Дар Хуҷанд сохтмони бинои нави прокуратураи вилоят дар арафаи анҷомёбист
ДУШАНБЕ, 21.08.2021 /АМИТ «Ховар»/. Раиси вилояти Суғд Раҷаббой Аҳмадзода ва Раиси шаҳри Хуҷанд Фирдавс Шарифзода зимни боздид аз шаҳри Хуҷанд бо ҷараёни корҳои сохтмонии бинои нави маъмурии прокуратураи вилояти Суғд, воқеъ дар микроноҳияи 34-уми маҳаллаи Навбаҳори шаҳри Хуҷанд шинос шуданд.
Дар ин бора АМИТ “Ховар” бо истинод ба Хадамоти матбуоти Раиси вилояти Суғд хабар медиҳад.
Иттилоъ дода шуд, ки бинои нави прокуратураи вилояти Суғд дар масоҳати 0,50 га бунёд гардида, аз як бинои маъмурии 7-ошёна ва як бинои 3-ошёнаи хизматрасонӣ иборат аст. Он бунёди беш аз 100 адад утоқҳои корӣ, маҷлисгоҳ барои 300 нафар, ошхона ва дигар инфрасохтори хизматрасониро пешбинӣ менамояд. Пудратчии иншоот ҶДММ «СМС» буда, дар майдони сохтмон беш аз 100 нафар бинокорон фаъолият намуда, ба ҳисоби миёна то 3000 сомонӣ маош мегиранд. Корҳои сохтмонӣ асосан ба анҷом расида, корҳои пардозӣ бо суръат идома доранд. Тарҳи бино муосир буда, яке аз иншооти хуштарҳи замонавӣ дар шаҳри Хуҷанд мешавад.
Раиси вилояти Суғд Раҷаббой Аҳмадзода гуфт, ки дар қаламрави вилоят бахшида ба 30-солагии Истиқлоли давлатии Ҷумҳурии Тоҷикистон беш аз 6500 иншооти таъйиноташон гуногун ба истифода дода мешаванд. Ин имкон медиҳад, ки барои мардум ҷойҳои нави корӣ ва шароити арзанда муҳайё гардад.
Ба масъулин ҷиҳати бартараф намудани иншооти ғайриқонунии ҳудуди бинои бунёдшаванда ва сабзазоркунии атрофи он дастуру супоришҳо дода шуд.
АКС аз Хадамоти матбуоти Раиси вилояти Суғд
35-СОЛАГИИ ИСТИҚЛОЛИЯТИ ДАВЛАТӢ. Дар шаҳри Хоруғ Маркази стоматологӣ кушода шуд
Дар Хуҷанд якчанд иншооти хизматрасонӣ ба истифода дода шуд
Сарвари давлат Эмомалӣ Раҳмон дар шаҳри Хуҷанд корхонаи «Сайри Суғд»-ро ифтитоҳ намуданд
Пешвои миллат Эмомалӣ Раҳмон дар шаҳри Хуҷанд Маркази нейро-кардию эндоҷарроҳии «Луқмони Ҳаким»-ро мавриди истифода қарор доданд
Дар деҳоти Исфисори ноҳияи Бобоҷон Ғафуров варзишгоҳи бузург бо 7000 ҷойи нишаст ба истифода дода шуд
Дар шаҳри Истаравшан Маркази саломатӣ ба истифода дода шуд
Президенти Тоҷикистон Эмомалӣ Раҳмон дар ноҳияи Бобоҷон Ғафуров Муассисаи давлатии мактаби махсуси варзишӣ оид ба футболро ифтитоҳ намуданд
Сарвари давлат Эмомалӣ Раҳмон дар ноҳияи Бобоҷон Ғафуров корхонаи истеҳсоли пойафзоли ҶДММ «Фароғатбону»-ро ба истифода доданд
Пешвои миллат Эмомалӣ Раҳмон дар ноҳияи Бобоҷон Ғафуров корхонаи парандапарварии ҶДММ «Назар»-ро ифтитоҳ намуданд
Президенти Тоҷикистон Эмомалӣ Раҳмон дар ноҳияи Бобоҷон Ғафуров ба фаъолияти корхонаи истеҳсоли пардаҳои полиэтилении ҶДММ «Технологияи полимерӣ» оғоз бахшиданд
Сарвари давлат Эмомалӣ Раҳмон дар шаҳри Бӯстон корхонаи истеҳсоли пойафзолро ифтитоҳ намуданд
Пешвои миллат Эмомалӣ Раҳмон дар шаҳри Бӯстон Маркази ташхису табобатии «Луқмони Ҳаким»-ро мавриди истифода қарор доданд
