Омбудсмени Хорватия муроҷиати Ваколатдор оид ба ҳуқуқи инсон дар Ҷумҳурии Тоҷикистонро доир ба вазъи ҳуқуқи инсон дар Афғонистон дастгирӣ намуд
ДУШАНБЕ, 26.10.2021 /АМИТ «Ховар»/. Тавре қаблан АМИТ «Ховар» хабар дод, 13 сентябр Ваколатдор оид ба ҳуқуқи инсон дар Ҷумҳурии Тоҷикистон Умед Бобозода ҷиҳати вазъи имрӯзаи Афғонистон, хусусан пешгирии саривақтии вайроншавии ҳуқуқу озодиҳои инсон ва барқарорсозии он ба ваколатдорони ҳуқуқи инсони давлатҳои хориҷӣ муроҷиат намуда буд.
Дар робита ба ин ба мақомоти Ваколатдор оид ба ҳуқуқи инсон дар Ҷумҳурии Тоҷикистон муроҷиатномаи Омбудсмени Ҷумҳурии Хорватия Тена Эйнвалтер ворид гардидааст.
Зимни он Тена Эйнвалтер баён доштааст, ки «муроҷиатномаи Ваколатдор оид ба ҳуқуқи инсон дар Ҷумҳурии Тоҷикистонро тарафдорӣ намуда, мавқеи худро вобаста ба вазъи имрӯзаи Афғонистон дар самти таъмини ҳуқуқу озодиҳои инсон ва шаҳрванд, хусусан ҳифзи ҳуқуқу озодиҳои занон ва кӯдакон изҳор медорам».
Омбудсмени Ҷумҳурии Хорватия ҷиҳати тақвият додани ҳамкорӣ ба Комиссияи ҳифзи ҳуқуқи инсони Иттиҳоди Аврупо, Шӯрои амният ва дигар сохторҳои Созмони Милали Муттаҳид муроҷиат намуда, гуфтааст, ки барои таҳким бахшидан ба вазъи риояи ҳуқуқу озодиҳои инсон дар амалисозии миссияи Комиссияи мустақили ҳифзи ҳуқуқи инсони Афғонистон кумак расонида, фаъолият дар ин самтро назорат баранд.
Дар мурҷиатномаи Ваколатдор оид ба ҳуқуқи инсон дар Ҷумҳурии Тоҷикистон аз ҳамаи ниҳодҳои миллии ҳифзи ҳуқуқи инсон (омбудсменҳо) даъват ба амал оварда шуда буд, ки ҷиҳати пешгирии саривақтии вайроншавии ҳуқуқу озодиҳои инсон ва барқарорсозии онҳо дар ҳудуди Афғонистон бо ҳукуматҳои худ ва сохторҳои давлатии дахлдор ҳамкорӣ намуда, дар ҳалли масъалаи мазкур бетараф набошанд.
ДАР АКС: Тена Эйнвалтер. Акс аз манбаҳои боз
Намояндаи Тоҷикистон дар Конфронси шашуми вазирони меҳнати кишварҳои аъзои СҲИ иштирок намуд
КУМАКҲОИ УНВОНИИ ИҶТИМОӢ. Ба қишри осебпазири Тоҷикистон беш аз 917 миллион сомонӣ кумак расонида шуд
Дар Давҳа масъалаи омодасозии мутахассисон барои бозори меҳнат баррасӣ шуд
Дар Душанбе форуми минтақавӣ-ҷаласаи роҳбарони сохторҳои ҳолатҳои фавқулода аз давлатҳои Осиёи Марказӣ идома дорад
Дар Тоҷикистон ҷарроҳии мураккаби мағзи сар гузаронида шуд
Дурнамои рушди соҳаи таҳсилоти ибтидоӣ ва миёнаи касбӣ дар Тоҷикистон бо намояндагони Ассотсиатсияи кумак ва ёрии Ҷопон баррасӣ гардид
Ҳайати ҳокимияти судии Тоҷикистон дар Женева дар форуми байналмилалӣ иштирок намуд
«СОЛИМИИ ЗАН — СОЛИМИИ МИЛЛАТ». Дар шаҳри Гулистон беш аз 200 нафар занон бо муоинаи ройгон фаро гирифта шуданд
Дар Душанбе оид ба таҳкими ҳамкории минтақавӣ дар самти коҳиши хавфи офатҳо вохӯрӣ доир шуд
Маркази тадқиқоти стратегии Тоҷикистон бо Институти осиёии дипломатия ва муносибатҳои байналмилалии Непал Ёддошти тафоҳум ба имзо расонид
Муовини Сарвазири Тоҷикистон дар Конфронси минтақавии сатҳи баланд вобаста ба пешгирии зӯроварӣ нисбат ба кӯдакон иштирок намуд
Густариши ҳамкорӣ дар самти татбиқи системаҳои рақамӣ дар раванди таълим бо намояндагони Бунёди аврупоии маориф баррасӣ шуд
