Кишоварзони ноҳияи Бобоҷон Ғафуров аввалин шуда, нақшаи истеҳсоли пахтаро иҷро намуданд
ДУШАНБЕ, 28.10.2021 /АМИТ «Ховар»/. Кишоварзони ноҳияи Бобоҷон Ғафуров аввалин шуда, нақшаи истеҳсоли пахтаро иҷро намуданд. 27 октябр Раиси ноҳияи Бобоҷон Ғафуров Зафарбек Давлатзода ин «муждаи зафар»-ро ба Раиси вилояти Суғд Раҷаббой Аҳмадзода расонид, иттилоъ доданд аз Хадамоти матбуоти Раиси вилояти Суғд ба АМИТ «Ховар».
26 октябр тавассути меҳнати фидокорона ба деҳқонони ноҳияи Бобоҷон Ғафуров муяссар гардид, ки нақшаи истеҳсоли пахтаро барои соли 2021 иҷро намоянд. Ба хирмани Ватан 19 250 тонна пахта супорида шуд, ки ин ба 100,1 фоизи нақша баробар аст.
Ноҳияи Бобоҷон Ғафуров калонтарин ноҳияҳои пахтакори вилояти Суғд буда, бо заҳмату талошҳои шабонарӯзӣ кишоварзони ноҳия тавонистанд дар вилоят аввалин шуда, нақшаи истеҳсоли пахтаро иҷро намоянд.
Ҳоло дар хоҷагиҳои пахтакори вилояти Суғд ҷамъоварии ҳосил идома дошта, тибқи маълумоти фаврӣ, то 27 октябр 105170 тонна пахта чида шудааст, ки ба 80,4 фоизи нақша баробар мебошад.
АКС Хадамоти матбуоти Раиси вилояти Суғд
Дар Душанбе Ҳамоиши тиҷоратӣ, сармоягузорӣ ва гардишгарии Тоҷикистон ва Эрон баргузор мегардад
Ҳикматулло Назиров: «Ҳосили фаровони дарахтон аз яхобмонӣ вобаста аст»
Тоҷикистон ва Арабистони Саудӣ хатсайрҳои ҳавоиро афзоиш медиҳанд
Муколамаи намояндагони бахши хусусии Тоҷикистон ва Эрон баргузор гардид
Барои татбиқи лоиҳаи «Асосҳои рақамикунонии Тоҷикистон» созишномаҳои молиявӣ ба имзо расиданд
«РОҒУН» — ШОҲАСАРИ ЭНЕРГЕТИКАИ НАВИН ВА ТЕХНОЛОГИЯҲОИ ТОЗА. Ин иншооти азим Тоҷикистонро ба истиқлоли комили энергетикӣ мерасонад
Ҳайати Тоҷикистон дар ҷаласаи машваратии мудирони кишварии Гурӯҳи Бонки Исломии Рушд иштирок намуд
Дар Суғд Маркази омӯзиши тағйирёбии иқлим ва пиряхҳо таъсис ёфт
Ҳамкории Тоҷикистон дар самти тағйирёбии иқлим бо роҳбари САҲА дар Душанбе баррасӣ гардид
Соли 2025 дар дарёи Шоҳдара Неругоҳи барқи обии «Себзор» ба истифода дода мешавад
Ҳаҷми истеҳсоли маҳсулоти кишоварзӣ дар Тоҷикистон беш аз 10 фоиз зиёд гардид
