Китоби «Сӣ мақола оид ба масъалаҳои иҷтимоию сиёсӣ дар Тоҷикистон»- дастовези арзанда ба ҷашни пуршукӯҳи Истиқлоли давлатӣ

Сентябрь 18, 2021 09:02

ДУШАНБЕ, 18.09.2021 /АМИТ «Ховар»/. Чанд рӯз қабл ба  муносибати ҷашни фархундаи 30-солагии Истиқлолияти давлатии Ҷумҳурии Тоҷикистон китоби нави директори Маркази тадқиқоти стратегии назди Президенти Ҷумҳурии Тоҷикистон, доктори илмҳои фалсафа, профессор Хуршед Зиёӣ таҳти унвони «Сӣ мақола оид ба масъалаҳои иҷтимоию сиёсӣ дар Тоҷикистон» тавассути нашриёти «Аржанг» ба нашр расид, хабар дод ба АМИТ  «Ховар» котиби матбуоти Маркази тадқиқоти стратегӣ Қиёмиддин Сатторӣ.

Дар китоби мазкур якчанд мақолаҳои арзишманди илмӣ, илмию оммавии донишманди маъруфи тоҷик доир ба масъалаҳои иҷтимоию сиёсӣ, фарҳангиву маънавӣ ва мушкилоти дигари ҷомеаи кишварамон гирд оварда шудаанд.

Муаллиф  дар мақолаҳои  «Истиқлоли давлатӣ ва сиёсати истиқлолхоҳии Пешвои миллат», «Сӣ дастоварди муҳими Тоҷикистон дар сӣ соли Истиқлоли давлатӣ», «Барномаи рушди устувор ва таъмини зиндагии шоистаи мардум», «Инъикоси масъалаҳои глобалӣ дар робитаҳои байналмилалии Тоҷикистон ва Паёми Пешвои миллат», Саҳми Сарвари давлати Тоҷикистон дар оғози раванди истиқрори сулҳ дар Афғонистон», «Бетарафии зиёиён ҳамчун омили сар задани ҷанги таҳмилии шаҳрвандӣ», «Ҷанги менталӣ: моҳият ва шаклҳои зуҳур», «Хабарнигорӣ ва ҷанги иттилоотӣ: моҳият ва тафовут», «Рақамикунонӣ ва баъзе пайомадҳои иҷтимоии он», «Саноатикунонӣ ҳамчун падидаи иҷтимоӣ», «Муносибатҳои сиёсӣ байни Ҷумҳурии Тоҷикистон ва Ҷумҳурии Узбекистон», «Форуми СҲШ чун платформаи самарабахш барои табодули зеҳнӣ» ва ғайра бо забони фасеҳу содаи адабӣ мазмуну муҳтавои мураккаб ва муҳимро мавриди баррасӣ ва арзёбӣ қарор додааст. Хонандагони нуктасанҷ аз мутолиаи  мақолаҳои ин китоб баҳраи зиёди илмию маънавӣ мегиранд.

Китоби «Сӣ мақола оид ба масъалаҳои иҷтимоию сиёсӣ дар Тоҷикистон» дастовези арзандаест ба ҷашни 30-солагии Истиқлоли давлатии  Ҷумҳурии Тоҷикистон.

АКСҲО аз Маркази тадқиқоти стратегӣ

 

Сентябрь 18, 2021 09:02

Хабарҳои дигари ин бахш

«ҚАСРИ АРБОБ» — МАКОНИ МУҚАДДАС ВА ТАЪРИХӢ. Ба Рӯзи Президенти Ҷумҳурии Тоҷикистон бахшида мешавад
Олимони тоҷик нақши Президенти Тоҷикистонро дар комёбиҳои сулҳу ваҳдати миллӣ нотакрор арзёбӣ намуданд
Дар Донишгоҳи миллии Тоҷикистон нақши Иҷлосияи XVI Шӯрои Олиро дар ҳимояи манфиатҳои миллӣ баррасӣ карданд
Нақши Президенти Ҷумҳурии Тоҷикистон дар рушди соҳаи маориф назаррас аст
«ПРЕЗИДЕНТ – ҲОМИИ МИЛЛАТ». Таҳти чунин унвон дар Китобхонаи миллии Тоҷикистон ҳамоиш доир шуд
Аз номи Сергей Лебедев барои дар сатҳи баланд баргузор намудани Анҷумани VI омӯзгорон ва кормандони маорифи кишварҳои ИДМ дар Душанбе номаи сипос расид
«Маҳмуднома». Таҳти чунин унвон доир ба фаъолияти Ҳомид Маҳмудов китоб ба нашр расидааст
«ТОҶИКОН» ДАР ХОНАДОНИ МАН» . Таҳти чунин унвон дар шаҳри Турсунзода озмуни зеҳнӣ доир шуд
Дар Душанбе таҳти унвони «Дурахши ахтари дониш зи Истиқлол бошад» ҳамоиш доир гардид
Дастовардҳои 30 соли сиёсати хориҷии Тоҷикистон зимни Конфронси ҷумҳуриявии илмӣ-амалӣ арзёбӣ гардиданд
Шоираи Раҳимҷон дар ҷамъбасти Фестивали 5-уми адабии Авруосиёии Лиффт-2021 ҷоизаи «Занон барои сулҳ»-ро соҳиб шуд
ХАБАРИ ХУШ! Номинаҳои 2500-солагии шаҳраки қадимаи Тахти Сангин ва 1050-солагии Абурайҳони Берунӣ ба Феҳристи ҷашнвораҳои ЮНЕСКО барои солҳои 2022-2023 шомил гардиданд