИИ ҲАВОРО БОЯД ГИРИФТ! Кишварҳои Осиёи Марказӣ дар Душанбе масоили тағйирёбии иқлимро баррасӣ намуданд
Кӯлоб: Барои риоя накардани қоидаҳои савдо 352 нафар соҳибкорон ҷарима шуданд

Маводҳои таҳлилӣ