Дар Душанбе лоиҳаи Стратегияи кишварии Бонки рушди АвруОсиё дар Тоҷикистон баррасӣ шуд
ДУШАНБЕ, 07.10.2021 /АМИТ «Ховар/. Дар шаҳри Душанбе масъалаҳои рушди ҳамкорӣ миёни Ҷумҳурии Тоҷикистон ва Бонки рушди АвруОсиё баррасӣ шуданд, хабар медиҳад avesta.tj.
Вазири рушди иқтисод ва савдо, директор аз Тоҷикистон дар Бонки рушди АвруОсиё Завқӣ Завқизода бо директори Бонки рушди Авруосиё дар Тоҷикистон Николай Никулин мулоқот намуд.
Тавре аз маркази матбуоти Вазорати рушди иқтисод ва савдо хабар доданд, дар оғози мулоқот Завқӣ Завқизода Николай Никулинро ба муносибати ба вазифаи нави масъул таъйин шуданаш табрик гуфта, ба ӯ муваффақияти касбӣ таманно кард.
Ҳамзамон ҷонибҳо лоиҳаи Стратегияи кишварии Бонки рушди Авруосиё дар Ҷумҳурии Тоҷикистон барои солҳои 2022-2026 муҳокима намуда, тақвияти ҳамкориро дар соҳаҳои гуногуни иҷтимоию иқтисодӣ зарур донистанд.
Аз ҷумла, масъалаҳои таъсиси марказҳои муосири тақсимоти яклухт, сохтмони клиникаҳои бемориҳои сироятӣ, истихроҷи канданиҳои фоиданок ва таъсиси корхонаҳои муштараки дорусозӣ, аз ҷумла дар қаламрави минтақаҳои озоди иқтисодӣ (МОИ)-и Тоҷикистон баррасӣ шуданд.
Дар фарҷоми мулоқот ҷонибҳо омодагии худро барои густариши ҳамкории мутақобилан судманд иброз доштанд, хабар доданд аз Вазорати рушди иқтисод ва савдо.
АКС аз манбаъҳои боз
Дар ноҳияи Ашт неругоҳи офтобӣ ба истифода дода мешавад
Дар Филиали Донишгоҳи давлатии Москва дар шаҳри Душанбе ду маркази нави илмӣ ба фаъолият оғоз менамояд
НИШАСТИ МАТБУОТӢ. Дар Сангвор 854 субъекти соҳибкории инфиродӣ фаъолият менамояд
СОЛИ ОБОДОНИЮ СОЗАНДАГӢ. Дар шаҳри Хуҷанд васеъсозии роҳи хиёбони ба номи Раҳмон Набиев оғоз гардид
НИШАСТИ МАТБУОТӢ. Дар шаҳри Роғун 94 иншооти гуногун ба маблағи беш аз 400 миллион сомонӣ мавриди истифода қарор гирифтанд
Тоҷикистон мизбони Бозиҳои XX Делфии ҷавонони давлатҳои аъзои ИДМ мегардад
Дар Душанбе доир ба саҳми шоистаи Абуалӣ ибни Сино дар илми тиб конференсия баргузор гардид
Муовини Сарвазири Тоҷикистон бо ҷараёни сохтмони иншооти соҳаи маорифу тандурустӣ дар шаҳри Ҳисор шинос шуд
Президенти Тоҷикистон: «Аҳолии узбекзабони шаҳри Турсунзода бо муассисаҳои таълимии узбекӣ ва китобҳои дарсӣ таъмин карда шаванд»
35-СОЛАГИИ ИСТИҚЛОЛИ ДАВЛАТӢ. Дар ноҳияи Ашт осоишгоҳи замонавӣ бунёд карда мешавад
Дар Вена баргузории ҷаласаи навбатии Комиссияи муштараки байниҳукуматии Тоҷикистону Австрия баррасӣ шуд
Пешвои миллат Эмомалӣ Раҳмон дар шаҳри Турсунзода дар хоҷагии деҳқонии «Боғи Сомон» бо рафти ҷамъоварии ҳосили ангур шинос шуданд
