Станислав Зас: СААД ба Афғонистон неру намефиристад
ДУШАНБЕ, 30.08.2021 /АМИТ «Ховар»/. Дабири кулли Созмони Аҳдномаи амнияти дастҷамъӣ /СААД/ Станислав Зас ба шабакаи телевизионии СТВ-и Беларус гуфтааст, ки Созмони Аҳдномаи амнияти дастҷамъӣ нияти ба Афғонистон фиристодани неруро надорад.
«Оё Афғонистон қапқон нахоҳад шуд, оё дубора ба он ҷо фиристодани низомиён лозим намешавад? Албатта не. Инҳо тарсҳои комилан беасосанд».
Котиби генералӣ афзуд, ки СААД созмони сиёсӣ-низомӣ ва дифоӣ мебошад.
«Дар шартномаи амнияти дастҷамъӣ, оиннома истифодаи қувваҳои дифоии дастҷамъиро танҳо дар доираи минтақаи масъулияти СААД, яъне дар ҳудуди кишварҳои мо пешбинӣ мекунад», — ёдовар шуд Зас. Вай ба натиҷаҳои нишасти охири СААД оид ба Афғонистон дахл намуда, гуфт, ки ин созмон маҷмӯи тадбирҳоеро барои коҳиши таҳдидҳои эҳтимолӣ, аз ҷумла мубориза бо қочоқи маводи мухаддир, терроризм ва муҳоҷирати ғайриқонунӣ таҳия кардааст.
«Вазъият дар он ҷо тағйир меёбад ва инро бояд дар фаъолияти мо бодиққат омӯхт ва ба назар гирифт, аз ҷумла дар самти мубориза бо ин таҳдидҳо, ки аз байн нарафтаанд ва қисман баръакс — амалӣ шудаанд», — хулоса кард Дабири кулли СААД.
Ёдовар мешавем, ки соли 2021 раёсати СААДро Ҷумҳурии Тоҷикистон ба уҳда дорад. Ҷаласаи навбатии Шӯрои амнияти дастҷамъии Созмони Аҳдномаи амнияти дастҷамъӣ (СААД) 16 сентябр дар шаҳри Душанбе таҳти роҳбарии Раиси СААД, Президенти Тоҷикистон Эмомалӣ Раҳмон баргузор мешавад.
АКС: BelaPAN /Сергей Балай
Тоҷикистон ва Узбекистон ҳамкории амниятиро барои муқовимат ба таҳдидҳо тақвият мебахшанд
Дар Палатаи ҳисоб оид ба экстремизму терроризм ва роҳҳои пешгирии он машғулияти омӯзишӣ баргузор шуд
Ҳайати Тоҷикистон дар Форуми Осиё ва Уқёнуси Ором дар Филиппин иштирок намуд
Дар Кӯлоб ҷаласаи Шурои ҳамоҳангсозии фаъолияти мақомоти ҳифзи ҳуқуқ баргузор гардид
ҲАР АМАЛИ НОДУРУСТ ҶАВОБГАРӢ ДАР ПАЙ ДОРАД! Дар Душанбе паҳнкунандагони доруи психотропии «Прегабалин» дастгир шуданд
Ҳайати Тоҷикистон дар Вена дар конфронси Созмони Милали Муттаҳид оид ба мубориза бо қаллобӣ иштирок дорад
Дар Вена ҳамкории Тоҷикистон ва Британияи Кабир дар соҳаи ҳифзи ҳуқуқ баррасӣ гардид
14 МАРТ — РӮЗИ КОРМАНДОНИ МАҚОМОТИ ПРОКУРАТУРА. Бо назардошти вазъи геополитикии ҷаҳон дар назди кормандони он масъулияти баланд меистад
Агентии назорати маводи нашъаовари Тоҷикистон ва Раёсати СММ оид ба маводи нашъаовар ва ҷинояткорӣ ҳамкориро тақвият медиҳанд
Ҷаласаи навбатии Комиссияи даъвати ҷумҳуриявӣ оид ба омодагӣ ба даъвати баҳории соли 2026 ба хизмати ҳарбӣ доир гардид
Нозирони мизҳои ҳарбӣ дар шаҳри Бохтар ба машғулияти такмили ихтисос фаро гирифта шуданд
Дар Хатлон ҳамкории милитсия, омӯзгорон ва волидайн дар самти пешгирии ҷинояткорӣ байни ноболиғон тақвият меёбад
