COVID-19. Омори сирояти коронавирус дар Тоҷикистон ва дигар кишварҳои Осиёи Марказӣ

Октябрь 4, 2021 13:50

ДУШАНБЕ, 04.10.2021 /АМИТ «Ховар»/. Тавре қаблан хабар дода будем, давоми 24 соати охир дар Тоҷикистон ягон ҳолати нави сирояти COVID-19 ба қайд гирифта нашудааст. Дар ин бора шоми 3 октябр ба АМИТ «Ховар» аз Вазорати тандурустӣ ва ҳифзи иҷтимоии аҳолии Ҷумҳурии Тоҷикистон хабар доданд.

Зикр шуд, ки аз оғози бақайдгирӣ то 3 октябр дар кишвар 17084 ҳолати гирифторӣ ба COVID-19 ба қайд гирифта шудааст, ки аз ин 16960 нафар шифо ёфтаанд. 124 нафар бар асари ин беморӣ фавтидаанд.

Хабарнигорони АМИТ «Ховар» аз вазъи коронавирус дар дигар кишварҳои Осиёи Марказӣ огоҳ шуданд.

Ба ҳолати 3 октябр дар Узбекистон 175715 нафар гирифторони сирояти коронавируси нави COVID-19 расман ба қайд гирифта шуда, шумораи фавтидагон 1249 нафарро ташкил медиҳад, хабар доданд аз Хадамоти матбуоти Вазорати тандурустии Узбекистон. То имрӯз 169 ҳазору 866 нафар беморон шифо ёфтаанд, ки сатҳи миёнаи табобат 97 фоизро ташкил медиҳад.

Дар шабонарӯзи гузашта дар Қазоқистон 1717 ҳолати нави сирояти коронавирус ба қайд гирифта шудааст, хабар медиҳад Агентии байналмилалии иттилоотии “Казинформ”. Дар маҷмӯъ, дар кишвар 892 ҳазору 710 ҳолати гирифторӣ ба беморӣ муайян шуда, аз онҳо 11 323 нафар фавтидаанд.

Ҳамзамон дар як рӯзи охир дар кишвар 1913 нафар аз сирояти коронавирус шифо ёфта, шумораи умумии шифоёфтагон 830 241 нафарро ташкил додааст.

Дар Қирғизистон то 3 октябр 60 ҳолати нави гирифторӣ ба COVID-19 ва пневмония ба қайд гирифта шудааст, хабар медиҳад Агентии миллии иттилоотии Кабар. Дар маҷмӯъ, дар тамоми давра 178 ҳазору 740 ҳолат ба қайд гирифта шудааст.

Давоми рӯз аз коронавирус 86 нафар ва дар тамоми давра 173 ҳазору 471 нафар шифо ёфтаанд.

Дар ин шабонарӯз ягон ҳолати фавт аз COVID-19 ба қайд гирифта нашудааст. Дар маҷмӯъ, дар ин муддат 2 ҳазору 607 нафар ҷон бохтаанд.

 

ДАР АКС: дар Туркманистон гарчанде ягон ҳолати сирояти COVID-19 расман ба қайд гирифта нашудааст, вале меъёри ниқоб ҷорӣ гардидааст. Акс аз манбаъҳои боз

Октябрь 4, 2021 13:50

Хабарҳои дигари ин бахш

Президенти Тоҷикистон: «Ҷашни Наврӯз ва истиқлолу озодӣ – ин ду мафҳуми барои ҳар яки мо азизу муқаддас аст»
«КАЪБА ЧӢ МЕРАВӢ, ДИЛЕРО ДАРЁБ…». Андешаҳо дар ҳошияи мулоқоти Президенти Тоҷикистон бо фаъолону намояндагони ҷомеа ва ходимони дин
Пешвои миллат: «Боиси ифтихор аст, ки Наврӯз – калимаи асили тоҷикӣ, яъне «рӯзи нав» ҳоло барои миллионҳо аҳолии сайёра ҳамчун рӯзи ҷашни фархунда вирди забон аст»
Эмомалӣ Раҳмон: «Наврӯз аз ҷумлаи бузургтарин ва маҳбубтарин ҷашнҳои тоҷикон мебошад»
СИЁСИШАВИИ ДИН — ХАТАР БА ФАРҲАНГИ МИЛЛӢ ВА СУБОТИ ҶОМЕА. Андешаҳои профессор Нозим Маҳмадизода дар ин мавзуъ
Президенти Тоҷикистон: «Бо назардошти шароити замона анъанаи неки гузаштагон – сарфаю сариштакориро бояд риоя намоем»
Сулаймон Талбакзода: «Дарси хештаншиносӣ ва хизмат ба халқу Ватанро аз Пешвои миллат бояд омӯзем»
Президенти Тоҷикистон: «Мушкилоти таъмини аҳолии сайёра бо озуқаворӣ моро водор менамояд, ки ҳар қитъа заминро оқилонаву самаранок истифода барем»
Пешвои миллат Эмомалӣ Раҳмон: «Ойинҳои наврӯзӣ аҳли башарро ба таҳаммулгароӣ, бунёдкориву созандагӣ ҳидоят менамоянд»
Пешвои миллат: «Дар шароити кунунӣ зарур аст, ки ба кишти такрорӣ, гирифтани се – чор ҳосил аз заминҳои обӣ эътибори аввалиндараҷа дода шавад»
Наврӯз дар баробари забони тоҷикӣ бунёди худшиносии тоҷиконро низ ташаккул додааст
Пешвои миллат Эмомалӣ Раҳмон: «Мақому ҷойгоҳи Наврӯз он қадар баланд буд, ки ҳеҷ монеа ва қуввае онро натавонист аз байн барад»