Понздаҳ муштзани ҷавони тоҷик пас аз ғалаба бар ҳарифонашон ба нимфинали Чемпионати Осиё роҳ ёфтанд
ДУШАНБЕ, 24.08.2021 /АМИТ «Ховар»/. Давоми 4 рӯзи оғози Чемпионати Осиё оид ба бокс миёни наврасон ва ҷавонон дар шаҳри Дубайи Аморати Муттаҳидаи Арабӣ муҳорибаҳои даврҳои муқаддамотӣ ва чорякфинал баргузор шуданд, ки дар натиҷа 15 муштзани ҷавони мо ба нимфинал роҳ ёфтанд, хабар медиҳад шореҳи варзиши АМИТ «Ховар» Меҳрони Қурбон бо такя ба Федератсияи бокси Тоҷикистон.
Тавре қаблан хабар додем, дастаи мунтахаби наврасону ҷавонони Тоҷикистон оид ба бокс дар ҳайати 21 нафар ба Дубай сафарбар гардидааст. Миёни наврасон Анушервон Фозилов (-46кг), Руслан Ғафуров (-50кг), Бузургмеҳр Иксанов (-52кг), Шаҳбоз Додоҷонов (-57кг), Муҳаммад Ҷабборов (-63кг), Юсуф Фозилов (-70кг), Нурланбек Эрматов (-75кг), Акмалҷон Абдувалиев (-80кг), Бибиҷон Музаффарова (-54кг); миёни ҷавонон Акбаралӣ Абдураҳмонзода (-51кг), Искандарбек Рустамов (-54кг), Абубакр Муродов (-57кг), Абдураҳим Ёқубов (-60кг), Сироҷиддин Ҳоҷибоев (-67кг) ва Дурандеш Зубайдов (-80кг) дар нимфинал муҳорибаро идома медиҳанд. Муҳорибаҳо аз рӯи 51 категорияи вазнӣ (писарону духтарон) сурат гирифта, то 30 август идома меёбанд.
Тибқи иттилои Ассотсиатсияи бокси Осиё, бори аввал аст, ки чемпионат миёни наврасон ва ҷавонон дар як вақт ва дар як ҷой баргузор мешавад. Дар он 268 варзишгари соли таваллудашон 2003-2004 миёни ҷавонон ва 2005-2006 миёни наврасон аз 18 давлати қора иштирок доранд.
Хотиррасон мешавем, ки бори аввал дар Чемпионати Осиё миёни ҷавонон ва наврасон дар баробари медал ҷоизапулӣ низ тақдим мегардад. Варзишгароне, ки миёни ҷавонон медали тилло ба даст меоранд, ҳамчунин 6000 доллари ИМА ҷоизапулӣ хоҳанд гирифт. Барои медали нуқра 3000 доллар ва барои медали биринҷӣ 1500 доллари ИМА пешбинӣ шудааст.
Ҷоизадорон миёни наврасон мутаносибан бо 4000 доллари ИМА, 2000 доллар ва 1000 доллар сарфароз мегарданд.
АКС аз КМО Тоҷикистон
Бахшида ба Рӯзи ҷаҳонии футбол дар ноҳияи Абдураҳмони Ҷомӣ мусобиқаи футбол баргузор гардид
Сарвари давлат: «Футбол дар Тоҷикистон рамзи ваҳдат ва ифтихори миллӣ мебошад»
Президенти Тоҷикистон: «Барномаҳои давлатии рушди футбол барои оммавӣ гардонидани ин намуди варзиш ва инфрасохтор заминаи мусоид мебошанд»
ИДИ ҲАҚИҚИИ ФУТБОЛ! Рӯзи ҷаҳонии футбол дар Душанбе бо шукӯҳу шаҳомат таҷлил шуд
Рушди варзиш ва инфрасохтори муосир муҳимтарин самт дар сиёсати Ҳукумати Тоҷикистон мебошад
Эмомалӣ Раҳмон: «Рӯзи ҷаҳонии футбол боз як нишонаи нақши фаъол ва обрӯи афзояндаи Тоҷикистон дар арсаи ҷаҳонӣ мебошад»
ИМРӮЗ — РӮЗИ ҶАҲОНИИ ФУТБОЛ. Ташаббуси Президенти Федератсияи футболи Тоҷикистон Рустами Эмомалӣ миллиардҳо нафарро дар саросари дунё муттаҳид менамояд
Дар шаҳри Душанбе Фестивали футбол ва шоми ҷавонӣ баргузор гардид
РӮЗИ ҶАҲОНИИ ФУТБОЛ. Пагоҳ дар Душанбе Фестивали футбол барои кӯдакон баргузор мегардад
РУШДИ ФУТБОЛИ МИЛЛӢ. Барои расидан ба ин ҳадаф тадбирҳои муҳим андешида мешаванд
Мусобиқаи ҷумҳуриявии футболи хурд барои дарёфти «Ҷоми Ҳизби Халқии Демократии Тоҷикистон» баргузор шуд
Дар Хатлон ба муносибати Рӯзи ҷаҳонии футбол фестивали бозиҳои варзишӣ доир шуд
