ФУТБОЛ. Ғолибони бозиҳои даври шонздаҳуми Чемпионати Тоҷикистон миёни дастаҳои Лигаи олӣ муайян шуданд
ДУШАНБЕ, 23.08.2021 /АМИТ «Ховар»/. Дар бозии марказии даври шонздаҳуми Чемпионати Тоҷикистон оид ба футбол миёни дастаҳои Лигаи олӣ дастаи футболи «Истиқлол»-и шаҳри Душанбе бар дастаи «Истаравшан»-и шаҳри Истравшан пирӯз шуда, мавқеашро дар садри ҷадвали мусобиқа беҳтар намуд, хабар медиҳад шореҳи варзиши АМИТ «Ховар» Меҳрони Қурбон бо истинод ба Федератсияи футболи Тоҷикистон.
Бозии дастаҳо 21 август дар Варзишгоҳи марказии ҷумҳуриявии шаҳри Душанбе доир гардид. Голҳоро Ваҳдат Ҳанонов ва Алишер Ҷалилов ба нишон расониданд. Дастаи футболи «Хуҷанд»-и шаҳри Хуҷанд дар сафар аз дастаи КМВА бо ҳисоби 1:3 шикаст хӯрд. Шарафҷон Солеҳов аз пеналтӣ гол зада, КМВА-ро ба пеш баровард. Фатҳулло Фатҳуллоев дар дақиқаи 39 голи дуюми дастаи артишро зад. Дар нимаи дуюм хуҷандиҳо як гол ба дарвозаи худ ва як гол ба дарвозаи КМВА заданд.
Дастаи футболи «Хатлон»-и шаҳри Бохтар бо шарофати ду голи Комронҷон Исмоилов бар дастаи футболи «Душанбе»-и шаҳри Душанбе ғалаба кард. Дастаи «Файзканд»-и ноҳияи Восеъ низ дар сафар бар дастаи футболи «Кӯктош»-и ноҳияи Рӯдакӣ бо ҳисоби 2:0 пирӯз шуд. Голҳоро Ойбек Абдуғаффоров ва Артур Боугнон ба нишон расониданд.
Бозӣ миёни дастаҳои футболи «Равшан»-и шаҳри Кӯлоб ва «Эсхата»-и шаҳри Хуҷанд бидуни гол анҷом ёфт.
Бозиҳои даври ҳабдаҳуми Чемпионати Тоҷикистон оид ба футбол миёни дастаҳои Лигаи олӣ 24-25 август дар варзишгоҳҳои мамлакат баргузор мешаванд. 24 август дастаҳои футболи «Хуҷанд»-и шаҳри Хуҷанд бо «Хатлон»-и шаҳри Бохтар, «Файзканд»-и ноҳияи Восеъ бо «Равшан»-и шаҳри Кӯлоб, «Душанбе»-и шаҳри Душанбе бо «Истиқлол»-и шаҳри Душанбе, 25 август дастаҳои футболи «Эсхата»-и шаҳри Хуҷанд бо КМВА-и шаҳри Душанбе ва «Истаравшан»-и шаҳри Истравшан бо «Кӯктош»-и ноҳияи Рӯдакӣ бозӣ мекунанд.
| ҶОЙИ | ДАСТАҲО | Б | Ғ | М | Б | Т-Т | Х |
| 1 | «Истиқлол» (Душанбе) | 14 | 10 | 3 | 1 | 38-6 | 33 |
| 2 | «Хуҷанд» (Хуҷанд) | 15 | 9 | 2 | 4 | 30-17 | 29 |
| 3 | «Истаравшан» (Истаравшан) | 16 | 7 | 4 | 5 | 18-15 | 25 |
| 4 | «Эсхата» (Хуҷанд) | 16 | 7 | 3 | 6 | 25-28 | 24 |
| 5 | «Хатлон» (Бохтар) | 16 | 5 | 5 | 6 | 17-22 | 20 |
| 6 | «Равшан» (Кӯлоб) | 15 | 4 | 7 | 4 | 16-16 | 19 |
| 7 | КМВА (Душанбе) | 16 | 4 | 6 | 6 | 19-22 | 18 |
| 8 | «Файзканд» (Восеъ) | 16 | 4 | 4 | 8 | 13-23 | 16 |
| 9 | «Душанбе»(Душанбе) | 16 | 3 | 6 | 7 | 18-31 | 15 |
| 10 | «Кӯктош» (Рӯдакӣ) | 16 | 3 | 4 | 9 | 19-33 | 13 |
АКС аз ФФТ
Варзишгарони тоҷик дар Бозиҳои 6-уми ҳамбастагии исломӣ-2025 соҳиби ҳашт медал шуданд
ҶОМИ ОСИЁ ОИД БА ҶУДО БАЙНИ НАВРАСОН ВА ҶАВОНОН-2025. Варзишгарони тоҷик дар рӯзи якум 3 медали тилло ба даст оварданд
«ҶАВОНОН ВА ВАРЗИШГАРОН -САДОҚАТ БА ПЕШВОИ МИЛЛАТ ВА ПАРЧАМИ ДАВЛАТӢ». Бо чунин унвон «Дав барои хушҳолӣ» баргузор гардид
Дар ноҳияи Ёвон варзишгарони ҷавон барои дастовардҳои назаррас қадрдонӣ шуданд
Парчами давлатии Тоҷикистон давоми нуҳ моҳ ба шарафи варзишгарони тоҷик зиёда аз 320 маротиба баланд бардошта шуд
Душанбе мизбони мусобиқаҳои бонуфузи қитъавӣ – Ҷоми Осиё оид ба ҷудо байни наврасон ва ҷавонон-2025 мегардад
Дастаи мунтахаби Тоҷикистон дар бозии даври панҷуми марҳилаи интихобии Ҷоми Осиё-2027 дастаи Тимори Шарқиро мағлуб намуд
Дастаи наврасони Тоҷикистон (U-15) дар бозии санҷишӣ дастаи мунтахаби Русияро мағлуб кард
Горан Стеванович: «Мо ба шаҳри Дарвин барои ба даст овардани се имтиёз омадаем»
Варзишгари тоҷик Шаҳром Маҳмуродов дар Чемпионати ҷаҳон оид ба ҷиу-ҷитсу соҳиби медали тилло гардид
Донишҷӯи тоҷик дар мусобиқаи варзишӣ дар Донишгоҳи Кувайт сазовори ҷойи якум гардид
ҶОМИ ОСИЁ-2027. Дастаи мунтахаби Тоҷикистон дар бозӣ бо Тимори Шарқӣ бо либосҳои сафед ба майдон мебарояд
