Дар Душанбе бозиҳои интихобии Ҷоми Осиё-2022 оид ба футбол миёни дастаҳои мунтахаби занона оғоз шуданд

Сентябрь 24, 2021 13:47

ДУШАНБЕ, 24.09.2021 /АМИТ «Ховар»/. Шоми дирӯз дар шаҳри Душанбе мусобиқаи интихобии Ҷоми Осиё-2022 оид ба футбол миёни дастаҳои мунтахаби занона дар гурӯҳи «В» оғоз ёфт. Дар даври аввали мусобиқот дастаҳои мунтахаби  занонаи  Ветнам бо Малдив рақобат намуданд. Ин вохӯрӣ дар Варзишгоҳи марказии шаҳри Душанбе баргузор шуда, бо ҳисоби калони  16:0 ба фоидаи дастаи мунтахаби  Ветнам хотима ёфт, хабар медиҳад шореҳи варзиши АМИТ «Ховар» Меҳрони Қурбон бо истинод ба Федератсияи футболи Тоҷикистон.

26  сентябр дар ин гурӯҳ  дастаи мунтахаби занонаи Тоҷикистон бозии якуми худро бо дастаи мунтахаби занонаи  Малдив доир мекунад. Бозӣ дар Варзишгоҳи марказии шаҳри   Душанбе соати 18:00 оғоз мешавад. Мавриди зикр аст, ки   24 ва 27  сентябр рақобатҳо дар доираи ин мусобиқот дар гурӯҳи «С», ки ба он дастаҳои мунтахаби занонаи Сингапур ва Индонезия шомиланд, баргузор мешаванд.

Мусобиқаи интихобии Ҷоми Осиё-2022 байни дастаҳои мунтахаби занона:

Гурӯҳи «В»

Даври 1-ум

Малдив – Ветнам – 0:16

Даври 2-юм

26 сентябр (якшанбе)

Оғози бозӣ 18:00

Тоҷикистон – Малдив

Даври 3-юм

29 сентябр (чоршанбе)

Оғози бозӣ соати 18:00

Ветнам – Тоҷикистон

Гурӯҳи «С»: Сингапур, Индонезия.

Даври 1-ум

24 сентябр (ҷумъа)

Оғози бозӣ соати 18:00

Сингапур – Индонезия

Даври 2-юм

27 сентябр (душанбе)

Оғози соати 18:00

Индонезия – Сингапур

Хотиррасон  мешавем, ки  ҳамаи бозиҳо дар Варзишгоҳи марказии ҷумҳуриявии шаҳри Душанбе   соати 18:00 оғоз мешаванд.

 АКС аз Федератсияи футболи Тоҷикистон

Сентябрь 24, 2021 13:47

Хабарҳои дигари ин бахш

«CAFA NATIONS CUP 2025». Дастаи мунтахаби Тоҷикистон бо дастаи Афғонистон бозӣ менамояд
Таҳкими ҳамкорӣ байни Тоҷикистон ва вилояти Форси Эрон дар бахши ҷавонон ва варзиш баррасӣ гардид
Дар Ҳисор мусобиқаи «CAFA Nations Сup 2025» дар гурӯҳи «В» оғоз мешавад
Ҳайати Кумитаи кор бо ҷавонон ва варзиши Тоҷикистон бо Академияи Кумитаи миллии олимпии Эрон шинос шуд
Барномаи иҷроии ҳамкорӣ байни Тоҷикистон ва Эрон дар соҳаи варзиш ва ҷавонон ба имзо расид
Бо иштироки ҷавонони Тоҷикистон ва Эрон ҳамоиш доир гардид
Дар Теҳрон густариши ҳамкории Тоҷикистон ва Эрон дар самти ҷавонон ва варзиш баррасӣ гардид
Ғолиби «Ҷоми Раиси ВМКБ» аз намуди волейбол муайян карда шуд
«Tojiktelecom» сарпарасти расмии мусобиқаи бонуфузи байналмилалии Осиёи Марказӣ ва Ҷанубӣ — CAFA Nations Cup 2025 гардид
ФУТБОЛ. Бозии ниҳоии Ҷоми Тоҷикистон-2025 байни «Регар-ТадАЗ» ва «Эсхата» дар Хуҷанд доир мегардад
Дар Тоҷикистон лоиҳаи «Football For Schools»-и ФИФА амалӣ карда мешавад
ҶОМИ ТОҶИКИСТОН. Дастаҳои футболи «Регар-ТадАЗ» ва «Эсхата» ба финали ин мусобиқа роҳ ёфтанд