АЗМ БА ХИЗМАТИ ВАТАН! Дар ноҳияи Варзоб 42 нафар наваскарон соҳиби шаҳодатномаи ронандагӣ шуданд
ВАРЗОБ, 05.10.2021 /АМИТ «Ховар»/. Дар ноҳияи Варзоб бо иштироки масъулини ноҳия, даъватшавандагону падару модарон, ҷавонон ва кормандони мақомоти ҳифзи ҳуқуқ Рӯзи даъватшаванда ва Рӯзи забони давлатӣ ботантана таҷлил гардид. Дар ин рӯз собиқадорону масъулини ноҳия даъватшавандагонро бо Рӯзи забони давлатӣ ва азми хизмат ба Ватан намуданашон табрик гуфта, бо дуои нек ба сафи Қувваҳои Мусаллаҳи Ҷумҳурии Тоҷикистон гусел намуданд.
Раиси ноҳияи Варзоб Муҳаммадулло Шерализода гуфт, ки «Ватанро дӯст доштан, аз он ифтихор кардан, барои ҳимояи он омода будан, ба қадри сулҳу субот ва Истиқлолияти давлатӣ расидан, шукри соҳибватанию соҳибдавлатиро ба ҷо овардан аз ҷумлаи арзишҳое мебошанд, ки ҷавонони мо бояд онҳоро дастури зиндагии ҳаррӯзаи худ қарор диҳанд ва итминон дошта бошанд, ки танҳо дар ҳамин сурат мо метавонем кишвари воқеан ободу пешрафта ва тавоно бунёд намоем».
Дар рӯзи аввали даъвати ҳарбӣ ноҳияи Варзоб зиёда аз 60 фоизи нақшаи даъватро иҷро намуд. Ҳамчунин дар ҳамоиши мазкур ба 42 нафар наваскароне, ки бо ташаббуси мақомоти иҷроияи ҳокимияти давлатии ноҳияи Варзоб курси ронандагии ТҶ «Мададгори мудофиа» – ро хатм намуданд, шаҳодатномаҳои ронандагӣ супорида шуданд.
Даъватшаванда Алӣ Ашуров аз Ҷамоати деҳоти Лучоби ноҳияи Варзоб иброз дошт, ки «дастгирию ғамхориҳои пайвастаи Роҳбари давлатамонро ба хубӣ дарк намуда, тасмим гирифтам, ки ба хотири ҳимояи марзу буми кишвар ва пойдории ваҳдату Истиқлолияти давлатӣ дар як қисми низомии мамлакат хизмати Ватан –Модарро сарбаландона адо намоям».
Дар ҳамоиш зикр гардид, ки забони тоҷикӣ- мероси бузурги ниёгони некноми мо бо вуҷуди мушкилоту монеаҳои зиёд ҳамчун риштаи пайванди насл ба насли миллат аз ҳазорсолаҳои дур то давлати соҳибистиқлоли тоҷикон омада расидааст. Он имрӯз падидаи фарҳанги миллӣ буда, ба воситаи он ҳар нафар ҳувияти хешро мешиносад.
Ҳунармандони ноҳия барои болидахотирии наваскарону падару модарон барномаи консертии ҷолибро манзури ҳозирин гардониданд.
АКС аз АМИТ «Ховар»
Милитсияи пойтахт аз шаҳрвандон талаб намуд, ки аз фурӯшу паҳнсозӣ ва истифодаи маводи тарфгарӣ худдорӣ кунанд
Ба муносибати таъсиси Воҳидҳои таъйиноти махсуси милитсия дар вилоятҳои Суғд, Хатлон ва Бадахшон ҷамъомади тантанавӣ доир шуд
РӮЗИ ТАЪСИСИ ВОҲИДҲОИ ТАЪЙИНОТИ МАХСУСИ МИЛИТСИЯ. Кормандони ин ниҳод вазифаҳои душвору масъулиятнок бар зимма доранд
Дар Минск вохӯрии вазирони корҳои дохилии Тоҷикистон ва Беларус баргузор гардид
Изҳороти Маркази матбуоти Қӯшунҳои сарҳадии Кумитаи давлатии амнияти миллии Ҷумҳурии Тоҷикистон
«МУҚОВИМАТ БО КОРРУПСИЯ ДАР СОҲАИ ТИҶОРАТ». Дар Душанбе таҳти ин унвон форуми байналмилалӣ баргузор мешавад
Дар Душанбе оид ба усулҳои нави ҷамъоварии маълумот дар самти муқовимат ба савдои одамон ҷаласа доир шуд
Нақшаи даъвати тирамоҳии шаҳрвандони Тоҷикистон ба сафи Артиши миллӣ пурра иҷро гардид
Ҳайати Тоҷикистон дар конференсияи 26-уми байналмилалии раисони судҳои олии кишварҳои ҷаҳон иштирок намуд
ҚОИДАҲОИ БЕХАТАРӢ АЗ СӮХТОРРО РИОЯ НАМОЕД! Дар Тоҷикистон беш аз 900 ҳодисаи сӯхтор ба қайд гирифта шудааст
Нақшаи даъвати ҳарбӣ дар Тоҷикистон 98 фоиз иҷро гардид
Милитсияи пойтахт дар муассисаҳои таълимӣ 115 ҳолати истеъмоли чилим ва сигорҳои электрониро ошкор намуд
