ФАВРӢ! Бар асари сӯхтор дар кони «Листвяжная» дар Русия беш аз 50 нафар ба ҳалокат расиданд
ДУШАНБЕ, 26.11.2021 /АМИТ «Ховар»/. Бар асари сӯхтор дар кони «Листвяжная»-и вилояти Кемеровои Русия, ки дирӯз, 25 ноябр рух дод, бино ба маълумоти пешакӣ, 52 нафар, аз ҷумла шаш наҷотбахш ҷон бохтанд. Инчунин 38 нафар дар беморхона бистарӣ шудаанд. Дар ин бора АМИТ «Ховар» бо истинод ба ТАСС хабар медиҳад.
Маъмурияти ноҳияи Беловский, ки кон дар он ҷо воқеъ аст, ба «Интерфакс» гуфтаанд 52 нафар қурбони вазъияти изтирорӣ шудаанд.
Сабаби тахминии фоҷеа таркиши метан гуфта мешавад. Дар ин бора муовини додситони кулли Русия Дмитрий Демешин изҳори назар кардааст.
Вазорати ҳолатҳои фавқулодаи Русия ҳалокати 52 нафарро тасдиқ кард.
Корҳои наҷотдиҳӣ дар кони «Листвяжная» дар Кузбасс аз сар гирифта шуданд. Дар ин бора 26 ноябр дар шабакаи телевизионӣ губернатори вилояти Кемерово Сергей Сивилев хабар дод.
Ҳоло 38 нафар конканон ва 11 нафар наҷотдиҳандагон дар беморхона нигоҳ дошта мешаванд. Гуфта мешавад, ки даҳ нафар бо заҳролудшавӣ ташхис шуда, як нафар аз сараш осеб дидааст.
35 нафар конканони нопадидшуда низ ҳалокшуда эълон шуданд. Ҳамин тариқ, шумораи умумии қурбониёни ҳодисаи фавқулода 52 нафарро ташкил дод.
Раҳбарони ин корхона бар асоси моддаи 217-и Кодекси ҷиноӣ – «Вайрон кардани талаботи бехатарии саноатӣ дар иншооти истеҳсолии хатарнок, ки аз беэҳтиётӣ боиси марги инсон гардидааст», боздошт шудаанд.
Губернатор Сивилев аз 26 то 28 ноябрро рӯзҳои мотам эълон кард.
Президенти Русия Владимир Путин зимни мулоқот бо президенти Сербия Александр Вучич ин ҳодисаро фалокати бузург хонд ва таъкид кард, ки бо хонаводаҳои қурбониён ҳамдард аст. Сарвари давлат афзуд, ки ба хадамоте, ки дар наҷоти одамон ва кумак ба наздикон машғуланд, супоришҳои зарурӣ додааст.
АКС:argumentiru.com
Барои кормандзанони мақомоти корҳои дохилӣ барномаи идонаи бошукуҳ доир гардид
Дар Душанбе ҷаласаи Комиссияи даъвати ҷумҳуриявӣ баргузор шуд
Котиби Шурои амнияти Ҷумҳурии Тоҷикистон бо Директори Кумитаи иҷроияи Сохтори минтақавии зиддитеррористии СҲШ мулоқот намуд
«БЕҲТАРИН РАСМИ МОДАР ВА ДУХТАР БО ЛИБОСИ МИЛЛӢ». Таҳти ин унвон озмун баргузор мегардад
Сарфармондеҳи Олии Қувваҳои Мусаллаҳ: «Артиши миллии Тоҷикистон ба яке аз рукнҳои муҳимми давлатдории навини тоҷикон мубаддал гардидааст»
ИМРӮЗ — РӮЗИ ТАЪСИСИ ҚУВВАҲОИ МУСАЛЛАҲИ ТОҶИКИСТОН. Давлат бо Артиши миллӣ муқтадиру пойдор мемонад
СИПАҲСОЛОРИИ ПЕШВОИ МИЛЛАТ. Артиши миллӣ — артиши дар ибтидо пароканда ва номукаммале, ки имрӯз ба қувваи бузург ва ифтихори тоҷикон табдил ёфтааст
ҶОННИСОР, ШАБЗИНДАДОР ВА БОИСИ ИФТИХОР! Имрӯз Артиши миллии Ҷумҳурии Тоҷикистон сипари боэътимоди давлат ва миллат аст
ЗАНОНИ НИЗОМИПӮШ. Дар баробари зан-модар будан масъулияти ҳимояи Ватанро низ бар дӯш доранд
Эмомалӣ Раҳмон: «Ҳимояи Ватан ва ҳаёти осоиштаи мардум барои ҳар ҷавонмарди бонангу номус вазифаи муқаддас ва пуршараф ба ҳисоб меравад»
Дар шаҳри Бишкек ҷаласаи муштараки ҳайатҳои ҳукуматии Тоҷикистону Қирғизистон оид ба делимитатсия ва демаркатсияи сарҳади давлатӣ баргузор шуд
Ҳимояи марзу бум вазифаи ҷонии ҳар афсару сарбоз ва сокини ифтихорманди Тоҷикистон мебошад
