ТАҚВИМИ АМИТ «ХОВАР»: имрӯз 24 сентябр, ҷумъа, 267-умин рӯзи соли 2021 аст

24 сентябри соли 2009 дар ИМА миёни Президенти Ҷумҳурии Тоҷикистон муҳтарам Эмомалӣ Раҳмон ва ҳамватанони бурунмарзие, ки дар Америка кору зиндагӣ мекунанд, суҳбати озод баргузор гардид.

***

11 сол пеш, 24 сентябри соли 2010 дар шаҳри Ню-Йорк Сарвари давлати тоҷикон муҳтарам Эмомалӣ Раҳмон бо намояндаи махсуси Иёлоти Муттаҳидаи Америка  оид ба Афғонистон, Сарвазири Япония ва Сарвазири Тайиланд мулоқот анҷом доданд.

***

Дар ин рӯзи соли 2004  дар шаҳри Москваи Федератсияи Россия нависандаи тоҷик Темур Зулфиқоров бо ҷоизаи адабиёти Россия- «Марғзори равшан» сарфароз гардонида шуд.

 24 СЕНТЯБР ТАҶЛИЛ КАРДА МЕШАВАД:

Дар Камбоҷа – Рӯзи Конститутсия.

 РӮЙДОДҲО:

24 сентябри соли 2009 дар пойтахти Молдова – шаҳри Кишинев Форуми 4-уми эҷодӣ ва илмии зиёиёни давлатҳои аъзои Иттиҳоди Давлатҳои Мустақил баргузор гардид.

***

24 сентябри соли 1923 маҷмааи табъу нашри «Московская правда» таъсис дода шуд.

***

73 сол муқаддам, 24 сентябри соли 1948 ширкати «Хонда мотор» («Honda Motor Co») таъсис ёфт.

***

Дар ин рӯзи соли 1968 Свазиленд ба узвияти СММ қабул карда шуд.

***

24 сентябри соли 1972 дар раъйпурсии Норвегия 53,5% иштирокдорон ба муқобили шомилшавии мамлакат ба Иттиҳоди иқтисодии Аврупо овоз доданд.

ИНЧУНИН ДАР ИН РӮЗ…

 Соли 1953 дар Ҳолливуд аввалин филми манзаравӣ ба намоиш гузошта шуд.

***

Соли 1998 дар Франсия аввалин маротиба ҷарроҳии насб кардани дасти як нафар ба шахси дигар анҷом дода шуд.