ШАҲРИ МО — ХОНАИ МО. Сокинони Хоруғ тавассути ҳашари умумӣ манзилашонро сарсабзу обод менамоянд
ХОРУҒ, 27.09.2021 /АМИТ «Ховар»/. Сокинони шаҳри Хоруғ бо дастгирии мақомоти иҷроияи ҳокимияти давлатии вилоят ба муносибати сазовор пешвоз гирифтани меҳмонони олиқадр бо баргузории ҳашари умумӣ кӯчаву хиёбон ва боғи фарҳангию фароғатии шаҳрро тозаву пок менамоянд. Шаҳр замоне пок, ободу зебо мегардад, ки агар ҳар шаҳрванд онро ба сифати хонаи умумии худ эътирофу эҳтиром намояд,-хабар медиҳад мухбири минтақавии АМИТ «Ховар».
Яке аз сокинони шаҳр Масъуда Алиёрова гуфт, ки “чанд моҳи охир пиру ҷавон рӯзҳои истироҳат ба ҳашари умумӣ баромада, кӯчаву хиёбонҳо, боғи фарҳангию фароғатиро поку тамиз мекунанд. Шаҳр хонаи умумии шаҳрвандон аст ва мизбони асосии ташрифи меҳмонон ба маркази маъмурии вилоят низ худи сокинони шаҳр ба шумор мераванд. Ба ҷуз ин ҳар шаҳрванд дар поку беолоиш нигоҳ доштани муҳити зист, ки ҷузъи ҷудонашавандаи табиат аст, масъулияти баланд дорад. Табиат неъмати бузургест ва ин неъмати гаронбаҳоро бидуни ягон газанд барои наслҳои оянда ҳифзу нигоҳдорӣ намудан шарт ва зарур мебошад”.
Яке аз он маконҳое, ки ҷамъшавии сокинон, сайёҳону меҳмонон дар он бештар дида мешавад, ин бозори марказии шаҳр мебошад. Дар тозагии он дар баробари бозорнишинон ҳамчунин ҳар сокини шаҳр масъул аст. Сардори раёсати ҷавонон ва варзиши вилоят Сураҷ Чоршанбиев гуфт, ки “ба хотири истиқболи сазовор аз ташрифи меҳмонони олиқадр дар баробари ҷавонон ҳамчунин кӯдакону наврасон низ ширкати фаъол доранд. Ин иқдом моро умедвор месозад, ки насли оянда ҳам дар ҳифзи муҳити атроф худро масъул мешуморад. Дар оянда чунин ташаббус ба амали доимии шаҳрвандон табдил хоҳад ёфт”.
Раиси шаҳри Хоруғ Алишер Мирзонабот ин иқдоми шаҳрвандонро масъулияти бузург дар баробари ободонии шаҳр унвон карда, изҳор дошт, ки “ташрифи роҳбарон ва меҳмонони олиқадр дар паи худ ободкорию созандагӣ ва неъматҳои дучанди зиндагӣ ба бор меорад. Ҳадафи дигари ин ташаббус- боло бурдани сифати зиндагии шаҳрвандон тавассути пешниҳоди хизмати ризокорона мебошад, ки аз арзишҳои асосӣ ва таърихии халқи мо ба ҳисоб меравад”.
АКСҲО: АМИТ «Ховар»
Маҷлиси Ҳукумати Ҷумҳурии Тоҷикистон баргузор гардид
Президенти Ҷумҳурии Тоҷикистон Эмомалӣ Раҳмон дар шаҳри Бохтар бинои нави маъмурӣ ва хобгоҳро дар қисми ҳарбии 3503-и Қӯшунҳои дохилии Вазорати корҳои дохилӣ ифтитоҳ намуданд
Сарвари давлат Эмомалӣ Раҳмон дар шаҳри Бохтар бинои иловагии таълимии Коллеҷи тиббии инноватсиониро мавриди истифода қарор доданд
Пешвои миллат Эмомалӣ Раҳмон дар шаҳри Бохтар бинои хобгоҳи донишҷӯёни Донишгоҳи давлатии Бохтар ба номи Носири Хусравро ифтитоҳ намуданд
Президенти Ҷумҳурии Тоҷикистон Эмомалӣ Раҳмон ба таври фосилавӣ як иншооти соҳаи маориф ва як корхонаи саноатиро дар минтақаи саноатии шаҳри Левакант ифтитоҳ намуданд
Сарвари давлат Эмомалӣ Раҳмон дар шаҳри Бохтар Муассисаи таҳсилоти миёнаи умумии №17-ро ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар шаҳри Бохтар бинои баландошёнаи истиқоматии хайриявии Эҳсонро бо маркази савдо ва хизматрасонӣ ба истифода доданд
Сарвари давлат Эмомалӣ Раҳмон дар шаҳри Бохтар ҶДММ «Шифобахши Аср»-ро ба истифода доданд
Президенти Ҷумҳурии Тоҷикистон Эмомалӣ Раҳмон 7 муассисаи соҳаи маорифро ба таври фосилавӣ ифтитоҳ намуда, бо лоиҳаҳои бунёди 4 муассисаи соҳаи маориф ва 1 иншооти соҳаи варзиш шинос шуданд
Пешвои миллат Эмомалӣ Раҳмон дар шаҳри Бохтар бинои Муассисаи таҳсилоти томактабии хусусӣ ва маркази инкишофи кӯдакро ба истифода доданд
Президенти Ҷумҳурии Тоҷикистон Эмомалӣ Раҳмон дар ноҳияи Ҷалолидини Балхӣ ба фаъолияти Корхонаи макарони «Руми Паста» оғоз бахшиданд
Сарвари давлат Эмомалӣ Раҳмон дар ноҳияи Ҷалолиддини Балхӣ корхонаи орди ба номи Маҷид Ҳафизовро ифтитоҳ намуданд
