Дар шаҳри Кӯлоб маросими Рӯзи даъватшаванда доир гардид
КӮЛОБ, 01.10 2021 /АМИТ «Ховар»/. Имрӯз дар шаҳри Кӯлоб маросими Рӯзи даъватшаванда баргузор шуд, ки зиёда аз 30 нафар ҷавонони ихтиёран ба комиссариати ҳарбии шаҳри Кӯлоб ҳозиршуда аз муоинаи тиббӣ гузашта, ба қисмҳои низомӣ равона карда шуданд, хабар медиҳад мухбири минтақавии АМИТ «Ховар».
Бино ба иттилои комиссари ҳарбии шаҳри Кӯлоб Лоиқ Маҳмадиев, зиёда аз 30 нафар ҷавонон ба комиссариати ҳарбӣ омаданд ва марҳила ба марҳила сафи онҳо зиёд мегардад. Барои ҷалб кардани ҷавонон ба сафи Қувваҳои мусаллаҳ аз ҷониби раиси ҷамоат ва бахши кор бо ҷавонон ва варзиши шаҳри Кӯлоб миёни аҳолӣ вохӯрию корҳои фаҳмондадиҳӣ гузаронида шуда, моҳияти хизмат ба ватан ба онҳо фаҳмонида шуд.
Натиҷаи ин аст, ки муроҷиати ихтиёрии ҷавонон барои рафтан ба сафи Артиши миллӣ нисбат ба ҳамин давраи соли гузашта бештар гардидааст.
Навдаъват, сокини шаҳри Кӯлоб Назаралӣ Назарзода гуфт, ки «ман бо ихтиёри худ ба комиссариати ҳарбӣ ҳозир гардидам ва мехоҳам ба ватанам содиқона хизмат намоям, чунки хизмат ба Ватан қарзи ҳар ҷавон мебошад».
Сокини шаҳри Кӯлоб Расул Ҳамроев мегӯяд, ки «мо шукри истиқлолияти имрӯзаи давлатро дорем, чунки дар фазои амн ва осоиштагӣ умр ба сар мебарем. Мо вазифадорем ба Ватани азизамон аз сидқи дил хизмат намоем, ҳамеша парчамбардори ин миллат бошем. Аз ин рӯ тасмим гирифтам бо хоҳиши худ ба комиссариати ҳарбии шаҳри Кӯлоб ҳозир гардам ва дар қисми низомӣ хизмати аскариро адо намоям».
Падари наваскар Алихон Назаров гуфт, ки «ду писари ман хизмати Артиши миллиро адо кардаанд ва инак сеюмаш низ ба хизмати ҳарбӣ равона мебошад. Ман имрӯз медонам шароит дар қисмҳои низомӣ хуб ба роҳ монда шудааст ва фарзандони мо бо рӯҳияи баланд хизмати ҳарбиро ба итмом расонида, вазифаи хешро дар ҳифзи ватан сарбаландони иҷро менамоянд».
Бо баргузории барномаи фарҳангӣ ва савту навои дилнишин наваскарон ба қисмҳои низомӣ гусел карда шуданд.
АКСҲО: АМИТ «Ховар»
Дар Бӯстон вохӯрии навбатии гурӯҳҳои кории топографӣ ва гурӯҳҳои кории ҳайатҳои ҳукуматии Тоҷикистону Қирғизистон баргузор гардид
Мулоқоти ҳамраисони ҳайатҳои ҳукуматии Тоҷикистон ва Қирғизистон оид ба делимитатсия ва демаркатсияи сарҳади давлатӣ доир шуд
Прокурори генералии Ҷумҳурии Тоҷикистон бо фаъолони вилояти Суғд вохӯрӣ намуд
Антониу Гутерриш: «Тоҷикистон дар масъалаи буҳрони Афғонистон шарики муҳими Созмони Милали Муттаҳид мебошад»
Президенти Тоҷикистон: «Дар фаъолияти Созмони ҳамкории Шанхай масъалаҳои амнияти минтақавӣ аввалиндараҷа боқӣ мемонанд»
ЭҲТИЁТ — НИМИ ҲАЁТ. Дар фасли тобистон зарфҳои нигаҳдории гази моеъро дар ҷойи соя ва дур аз гармӣ гузоред
Дар Петербург масъалаи истифодаи васеи технологияҳои иттилоотию коммуникатсионӣ дар пешниҳоди хизматрасониҳои давлатӣ дар Тоҷикистон баррасӣ шуд
МУҚОВИМАТ БА ИФРОТГАРОӢ. Дар ин мавзуъ дар Душанбе конференсияи илмӣ-амалӣ баргузор гардид
Намояндагони мақомоти ҳифзи ҳуқуқи Тоҷикистон дар Форуми байналмилалии ҳуқуқӣ дар Санкт-Петербург иштирок намуданд
Кормандони мақомоти милитсияи шаҳри Душанбе Рӯзи Ваҳдати миллиро таҷлил намуданд
Дар Вазорати мудофиа маъракаи даъвати баҳорӣ ба хизмати ҳатмии ҳарбӣ натиҷагирӣ шуд
ТАВАҶҶУҲ! Мақомоти милитсияи Душанбе огоҳ месозад: « Ба ҳар гуна зангҳои афроди ношинос ва хабарҳои бардурӯғи онҳо бовар накунед»
