Дастаи мунтахаби занонаи Тоҷикистон мусобиқаи интихобии ҶО-2022-ро бо ғалаба оғоз намуд

ДУШАНБЕ, 27.09.2021 /АМИТ «Ховар»/. Дастаи мунтахаби занонаи Тоҷикистон оид ба футбол  дар даври дуюми мусобиқаи интихобии Ҷоми Осиё-2022 дар гурӯҳи «В» бар дастаи мунтахаби занонаи  Малдив бо ҳисоби 4:0 ғалаба кард, хабар медиҳад шореҳи варзиши АМИТ «Ховар» Меҳрони Қурбон бо истинод ба Федератсияи футболи Тоҷикистон.

Дар ин сабқати ҷолиб  голҳои дастаи   мунтахаби занонаи Тоҷикистонро Лайло Ҳалимова, Некубахт Худододова ва Наталя Сотникова ба нишон расонида, пирӯзии дастаи   мунтахаби занонаи Тоҷикистонро таъмин сохтанд. Мавриди зикр аст, ки  дар даври ниҳоӣ ва ҳалкунандаи мусобиқа дастаи  мунтахаби занонаи Тоҷикистон 29  сентябр бо  дастаи  мунтахаби занонаи   Ветнам бозӣ хоҳад кард. Барои ба қисми ниҳоии чемпионати Осиё роҳ ёфтан, дастаи  мунтахаби занонаи Тоҷикистонро танҳо дар ин вохӯрӣ пирӯзӣ қаноатманд хоҳад кард.

Мусобиқаи интихобии Ҷоми Осиё -2022 байни дастаҳои мунтахаби занона

Гурӯҳи «В». Даври 2-юм

Тоҷикистон – Малдив – 4:0

Голҳо: Лайло Ҳалимова, 2 (1:0). Некубахт Худододова, 13 (2:0). Лайло Ҳалимова, 24 (3:0). Наталя Сотникова, 58 (4:0).

Даври 2-юм

27 сентябр (душанбе)

Оғози соати 18:00

Индонезия – Сингапур

Даври 3-юм

29 сентябр (чоршанбе)

Оғози бозӣ соати 18:00

Ветнам – Тоҷикистон

Гурӯҳи «С»: Сингапур, Индонезия.

Хотиррасон  мешавем, ки  ҳамаи бозиҳо дар Варзишгоҳи марказии ҷумҳуриявии шаҳри Душанбе   соати 18:00 оғоз мешаванд.

                                       АКС аз Федератсияи футболи Тоҷикистон