СУТ бо ду вояи як ваксинаи зидди коронавирус эм карданро тавсия медиҳад
ДУШАНБЕ, 01.07.2021/АМИТ «Ховар»/. Сардори раёсати эмкунии Созмони умумиҷаҳонии тандурустӣ (СУТ) бо ду вояи як ваксинаи зидди коронавирус эм карданро тавсия медиҳад, чунки пайомади истифодаи ваксинаҳои гуногун ҳанӯз омӯхта нашудааст. Таре АМИТ «Ховар» иттилоъ медиҳад, дар ин бора дирӯз, 30 июн дар ҷараёни як сеанси саволу ҷавоб аз тариқи Twitter раҳбари раёсати эмгузаронии СУТ Кейт О’Брайен изҳор доштааст.
Вай хабар додааст, ки танҳо дар хусуси имкони эмкунии «омехта» дар ҳолати истифодаи вояи ваксинаи ширкати амрикоии Pfizer пас аз ваксинаи аввал аз ширкати бритониёӣ ва шведии AstraZeneca маълумот вуҷуд дорад. «Мо дар ин бора тавсияи иҷозавӣ дорем», — тавзеҳ дод О’Брайен.
«Вале, ба ғайр аз ин ҳолат, мо то ҳол маълумоти дигар дар хусуси ин ки оё вокуниши эминият дар сурати ҷадвали омехтаи эмгузаронӣ боқӣ хоҳад монд, инчунин истифодаи он оё бехатар хоҳад буд, дар даст надорем», — зикр кард вай. «Таҳқиқот идома дорад ва мо интизор дорем, ки дар моҳҳои наздик дар ин бора маълумот хоҳем гирифт», — афзуд сардори раёсати СУТ. «Ҳоло бошад, мо чун пештара тавсия медиҳем, ки дар мавридҳое, ки истифодаи ду воя зарур бошад, барои эмгузаронӣ бояд ду вояи як ваксина истифода шаванд «, — таъкид кард ӯ.
Дар посух ба савол дар бораи давомнокии муҳофизат аз коронавирус ҳангоми эмгузаронӣ, О’Брайен ҷавоби мустақим надод ва гуфт, ки «таҳқиқот дар ин самт идома дорад». Вай хотиррасон кард, ки ваксинаҳои зидди COVID-19 ҳамагӣ «қариб як сол пеш» таҳия шудаанд, аз ин рӯ «барои назорат кардан вақт лозим аст» ва дар қатори чизҳои дигар, бояд муайян карда шавад, ки подтанҳо дар вуҷуди одамон то кадом муддат ҳифз мешаванд.
ДАР Акс: Вазорати тандурустӣ ва ҳифзи иҷтимоии аҳолии Тоҷикистон
Вайрон намудани қоида ва меъёрҳои истифодаи қувваи барқ ҷиноят аст
Эмомалӣ Раҳмон: «Масъалаи талафоти неруи барқ ва истифодаи ғайриқонунии он дар ҷумҳурӣ ташвишовар аст»
Дар маҷаллаи «The Diplomatic Insight» мақолаи олимони тоҷик таҳти унвони «Эмомалӣ Раҳмон – Пешвои дипломатияи байналмилалӣ» ба нашр расид
Сарвазири Тоҷикистон бо рафти корҳои бартарафсозии оқибатҳои офати табиӣ дар ноҳияи Тоҷикобод шинос шуд
Президенти Тоҷикистон Эмомалӣ Раҳмон: «Пиряхҳои мо танҳо манбаи об барои минтақа набуда, дар ҳифзи иқлими минтақа низ нақши муҳим мебозанд»
Пиряхҳои Тоҷикистон боигарии бебаҳои табиӣ ва сарчашмаҳои муҳими оби тоза дар Осиёи Марказӣ мебошанд
ҶОИЗАИ «ШАҲРИ СУЛҲ». Онро Душанбе барои саҳми беандоза дар таҳкими сулҳ ва арзишҳои башарӣ бо қарори ЮНЕСКО соҳиб гардид
МАСЪУЛИЯТИ ШАҲРВАНДӢ. Барои ғайриқонунӣ истифода бурдани неруи барқ ҷавобгарии ҷиноятӣ муқаррар гардид
Президенти Комиссияи Иттиҳоди Аврупо Урсула фон дер Ляйен аз иқтидори бузурги Неругоҳи азими барқи обии «Роғун»-и Тоҷикистон ёдовар шуд
Президенти Тоҷикистон тавсеаи ҳамкории давлатҳои Осиёи Марказиро бо Иттиҳоди Аврупо дар соҳаи энергетикаи «сабз» аз самтҳои ояндадор номиданд
Эмомалӣ Раҳмон: «Пиряхҳои Тоҷикистон танҳо манбаи об барои минтақа набуда, дар нигоҳдории иқлими минтақа низ нақши муҳим мебозанд»
