Душанбе мизбони Фестивал ва Форуми сайёҳӣ мегардад
ДУШАНБЕ, 28.08.2021 /АМИТ «Ховар»/. Фестивали байналмилалии «Душанбе — пойтахти сайёҳии давлатҳои аъзои Созмони Ҳамкории Иқтисодӣ /СҲИ/ ва Форуми байналмилали и «Рушди агротуризм дар Тоҷикистон» 29 август дар Душанбе баргузор мегарданд, иттилоъ доданд ба АМИТ «Ховар» аз Кумитаи рушди сайёҳии назди Ҳукумати ҷумҳурӣ.
Зикр шуд, ки Фестивали байналмилалӣ ва Форум оид ба рушди агротуризм дар доираи эълон гардидани шаҳри Душанбе- пойтахти сайёҳии кишварҳои СҲИ барои солҳои 2020-2021 гузаронида шуда, ҳадафаш муаррифии имконияти сайёҳии Тоҷикистон, ҷалби сайёҳони хориҷӣ ва рушди соҳа мебошад.
Дар Фестивал ва Форуми байналмилалӣ дар радифи намояндагони вазорату идораҳои марбутаи Тоҷикистон инчунин меҳмонон аз кишварҳои аъзои СҲИ, созмонҳои байналмилалӣ ва корпуси дипломатии муқими Тоҷикистон иштирок менамоянд.
Дар ҳошияи баргузории Фестивали байналмилалии «Душанбе –пойтахти сайёҳии давлатҳои аъзои Созмони Ҳамкории Иқтисодӣ» /СҲИ/ ва Форуми байналмилалии «Рушди агротуризм дар Тоҷикистон» шоми 29 август дар «Боғи Ирам» имконияту зарфият ва дастовардҳои сайёҳии Тоҷикистон ба намоиш гузошта шуда, барномаи фарҳангӣ пешкаши меҳмонон ва иштирокдорон гардонида мешавад.
Дар доираи баргузории Фестивали байналмилалии «Душанбе –пойтахти сайёҳии давлатҳои аъзои Созмони Ҳамкории Иқтисодӣ» /СҲИ/ ва Форуми байналмилалии «Рушди агротуризм дар Тоҷикистон» меҳмонон ва иштирокдорон ба шаҳрҳои Ҳисор ва Турсунзода рафта, аз хоҷагиҳои деҳқонӣ ва ангурпарварии шаҳрҳои Ҳисору Турсунзода ҳамчун яке аз зарфиятҳои рушди агротуризм бозид менамоянд.
Акс аз бойгонии АМИТ «Ховар»
«Таҷлили Рӯзи Парчами давлатӣ барои баланд бардоштани ҳисси ватандӯстӣ ва бедор кардани эҳсоси ҳифзи марзу бум нақши муассир дорад», — бардошт аз ҳамоиш дар Кумитаи рушди сайёҳӣ
Донишгоҳи байналмилалии сайёҳӣ ва соҳибкории Тоҷикистон ва Донишгоҳи Чиндао Бинҳайи Чин Созишномаи ҳамкорӣ ба имзо расониданд
Дар Душанбе ҷаласаи даҳуми Шурои ҳамоҳангсози миллӣ оид ба рушди соҳаи сайёҳӣ баргузор гардид
Имконоти сайёҳии Ҷумҳурии Тоҷикистон ва Конфедератсияи Швейтсария муаррифӣ шуданд
ЭҲЁИ ҲУНАРҲОИ МАРДУМӢ. Бо Пешвои миллати фарҳангдӯст ва ҳунарпарварамон ифтихор дорем
Хатсайрҳои сайёҳӣ бо мақсади шиносоӣ бо таърихи фаъолият ва корномаи давлатсозии Эмомалӣ Раҳмон ҷамъбаст шуданд
Дар Исфара оид ба ташаббусҳои Президенти Тоҷикистон дар рушди сайёҳӣ ҳамоиш баргузор шуд
Дар Федератсияи варзиши сайёҳии Тоҷикистон ҷаласаи ҳисоботӣ – интихоботӣ доир гардид
РОҒУН-ШАҲРИ ПИСАНДИДАИ МЕҲМОНОН. Дар нуҳ моҳ беш аз 7 ҳазор сайёҳони хориҷӣ ва дохилӣ ба тамошои он омаданд
Бахшида ба Рӯзи Президенти Ҷумҳурии Тоҷикистон дар Душанбе хатсайрҳои сайёҳӣ ташкил гардиданд
Дар Кувайт зарфияти сайёҳии Тоҷикистон муаррифӣ гардид
Тоҷикистон ва Чин ҳамкориро дар самти сайёҳӣ тақвият мебахшанд
