Пагоҳ бозиҳои даври шонздаҳуми Чемпионати Тоҷикистон оид ба футбол миёни дастаҳои Лигаи олӣ оғоз мешаванд
ДУШАНБЕ, 19.08.2021 /АМИТ «Ховар»/. Бозиҳои даври шонздаҳуми Чемпионати Тоҷикистон оид ба футбол миёни дастаҳои Лигаи олӣ 20-21 август баргузор мешаванд. Дар ин бора шореҳи варзиши АМИТ «Ховар» Меҳрони Қурбон бо истинод ба Федератсияи футболи Тоҷикистон иттилоъ медиҳад.
Дар ин давр дастаҳои футболи КМВА-и шаҳри Душанбе бо «Хуҷанд»-и шаҳри Хуҷанд, «Хатлон»-и шаҳри Душанбе бо «Душанбе»-и шаҳри Душанбе, «Кӯктош»-и ноҳияи Рӯдакӣ бо «Файзканд»-и ноҳияи Восеъ, «Равшан»-и шаҳри Кӯлоб бо «Эсхата»-и шаҳри Хуҷанд ва «Истиқлол-и шаҳри Душанбе бо «Истаравшан»-и шаҳри Истаравшан вомехӯранд.
14-15 август бозиҳои даври 15-уми Чемпионати Тоҷикистон оид ба футбол миёни дастаҳои Лигаи олӣ доир гардида буданд. Дар ин давр дастаи футболи «Файзканд»-и ноҳияи Восеъ дар майдони худ аз дастаи «Истаравшан»-и шаҳри Истаравшан бо ҳисоби 1:2 пирӯз шуд. Голҳои дастаи ғолибро Илҳом Баротов ва Ҷаҳонгир Сафаров, голи дастаи футболи «Файзканд»-и ноҳияи Восеъро Абдухалил Боронов ба нишон расониданд.
Ду бозӣ миёни дастаҳои футболи «Хуҷанд»-и шаҳри Хуҷанд бо «Равшан»-и шаҳри Кӯлоб ва «Душанбе»-и шаҳри Душанбе бо КМВА-и шаҳри Душанбе бо ҳисоби мусовӣ 0:0 анҷом ёфт. Дастаи футболи «Эсхата»-и шаҳри Хуҷанд дар майдони худ дастаи «Кӯктош»-и ноҳияи Рӯдакиро бо ҳисоби 3:1 шикаст дод. Бозингари дастаи меҳмон Азизбек Султонов дар дақиқаи 7 аз пеналтӣ ҳисобро кушод. Ба ин гол дастаи мизбон тавассути зарбаҳои нишонраси Ҷаҳонгир Эргашев, Мубинҷон Муъминов ва Аҳрор Иноятов бо се гол ҷавоб доданд. Дар бозии дигар дастаи футболи «Истиқлол»-и шаҳри Душанбе ба дарвозаи дастаи «Хатлон»-и шаҳри Бохтар шаш голи беҷавоб зад. Рустам Соиров ду гол, Аҳтам Назаров, Манучеҳр Ҷалилов, Ваҳдат Ханонов, Шервонӣ Мабатшоев якголӣ заданд.
Ҳамин тариқ, пас аз натиҷагирии понздаҳ даври Чемпионати Тоҷикистон дастаи футболи «Хуҷанд»-и шаҳри Хуҷанд бо 29 хол дар садри ҷадвал қарор дорад. Дастаи футболи «Истиқлол»-и шаҳри Душанбе, ки нисбат ба дастаи «Хуҷанд»-и шаҳри Хуҷанд ду бозӣ камтар анҷом додааст, бо 27 хол дар ҷои дуюм аст. Дастаи «Истаравшан»-и шаҳри Истаравшан бо 25 хол дар ҷои сеюм мавқеъ дорад.
| ДАСТАҲО | Б | Ғ | М | Б | Т-Т | Х | |
| 1 | «Хуҷанд» (Хуҷанд) | 14 | 9 | 2 | 3 | 29-14 | 29 |
| 2 | «Истиқлол» (Душанбе) | 12 | 8 | 3 | 1 | 32-6 | 27 |
| 3 | «Истаравшан» (Истаравшан) | 15 | 7 | 4 | 4 | 18-13 | 25 |
| 4 | «Эсхата»(Хуҷанд) | 15 | 7 | 2 | 6 | 25-28 | 23 |
| 5 | «Равшан»(Кӯлоб) | 14 | 4 | 6 | 4 | 16-16 | 18 |
| 6 | «Хатлон» (Бохтар) | 15 | 4 | 5 | 6 | 15-22 | 17 |
| 7 | КМВА (Душанбе) | 15 | 3 | 6 | 6 | 16-21 | 15 |
| 8 | «Душанбе»(Душанбе) | 15 | 3 | 6 | 6 | 18-29 | 15 |
| 9 | «Файзканд»(Восеъ) | 14 | 3 | 4 | 7 | 11-19 | 13 |
| 10 | «Кӯктош» (Рӯдакӣ) | 15 | 3 | 4 | 8 | 19-31 | 13 |
Бахшида ба Рӯзи ҷаҳонии футбол дар ноҳияи Абдураҳмони Ҷомӣ мусобиқаи футбол баргузор гардид
Сарвари давлат: «Футбол дар Тоҷикистон рамзи ваҳдат ва ифтихори миллӣ мебошад»
Президенти Тоҷикистон: «Барномаҳои давлатии рушди футбол барои оммавӣ гардонидани ин намуди варзиш ва инфрасохтор заминаи мусоид мебошанд»
ИДИ ҲАҚИҚИИ ФУТБОЛ! Рӯзи ҷаҳонии футбол дар Душанбе бо шукӯҳу шаҳомат таҷлил шуд
Рушди варзиш ва инфрасохтори муосир муҳимтарин самт дар сиёсати Ҳукумати Тоҷикистон мебошад
Эмомалӣ Раҳмон: «Рӯзи ҷаҳонии футбол боз як нишонаи нақши фаъол ва обрӯи афзояндаи Тоҷикистон дар арсаи ҷаҳонӣ мебошад»
ИМРӮЗ — РӮЗИ ҶАҲОНИИ ФУТБОЛ. Ташаббуси Президенти Федератсияи футболи Тоҷикистон Рустами Эмомалӣ миллиардҳо нафарро дар саросари дунё муттаҳид менамояд
Дар шаҳри Душанбе Фестивали футбол ва шоми ҷавонӣ баргузор гардид
РӮЗИ ҶАҲОНИИ ФУТБОЛ. Пагоҳ дар Душанбе Фестивали футбол барои кӯдакон баргузор мегардад
РУШДИ ФУТБОЛИ МИЛЛӢ. Барои расидан ба ин ҳадаф тадбирҳои муҳим андешида мешаванд
Мусобиқаи ҷумҳуриявии футболи хурд барои дарёфти «Ҷоми Ҳизби Халқии Демократии Тоҷикистон» баргузор шуд
Дар Хатлон ба муносибати Рӯзи ҷаҳонии футбол фестивали бозиҳои варзишӣ доир шуд
