МУБОРАК БОД! Дастаи мунтахаби олимпии Тоҷикистон (U-23) ба финали Ҷоми Осиё-2022 оид ба футбол роҳ ёфт

ДУШАНБЕ, 02.11.2021 /АМИТ «Ховар»/. Дастаи мунтахаби олимпии Тоҷикистон (U-23) оид ба футбол барои ширкат дар қисми ниҳоии Ҷоми Осиё, ки соли оянда дар Узбекистон баргузор мешавад, роҳхат гирифт. Дар ин бора АМИТ «Ховар» бо истинод ба Федератсияи футболи Тоҷикистон хабар медиҳад.

Дастаи мунтахаби Тоҷикистон аз рӯи натиҷагирии мусобиқаи интихобии Ҷоми Осиё-2022 ба чаҳор дастаи беҳтарин, ки дар гурӯҳҳои худ ҷойҳои дуюмро гирифтаанд, шомил шуд, ки ин ба даста ҳуқуқи ширкат дар қисми ниҳоии Ҷоми Осиёро медиҳад.

АКС: ФФТ