Дар Душанбе ҳамкорӣ дар самти омодасозии кормандони Кумитаи ҳолатҳои фавқулода ва мудофиаи гражданӣ баррасӣ шуд
ДУШАНБЕ, 18.08.2021 /АМИТ «Ховар»/. 17 август дар Душанбе масъалаҳои ҳамкорӣ дар самти омодасозӣ ва бозомӯзии кормандони Кумитаи ҳолатҳои фавқулода ва мудофиаи гражданӣ, беҳтар намудани пойгоҳи моддӣ-техникии КҲФ баъди ба эътидол омадани вазъи эпидемиологӣ зимни мулоқоти раиси Кумита, генерал-лейтенант Рустам Назарзода бо Сафири Фавқулода ва Мухтори Туркия дар Ҷумҳурии Тоҷикистон Эмре Зеки Карагёл баррасӣ гардиданд. Дар ин бора АМИТ «Ховар» бо истинод ба маркази матбуоти Кумитаи ҳолатҳои фавқулода ва мудофиаи гражданӣ хабар медиҳад.
Дар ҷараёни мулоқот раиси КҲФ ва МГ ба сафир дар бораи корҳои анҷомёфта дар рафъи пайомадҳои офатҳои табиии ахиран рухдода, ҳамчунин ҳамкории байналмилалӣ бо сохторҳои дахлдори кишварҳои хориҷӣ дар ин самт маълумот дод.
Дар вохӯрӣ ҷонибҳо самтҳои дигари имконпазири ҳамкорӣ ва пешниҳодҳо дар иртибот ба иқдомҳои ояндаро низ баррасӣ намуданд.
Ҳамзамон 17 август Раиси Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон, генерал-лейтенант Рустам Назарзода бо роҳбари Намояндаи Созмони байналмилалии Салиби Сурх дар Тоҷикистон хонум Ангелика Шопп мулоқот кард.
Дар мулоқот ҷонибҳо оид ба робитаҳо ва ҳамкории мавҷуда миёни Кумита ва Салиби Сурхи Байналмилалӣ изҳори қаноатмандӣ карда, хеле муҳим будани истифодаи имконияти ҳамкориро дар оянда таъкид намуданд.
Раиси КҲФ ба хонум Шопп дар бораи офатҳои табиии ахиран дар кишвар рухдода, корҳои анҷомшуда дар рафъи пайомадҳои ин офатҳо, кумакҳо аз ҷониби Ҳукумати Ҷумҳурии Тоҷикистон ва шарикони байналмилалӣ маълумот дод.
Ҳамчунин масъалаҳои густариши ҳамкорӣ ва татбиқи минбаъдаи лоиҳаҳо, вокунишҳо ба офатҳо, вазъ дар марзи Тоҷикистон бо Афғонистон бар асари рӯйдодҳои охир, ҳамкорӣ дар мавриди огоҳонии аҳолӣ аз хатарҳо ва таҳдидҳо, ҳамчунин омода намудани мутахассисони наҷотдиҳандаю расонидани ёриҳои башарӣ мавриди суҳбат қарор гирифтанд.
Ҷонибҳо ба хулоса расиданд, ки механизмҳои мавҷудаи ҳамкорӣ миёни КҲФ ва Салиби Сурхи Байналмилалӣ ин имконро фароҳам хоҳанд овард, ки дар оянда низ барои муқовимат ба таҳдидҳои нави ҳолатҳои фавқулодаи табиӣ ва техногенӣ самаранок фаъолият намоянд.
АКСҲО: КҲФ ва МГ ҶТ
Дар Тоҷикистон ҳавои рӯзи аввали моҳи март бебориш пешгӯӣ мешавад
ДИЛ БА ДАСТ ОВАР, КИ ҲАҶҶИ АКБАР АСТ! Анҷом додани амалҳои дорои садақаи ҷория савоби бамаротиб бештар дорад
«САҲМИ ЗАНОН ДАР РУШДИ ИЛМ». Дар Душанбе конференсияи байналмилалии илмӣ-амалӣ баргузор шуд
Касбомӯзӣ метавонад яке аз роҳҳои муассири пешгирии гаравиши наврасону ҷавонон ба гурӯҳҳои ифротгаро бошад
Табибони тоҷик боз як усули нави ҷарроҳиро амалӣ намуданд
Маърузаи навбатии Ваколатдор оид ба ҳуқуқи инсон ба Президенти Тоҷикистон пешниҳод гардид
Дар ноҳияи Шамсиддини Шоҳин ба муносибати таъсиси Қувваҳои Мусаллаҳи Тоҷикистон ҳамоиш доир шуд
Дар партави ҳидоятҳои Президенти Тоҷикистон ба оилаҳои ниёзманд дар шаҳри Душанбе кумак расонида шуд
Дар мақомоти Ваколатдор оид ба ҳуқуқи инсон бахшида ба Рӯзи Қувваҳои Мусаллаҳи Тоҷикистон конфронс доир шуд
Дар Агентии суғуртаи иҷтимоӣ ва нафақа Рӯзи Қувваҳои Мусаллаҳи Тоҷикистонро таҷлил намуданд
Бахшида ба таъсиси Қувваҳои Мусаллаҳи Тоҷикистон дар Кумита оид ба таҳсилоти ибтидоӣ ва миёнаи касбӣ ҳамоиши тантанавӣ баргузор шуд
Риояи қонуни танзими ҷашну маросим омили сарфакорӣ ва таҳкими маърифати ҳуқуқии шаҳрвандон мебошад
